ပ္ဍဲတၞးစၟတ်တဲမာဲဂှ် အရံၚ်သၚ်္ကေတဗော် ဗၠေတ်မံၚ်တုဲ ဖန်ဇန်မံၚ် သွက်ဂွံပ္တိုန်လိက်ဒ္စဵုဒ္စး

by ဌာန်ပရိုၚ်ဗၠးၜးမန် | Nov 4, 2015 | ပရိုၚ်ပေဲါရုဲမာဲ, လ္ၚတ်မၚ်ရံၚ် ပေါဲရုဲမာဲ ၂၀၁၅ | 0 comments

တဆိပ်ဗော်ကောန်ဂကူမန်(Copy)

အိုက်သာၚ် - ပ္ဍဲတၞးစၟတ်တဲမာဲဂမၠိုၚ် နူကမ္မယှေန်ပေါဲရုဲမာဲကၟိန်ဍုၚ် ပရးပ္တိတ်လဝ်ဂှ် အရံၚ်တဆိပ် ဗော်ကောန်ဂကူမန် သၞံၚ်ဗု ကဵု ဗီုၜိုပ်ထဝ်ဂှ် အရံၚ်ဍေံဗၠေတ် ဂတးကၠုၚ်မံၚ်တုဲ စပ်ကဵုကိစ္စဏံ သွက်ဂွံပ္တိုန်လိက် ဒ္စဵုဒ္စး ကုဂကောံ ကမ္မယှေန် ပေါဲရုဲမာဲ ကၟိန်ဍုၚ်ဂှ် ဗော်ကောန်ဂကူမန် ဖန်ဇန်
မံၚ်ဖိုဟ် ဂွံလဝ်ပရိုၚ်ရ။
ပဟိုတ်ကဵုကိစ္စဂှ်ရ ပ္ဍဲဂိတုနဝ်ဝေမ်ဗာ ၁ ဂှ် ဗော်ကောန်ဂကူမန် ကၠောန်ပေါဲသောၚ်ပရိုၚ် ပ္ဍဲရုၚ်ဗော် နွံဍုၚ်မတ်မလီုဂှ်တုဲ သွက်ဂွံပ္တိုန်လိက်ဒ္စဵုဒ္စး ကုဂကောံကမ္မယှေန်ပေါဲရုဲမာဲကၟိန်ဍုၚ်ဂှ် ညးတအ် ချပ်ဇန်ကၠုၚ်ရ။
“ပိုဲတအ်ချပ်လဝ် သွက်ဂွံပ္တိုန်လိက်ဒ္စဵုဒ္စးနွံ။ ဆ္ဂးပြဟ်ဟ်ဏံ ဟဂွံပ္တိုန်ဏီ။ မုဒှ်ရောဟီုတှေ် ဒှ်ဗီုဏံဂှ် ဗော်ပိုဲမွဲဓဝ် ဟွံသေၚ်၊ ဗော်တၞဟ်ဟ်လေဝ် ဒှ်ကၠုၚ်ဗီုဂှ်နွံ။ ဒၟါဂှ်ရ ဒးသၟာန် ဒးထ္ဍံက်ရံၚ် လညာတ်လစွံစိုတ် ဗော်တၞဟ်ဟ်ဏီ။ တုဲတှေ် ပ္တိုန်ထေက်ဟာ ဟွံထေက်ဟာဂှ် သ္ဂုတ်သွာတ်ပၠန်ဏောၚ်” နာဲလျးတၟး ညးအုပ်ကာ ဗော်ကောန်ဂကူမန် ဟီုရ။
သၚ်္ကေတ အရံၚ်တဆိပ်ဍာံဍာံ ဗော်ကောန်ဂကူမန်ဂှ် သၞံၚ် ဒှ်အရံၚ်ဗုတုဲ ၜိုပ်ဂှ် ဒှ်အရံၚ်ထဝ် (ဍာ်မိတ်) ရ။ ကာလ ဂကောံကမ္မယှေန်ပေါဲရုဲမာဲကၟိန်ဍုၚ် တက်ပ္တိတ် တၞးစၟတ်တဲမာဲဂှ် သၞံၚ်ဂှ် ဒှ်အာ အရံၚ်ဍာ်မိတ်၊ ၜိုပ်ဂှ် ဒှ်အာ အရံၚ်ဗုတုဲ အရံၚ်ဍေံဂတးမံၚ်ရ။
