ပံက်ဏာကမ္မတဳလိက်စံၚ် ပရေၚ်ညဳသၟဟ်အလုံဂကူမန်(MNA)
ကမ္မတဳရေၚ်တၠုၚ်ဝွံ သီုဂကောံခမဳသၚ်ကီု ညးက္ဍိုက်ပ်ဂကောံမဟာဇန်ဂမၠိုၚ်ကီု သီုဖအိုတ်ပါလုပ်(၁၇)တၠ တုဲ ကိစ္စပရေၚ်ကမၠောန်လိက်ခၞံ-လိက်စံၚ် ဂွံတိတ်ဒှ်မွဲစုမ်မာန်ဂှ် ကမ္မတဳဂှ် ဒးဆက်ဓမံက်အာရုပ်ရဴရ။
ကောံဓရီုပံက်ဏာကမ္မတဳရေၚ်တၠုၚ်ကိစ္စလိက်ခၞံ-လိက်စံၚ် ပရေၚ်ညဳသၟဟ်အလုံဂကူမန် ဂှ် နူကဵုဂကောံ ပံၚ်ကောံပရေၚ်ဂကူမန် ဗွိုၚ်အပ္ဍဲဍုၚ်တအ်ကော်ဘိက်လဝ် ဗော်ပရေၚ်ဍုၚ်ကွာန်တအ်နွံကီုလေဝ် ဗော် မန်လဵုလေဝ် ဟွံတိုန်စိုပ်တုဲ ညးလ္ၚဵုဒှ်ပရေၚ်ဆိုအ်ဗ သွက်ဂွံဓမံက်ပရေၚ်ကမၠောန်လိက်ခၞံ-လိက်စံၚ်ဂှ် နွံရ။
‘ပိုဲဘိက်လဝ် ဗော်ပရေၚ်ဍုၚ်ကွာန်တအ်ဖအိုတ်ရ၊ ဆဂး ညးကၠုၚ်ဟွံစိုပ်တှေ် တာလျိုၚ်ညးရ က္ဍိုပ်က မၠောန်တ္ၚဲဏံဂှ်တှေ် ပရေၚ်ညဳသၟဟ်အလုံဂကူမန်ရ၊ ညးကၠုၚ်ဟွံစိုပ်တှေ် ကိစ္စပရေၚ်ညဳသၟဟ်အလုံဂကူဏံ ၜိုတ်လဵုညးတအ်ဇြိုဟ်နက်ဂလိုၚ်လဵုရော ပိုဲတအ်တော်ကေတ်ရ၊ ဗီုလဵုဒှ်ဒှ်ရ ပရေၚ်ညဳသၟဟ်အလုံဂကူ ပိုဲတ္ၚဲဏံဂှ်တှေ် ပိုဲတအ်ၜိုတ်ကၠောန်ဂွံဂှ် ဒးကၠောန်တွဵုရ၊ ခမဳသၚ်ကီု၊ ဂကောံမဟဇန်ကီု ညးဍုၚ်ကွာန်မန်ကီု ဟီုညဳ၊ ချပ်ညဳ၊ ကၠောန်ညဳတှေ် ဍေံဒးညဳသၟဟ်တွဵုရ ’ သာ်ဏံ ညးမပါလုပ်ပ္ဍဲကမ္မတဳတိုၚ် ကောံဓရီုဇၞော် (ကမ္မတဳဗဟဵု MAU) နာဲဇာတိနာဲ ဟီုရ။
ကောံဓရီုပံက်ဏာကမ္မတဳရေၚ်တၠုၚ် သွက်ဂွံချူဇန်လိက်ခၞံ-လိက်စံၚ်ဂှ် ပြဟ်ဟ်ဏံ ရဲဗော်ပရေၚ်ဍုၚ် ကွာန်တအ်ဟွံပါ လေဝ် ပိုဲတအ်ဒးနိဿဲကဵုညးတအ်ဏောၚ်၊ ပ္ဍဲကဵုချူဇန်ဂၠံၚ်တရဴအ လုံကောန်ဂကူမန်ဂှ် ညံၚ်ညးတအ်ဂွံပါ ကၠုၚ်မာန်ဂှ်လေဝ် ဒးကသေအ်ကၟဝ်ဆဝ်ဗ္ၚုဟ်အာရောၚ်ဂှ်လေဝ် ညးဆက်ဟီုရ။
