ပံက်တန်ဗ္တောန်အၚ်္ဂလိက် English Access Microscholarship Program အလန်ဒုတိယပၠန်ဏောၚ်

by | Nov 22, 2015 | ပရိုၚ် | 0 comments

သၞံၚ်တိုၚ် – နူကဵုရုၚ်ကလုတ်အမေရိကာန် (ဍုၚ်လ္ဂုၚ်) ကဵုအထံက်ပၚ်ပရေၚ်အဇဳဇန် ပံက်တန်ဗ္တောန်အၚ်္ဂလိက် English Access Microscholarship Program အလန်ဒုတိယပၠန်ရောၚ်ဂှ် ပ္ဍဲကဵုဂိတုနဝ်ဝေန်ဗာ (၂၀) ဂှ်

လလောၚ် တြးလဝ် ပ္ဍဲကဵုဘာဓာတုမာလာ ဍုၚ်မတ်မလီုရ။

တန်ဗ္တောန်ဏံဝွံ ကွးဘာသၟတ်အကြာအယုက် (၁၆) သၞာံကဵု (၁၈) သၞာံတံ အံၚ်လဝ်တန်လုပ်တက္ကသိုလ် (စှ်တန်) တံဂှ်ဟေၚ် ညးတံရုဲစှ်အာတုဲ ညးတံပကတ်ပကေၚ်အာ ပွိုၚ် (၂) သၞာံ နကဵုစရိတ်ထံက်ပၚ်နူရုၚ်ကလုတ် အမေရိ ကာန်ရ။

“အခိၚ်ဗ္တောန်လိက်တှေ် စွံအဓိကကဵု ကွးဘာတံရ။ ကွးဘာညးမွဲကဵုညးမွဲ လှာဲဂတးကၠောန်ကမၠောန်တံ ပါမံၚ် ဏောၚ်။ ပရေၚ်ချဳဓရာၚ် ညးၜါမွဲတောဲကဵုဒှ် ကောံကောံလောံလောံကဵုဒှ် ဒးပံၚ်ကၠောန်လေဝ် နွံမကီုရ။ ပရေၚ်ချဳဓ ရာၚ်မ္ၚးဘာတံလေဝ် ဂွံဒှ်ပရေၚ်ဆက်စၠောံကဵုညးဍုၚ်ကွာန်တံဂှ်လေဝ် ဒးကၠောန်အာကီုဏောၚ်” သာ်ဝွံ နူကဵုရုၚ်က လုတ်အမရိကာန် (ဍုၚ်လ္ဂုၚ်) ညးတာလျိုၚ်ပရေၚ်ယေန်သၞာၚ် ကေုာံ ပရေၚ်ပညာ ဒေါ်သူဇာသွၚ် ဟီုရ။

ကွးဘာတံဂှ် ဒးလုပ်စမ်ၜတ်သွဟ်လိက်ကၠာတုဲ ဒးဒုၚ်သၟာန်သွဟ် (Interview) ကီုရောၚ်။ အတိုၚ်လၟိဟ်စၟတ်သမ္တီ လဝ်ဂှ် ရုဲစှ်ကဵုအခေါၚ်တိုန်ဘာတုဲ ညးသှေ်အာကဆံၚ်ဒုတိယတံဂှ် အခိၚ်ကာလ ကွးဘာတံ တိတ်အာနူဘာမ္ဂး ထပက်အဇာဂွံအခေါၚ်တိုန်စိုပ်ရောၚ်။

ဘာဏံဝွံ ကောန်ဂကူဟွံရုဲ၊ ဘာသာရှေ်သှေ် ဟွံရုဲ တိုန်စိုပ်မာန်တုဲ အခိၚ်တိုန်ဘာဏံ ယဝ်ရစိုန်သကီုမ္ဂး အခေါၚ် အာတ်မိက်တိုန်ဘာဍုၚ်သ်အာၚ်ကီု အခေါၚ်တိုန်တိုန်ဗ္တောန် (တ္ၚဲဇမၠေံ) တိုန်ပေဲါသၠာဲဂတးလညာတ်သၟတ် ပ္ဍဲဍုၚ်အ မေရိကာန်တံကီု ဂွံအာစိုပ်မာန်ရောၚ်။

“အခိၚ်ဥတုက္ညၚ်တှေ် ညးကၠောန်ကဵု (Summer Camp) ဂှ်တှေ် ဂွံရဲမိဿဟာဲလေဝ် ဂၠိုၚ်ကၠုၚ်ရ။ Community ဇကုလေဝ် သၠဲလးကၠုၚ်ကီုရ။ နနဲသာ်ဏံ ကသပ်တၟိ လညာတ်တၟိတံလေဝ် ဂွံကၠုၚ်လဝ်ကီုရ” သာ်ဝွံ ကွးဘာတိုန် စိုပ်လဝ် တန်ဗ္တောန်အလန်ပထမ မောၚ်ကောၚ်းမြတ်သူ ဟီုရ။

ပံက်တန်ဗ္တောန်အၚ်္ဂလိက် English Access Microscholarship Program ဏံဂှ် အလုံကၟိန်ဍုၚ်မွဲ ဍုၚ်ဇၞော်မပ္တံကဵု မျေတ်ကျဳဏာ၊ သေတ်ကိုၚ်၊ ကျံက်သေဝ်၊ မတ်မလီု၊ မာန္တလေဝ်၊ ဟိုဝ်ပုၚ်၊ ပျဳ၊ ဖါသိမ် ကေုာံ ဍုၚ်ဘာတံ ပံက်လဝ် ပ္ဍဲကဵု (၉) ဒၞာဲကီု ခြာဟွံလအ် ထပ်ပံက်အာ ပ္ဍဲကဵုဍုၚ်လွိုၚ်ကဝ်ပၠန်ရောၚ် ဂွံတီကေတ်ရ။

Written by

Related Posts

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

ရန်ကဵု သ္ဂောံထ္ၜုတ်ပ္တန် တ္ရဲစၟတ်သမ္တီမန် မဆေင်စပ်ပရေင်တိဍာ် ကေုာံ အဂႅလကျှဏ်ဂကူမန် ဂးတုဲ နူကဵုဂကောံ ပြဝါတိဍာ်မန်တအ် ဗက်ကံက်ကေတ်မံင်လညာတ် အကြာညးဍုင်ကွာန်မန်တအ်နွံရ။

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.