စပ်ကဵုဒဒှ်ဏံတုဲ လဟီုဂကောံကမ္မယှေန်ပေါဲရုဲမာဲ တွဵုရးမန်မ္ဂး “တၞးစၟတ်တဲမာဲ နူကမ္မယှေန်မာဲကၟိန်ဍုၚ် ပ္တိတ်လဝ်တအ်ဂှ် စက္ခူဂှ် ဒှ်မံၚ်အရံၚ်ဍာ်မိတ်တုဲ ဗော်စကာလဝ် သၚ်္ကေတ အရံၚ်ဗုဗုတအ်ဂှ် အတိုၚ်အရံၚ်ဒုၚ်လဝ်သၟဝ်ဂှ်ဟေၚ် ဍေံဒှ်အာ အရံၚ်ဍာ်မိတ်ကီုရ။ ဒှ်သာ်ဂှ်ရ ကိစ္စဏံ တဆိပ် ဗော် မွဲဗော်ဓဝ်ရ အရံၚ်ပြံၚ်အာဟွံသေၚ်” ဂးကၠုၚ်သာ်ဂှ်ရ။
ပ္ဍဲတွဵုရးမန်ဂှ် ဗော်ပရေၚ်ဍုၚ်ကွာန်ဂမၠိုၚ် မပ္တံ ဗော်ကောန်ဂကူမန်၊ ဗော်ဒဳမဵုကရေဇြဳအလုံရးမန်၊ ဗော် NLD၊ ဗော်ကျဖေါအ်(ပျဳခါၚ်ဖျဵု)၊ ဗော် (အမျိုးသားဒီမိုကရေစီ အၚ်အားစုပါတီ)၊ ဗော် (အမျိုးသား တိုးတက်ရေးပါတီ)၊ ဗော် တစည (တိုၚ်းရၚ်းသားစည်းလုံးညီညွတ်ရေးပါတီ)၊ ဗော် (ဖလုံစဝေါ်ဒီမိုကရက်တစ်ပါတီ)၊ ဗော် (ကရၚ်အမျိုးသားပါတီ)၊ ဗော် (ကရၚ်ပြည်သူ့ပါတီ) ကေုာံ ညးစၞးပုဂ္ဂလိက တအ်လေဝ် လုပ်ပြိုၚ်အိုတ်ဏောၚ် ဂွံတီကေတ်ရ။
အတိုၚ်စရၚ်မာဲ လလောၚ်ကၠုၚ်လက္ကရဴအိုတ် ပ္ဍဲဂိတုသေပ်တေမ်ဗာ နူ ၁၄ ဒဵုကဵု ၂ရ ဂှ်မ္ဂး ပ္ဍဲတွဵုရးမန် လၟိဟ်ညးနွံကဵု အခေါၚ်စုတ်မာဲ နွံ ၁၄ ကိုဋ်ကဵု ၄ ဠက်ပြၚ် သာ်ဝွံ ဂွံတီလဝ် နူရုၚ်ကမ္မယှေန်ပေါဲရုဲမာဲ တွဵုရးမန်ရ။
လၟုဟ်မ္ဂး မၞိဟ်ပြံၚ်ဌာန်ဒေသ လုပ်တန်တဴမံၚ် ပ္ဍဲတွဵုရးမန် တအ်လေဝ် ညးတအ် သ္ဂောံဂွံ အခေါၚ်ကဵုမာဲကီုဂှ် အာတ်မိက် ဂရၚ်ပ္တီ နကဵု တၞးလိက်ဗီုပြၚ် ၃-က ဂှ်တုဲ သီုဖ်အိုတ် ညးပ္တိုန်ကၠုၚ်လိက် (၃-က) ပ္ဍဲပွိုၚ်ဍုၚ်ရေဝ်၊ ပွိုၚ်ဍုၚ်ကျာ်မြဟ်၊ ပွိုၚ်ဍုၚ်မတ်မလီု၊ ပွိုၚ်ဍုၚ်ၜါသွာၚ် တ္ကအ်ခၟိုၚ်၊ ပွိုၚ်ဍုၚ်မုဟ်ဍုၚ် တအ်  နွံၜိုတ် ၂ ဠက်ပြၚ်ပၠန်တုဲ ညးတအ်လေဝ် က္လိဂွံအခေါၚ်ကဵုမာဲကီုဏောၚ်ဂှ် ဂွံတီကေတ် နူရုၚ်ကမ္မယှေန် ပေါဲရုဲမာဲ ဒေသညးကဵုညးကီုရ။