ကောံဓရီုဇၞော်ပရေၚ်ဂကူမန်ဝွံ ဂကောံပံၚ်ကောံပရေၚ်ဂကူမန်ဂှ် ရန်လဝ်သွက်ဂွံကၠောန်အကြာဂိတု မာတ်ချ်တေံ ကၠာအတးဟွံစှေ်တုဲ ချိၚ်လဝ်သွက်ဂွံကၠောန်အာဗွိုၚ်တိဍာ်ဗော်ဍုၚ်မန်တၟိမွဲဒၞာဲရောၚ်ဂှ် ရန် လဝ် နွံရ။
ဂကောံပံၚ်ကောံပရေၚ်ဂကူမန် MAU ဂှ် ကြဴနူကဵုဒှ်ထုဲထံၚ်ကဵုဗော်ပရေၚ်ဍုၚ်ကွာန်မန်တအ်တုဲ ပရေၚ်က မၠောန်ဂကောံကီု၊ ပရေၚ်ကမၠောန်ကောံဓရီုဇၞော်ပရေၚ်ဂကူမန်ကီု၊ ကိစ္စသဘၚ်သဳကၠဳကောန်ဂကူမန်ကီု ဒေံါဒေၚ်အာအိုတ်တုဲ လ္တူဂကောံပံၚ်ကောံပရေၚ်ဂကူမန်ဂှ် ဒးဒုၚ်ဟီုဂးစောဒကကၠုၚ်နွံရ။
‘ပရေၚ်ကမၠေန်ကောန်ဂကူမန်ပိုဲဂှ် ဟိုတ်နူညးအာက္ဍိုပ်ဗော်ပရေၚ်ဍုၚ်ကွာန်တအ်တုဲတှေ် ဍေံဒးဆိုအ်ဗ အာပိုဲဆဵုမံၚ်ရ၊ ဟိုတ်ဂှ်ရတှေ် ကိစ္စပရေၚ်ညဳသၟဟ်အလုံဂကူပိုဲဂှ် ပိုဲမၚ်မံၚ်ညးတအ်ဟွံဂွံပုဟ်၊ ဆဂးတှေ် ဗီု ပိုဲကၠောန်ဂှ် ပိုဲကဵုသမ္တီကဵုညးတအ် ညးတအ်သ္ပသမ္တီ ဟွံသ္ပသမ္တီဂှ် ဆေၚ်ကဵုညးတအ်ဏောၚ်’ သာ်ဝွံ ကျာ် ဇၞော်အ္စာ သဳဟ(ဂုဏ်ချေတ်) ဟီုမြော်ရ။
ဗွဲကြဴနူကဵုပေဲါရုဲမာဲတုဲကၠုၚ်ဏံတုဲ ကမ္မတဳဗဟဵုဂကောံပံၚ်ကောံပရေၚ်ဂကူမန်တအ် ကလေၚ်ကော်ကောံ ဓရီုရ၊ ပ္ဍဲကောံဓရီုဂှ် ဂိတုအကြာဂိတုမာတ်ချ်ဏံမ္ဂး သွက်ဒးကၠောန်အာပေဲါကောံဓရီုဇၞော်ပရေၚ်ဂကူမန်တုဲ သွက်ဗွိုၚ်အပ္ဍဲဍုၚ်မ္ဂး ပရေၚ်ပတိရုပ်ကောန်ဂကူမန်က္တဵုဒှ်ဒၟံၚ်တ္ၚဲဏံဂှ် လိက်ခၞံ-လိက်စံၚ် ‘ပရေၚ်ညဳသၟဟ် အလုံဂကူမန်’ သွက်ဒးချုပ္တိုန်နွံတုဲ ဒးသဳကၠဳပ္ဍဲကဵုကောံဓရီုဇၞော်ပရေၚ်ဂကူမန်တေံရောၚ် သာ်ဝွံ ဖျေံလဝ် နွံရ။