								
					
												← ပ္ဍဲတွဵုရးမန် ညးဂရၚ်ပ္တီလဝ် နကဵုတၞးလိက်ဗီုပြၚ် ၃-က ဂှ် ဂွံအခေါၚ်ကဵုမာဲ လၟိဟ်ၜါဠက်ပြၚ်
					
				
							
					
												သဘၚ်ကျာ်တၟအ်သၞာံဏံ သကိုပ်ဝန်ဇၞော်တွဵုရးဍုၚ်မန် တိုန်စိုပ် →


				
				
				
				
				
				
				
				
				
				
				
				
				
				
				
				
				
				
					
					
						Written by  
						
					
				
			

				More Posts by


				
				
				
				
				
				
				
				
				
				
				
				
				
				
				
				
				
				Related Posts
			

				
				
				
				
				
					
			

				
														
													လညာတ်ညးဍုင်ကွာန်မန် ကဵု ပေါဲရုဲမာဲကံင်ဇြဳပၞာန် သၞာံ – ၂၀၂၅
											
				
					by ဌာန်ပရိုၚ်ဗၠးၜးမန် | Jul 28, 2025 | Featured, လညာတ်ပါ်ပါဲ, လိခ်ပရေၚ်
အခိင်ဍုင်ကွာန်ရုသံင် ယဝ်ခါရ ဂၠိုက်ဂၠာဲလညာတ်ညးဍုင်ကွာန်မ္ဂး မုပိုဲက္လိဂွံသွဟ်မာန်ရော သွဟ်မွဲဗီုဓဝ် ဆလအ်က္လိဂွံဟွံမာန် မုဟိုတ်ရောမ္ဂး ဍုင်ကွာန်ဂွံရုသံင်ဂှ် ဒၟါနူပရေင်ညဳသာလီုလာ်ရ။ ပရေင်ညဳသာလီုလာ်မှ ဍုင်ကွာန်ဂွံရုသံင်ရောင်။ က္ဍိုပ်သ္ကိုပ် ညးအာဂတတံ လညာတ်ထကး ပါ်ခြာအာရေင်သ္ကံမ္ဂး ညးဍုင်ကွာန်လေဝ် လညာတ်ထ္ကးပြး လညာတ်ဟွံတုပ်ရေင်သ္ကံ ချိုတ်ပၠိုတ်ရ။ လၟုဟ် ညးချူလိက် အာတ်မိက်လညာတ် ညးဍုင်ကွာန်မန် ညးမကၠိုဟ်ခၠင် ပ္ဍဲအကာဲအရာ ပရေင်ဍုင်ကွာန်တံ ဆေင်စပ်ကဵုပေါဲရုဲမာဲဂှ် ပံင်သရုပ်ကၠေံလညာတ် မကြပ်မံင်ညးသ္ကံ သ္ပမွဲဂှ် ဍေံဟွံတိတ်ကၠုင်မွဲတုဲ တိတ်ကၠုင်လညာတ်ၜါဗီုရ။ အတိုင်လညာတ်တံဂှ် ပါ်ပရအ်ဏာကဵု ကုကောန်ဂကူမန်ပိုဲတံ နကဵုလိက်ပရေင်ဝွံရ။
			
			
				
			

				
														
													ပရေင်ဗ္တောန်လိက်ပတ်ကောန်ဍုင်အရင် ပ္ဍဲဘာဗ္တောန်လိက်ပညာသဇိုင်တံဂှ် ကြပ်ဒးဒေါံဇူကၠုင်နွံ
											
				
					by ဌာန်ပရိုၚ်ဗၠးၜးမန် | Jul 19, 2025 | လညာတ်ပါ်ပါဲ, လိခ်ပရေၚ်
ပ္ဍဲဘာဗ္တောန်လိက်ပညာသဇိုင် မၞုံအပ္ဍဲတွဵုရးဍုင်မန်ဝွံ ခါန်ကၞက်အ္စာ/ အ္စာၝောံ ဗ္တောန်လိက်ပတ်ကောန်ဍုင်အရင် မပ္တံမန်၊ ကရေင်၊ ပအိုဝ် ဟွံမာန်ဂှ်ရ ပရေင်ဗ္တောန် လိက်ပတ်ကောန်ဍုင်အရင် အပ္ဍဲဘာဗ္တောန်လိက်ဂှ် ကြပ်ဒးဒေါံဇူကၠုင်နွံမံင်ဏောင် ဂွံတီကေတ်ရ။
			
			
				
			

				
														
													သွက်ပိုဲတအ် ဒးစွံသတိကဵု ပရိုင်ပတောံ
											
				
					by ဌာန်ပရိုၚ်ဗၠးၜးမန် | Oct 9, 2021 | ပရိုင်ပတောံ: Fact-Checking, ပရိုၚ်, ပရိုၚ်ပေဲါရုဲမာဲ
စိုပ်ကဵုခေတ်ကာပိုဲလၟုဟ်တုဲ ပရိုၚ်ပ္တောံဗွဲမဂၠိုၚ်ဂၠာဲချူ ပ္တိုန်မံၚ်ဂှ် ပိုဲတအ်ဂွံဆဵုကေတ်မံၚ်လ္တူ Social Media ဗွဲမဂၠိုၚ်ရ၊၊ ပ္ဍဲကဵုလိက်ချူပ္တိုန်၊ ထမံက်ထ္ၜးမံၚ်တအ်ဝွံ လ္ၚဵုဂှ်ဂိုၚ်စွံလဝ် ဗီုတြေံတြေံတုဲ ညံၚ်ရဴပရိုၚ်တၟိတၟိကီု ချူပတိုန်စလေပ်မံၚ်ဂှ် ဂွံဆဵုရ။ ပိုဲဆဵုပရိုၚ်မွဲပိုဒ်မ္ဂး ကၠာပိုဲဖျေံစိုတ်ပိုဲဏီ၊ နူကၠာပိုဲဟွံကဵုသ္ဂုတ်သွာတ်ဏီဂှ်မ္ဂး  တၚ်နၚ်ပရိုၚ်ဏံ ပရိုၚ်ဍာံဟွံဍာံဂှ် ဗွဲကိုပ်ကၠာ ပိုဲဒးစၟီစၟတ်ချိုတ်တ်ပလိုတ်ရောၚ်ဂှ်ဒှ်တၚ်ကိစ္စ‌ေဇၞာ်မွဲကီုရ။


				
				
				
				
				
				
				
				
				
				
				
				
				
				
				
				
				
				


	0 Comments
		   
		  
		  	   
					
		Submit a Comment Cancel reply
Your email address will not be published. Required fields are marked *
Comment * 
Name * 
Email * 
Website 
 

Δ
	

	This site uses Akismet to reduce spam. Learn how your comment data is processed.