ဆန္ဒပရေၚ်ညဳသၟဟ်ဟွံမွဲမ္ဂး ဗော်မန်တံ သှေ်အာမာန်ရောၚ် သဘာပတိ MAU ဗွိုၚ်အပ္ဍဲဍုၚ် ဟီု

by ဌာန်ပရိုၚ်ဗၠးၜးမန် | Mar 30, 2016 | ပရိုၚ် | 0 comments

တုဲကၠုၚ်ကောံဓရီုဒစးဒုၚ်ကောံဓရီုဇၞော်ပရေၚ်ဂကူမန် ပ္ဍဲကဵုဍုၚ်မတ်မလီုဂှ် ဗော်ပရေၚ်ပရေၚ်ဍုၚ်ကွာန်မန် (အပ္ဍဲဍုၚ်) သီုပိဗော်ဂှ် ဟွံတိုန်စိုပ်တုဲ ဆန္ဒပရေၚ်ညဳသၟဟ်ဟွံမွဲမ္ဂး ဗော်မန်တံ သှေ်အာမာန်ရောၚ် သဘာ ပတိ ဂကောံပံၚ်ကောံပရေၚ်ဂကူမန် (MAU) ဗွိုၚ်အပ္ဍဲဍုၚ် နာဲဗညာဂ္ဇံ ဟီုရ။

“သဳကၠဳကောံဓရီုပရေၚ်ညဳသၟဟ်ဂကူမန်ရ ဗော်ပရေၚ်ဍုၚ်ကွာန်တံဆန္ဒပရေၚ်ညဳသၟဟ်ဂကူဟွံမွဲတှေ် ခမဳ သၚ်ညးဍုၚ်ကွာန်တံညာတ်အာလ္တူဗော်တံမွဲဗီုမာန်ရောၚ်၊ ညးတံဟွံစှေ်စိုတ်ကဵုရဲကၠောန်တံမုဟွံဒှ်ပုဟ်၊ ညးတံဟွံပကာကဵု ခမဳသၚ် ညးဍုၚ်ကွာန်မဟာဇန်တံဒှ်အာသာ်ဂှ်မာန်ဏောၚ်” သာ်ဏံ သဘာပတိ (MAU) ဂှ် ဟီုထ္ၜးရ။

တုဲကၠုၚ်ကောံဓရီုဒစးဒုၚ်ကောံဓရီုဇၞော်ပရေၚ်ဂကူမန်ဂှ် ဂကောံခမဳသၚ်၊ ဂကောံမဟာဇန်မန်သွာၚ်စုၚ် ကဵု ပူဂဵုတၠပညာညးမပါလုပ်ထေက်ကီု၊ ဗော်ပရေၚ်ဍုၚ်ကွာန်တံကီု ပံၚ်တောဲတုဲ သွက်ဂွံဒက်ပ္တန်အာဂကောံပၠ တရဴအလုံဂကူမန်မွဲဂှ် သ္ပဏာဒတန်ပ္ဍဲကဵုလိက်စံၚ် ‘ပရေၚ်ညဳသၟဟ်အလုံဂကူမန်’ သွက်ဂွံပ္တိုန်ထ္ၜးအာပ္ဍဲကဵု ကောံဓရီုဇၞော်ပရေၚ်ဂကူမန်တေံရ။

သဘာပတိဂကောံပံၚ်ကောံပရေၚ်ဂကူမန် ဗွိုၚ်အပ္ဋဲဍုၚ် ဃောဟီုမံၚ်ဂလာန်

ဆက်တုဲ သဘာပတိဂကောံပံၚ်ကောံပရေၚ်ဂကူမန် နာဲဗညာဂ္ဇံဂှ် ပ္ဍဲကဵုကောံဓရီုဇၞော်တေံလေဝ် ခမဳသၚ် တံကဵု ညးဍုၚ်ကွာန်မဟာဇန်တံကဵုလဝ်ဒမြိပ်အရေဝ်ဂှ် ဇၟာပ်ဗော်ဂှ်ညံၚ်ဂွံကဵုလိက်ဘိက်ကဵုညးတံကီုတုဲ ဗော်တံတိုန် ဟွံတိုန်ဂှ် တာလျိုၚ်ဗော်တံဏောၚ် ညးဆက်ဟီုထ္ၜးရ။

ပ္ဍဲကဵုကောံဓရီုဒစးဒုၚ်တုဲကၠုၚ်ဂှ် ဥက္ကဌဂကောံရာမညဓမ္မာစာရိယ ကျာ်ဇၞော်အ္စာကြေဝ်ဏာ၊ ဒုဥက္ကဌ ကျာ် ဇၞော်အ္စာ သဳလာစာရ ဘာဗ္ဂောသၟဝ်ဍုၚ်မတ်မလီု၊ ကျာ်ဇၞော်အ္စာ ကေတုမာလာ၊ ကျာ်ဇၞော်အ္စာဘာဒေါဝ် ကွာန်ပြဳ၊ ကျာ်ဇၞော်အ္စာ သဳလဝန္တ ဘာဟံသာထဝ် ဍုၚ်ဇြပ်ဗု သာ်ဝွံ ကျာ်ဇၞော်အ္စာသြဇာပ္ဍဲကောန်ဂကူမန် ဂၠိုၚ်ကဵုဇကုက္ညတိုန်စိုပ်ရ။

‘ပိုဲကၠောန်ကေၚ်ကာမွဲမွဲသာ်တှေ် ပိုဲပပၠုပ်ပ္ဍဲက္ဍဟ်ဗော်တံဂှ်ရ ပရေၚ်ကောန်ဂကူရပိုဲဟီု ပိုဲပမံၚ်ကဵုဗော်တံဂှ် တှေ်မုလေဝ်ကမၠောန်ဟွံဒှ်ပုဟ် လၟုဟ်လေဝ်ပိုဲဟီုအရၚ်ကောန်ဂကူပိုဲဏောဝ် ပ္ဍဲလိက်စံၚ်ပိုဲသဳကၠဳမံၚ်လၟုဟ် ဂှ်တှေ် ပိုဲပညဳမံၚ်ဗော်တံဟွံသေၚ်ပိုဲ အရၚ်ကောန်ဂကူမန်ပိုဲသွက်အနာဂတ်ဗီုလဵုပိုဲဂွံပ္တဝ်ရန်အာ ပိုဲချပ်သဳကၠဳ မံၚ်ဗီုဂှ်’ သာ်ဝွံ ကျာ်ဇၞော်အ္စာ ပညိန္ဒ တၠဋ္ဌာန်ဒၞာဲသ္ပကောံဓရီု ဘာဓါတုမာလာဍုၚ်မတ်မလီု ဂှ်ဟီုမြော်ရ။

ပ္ဍဲကဵုလိက်စံၚ်ပရေၚ်ညဳသၟဟ်အလုံဂကူမန် ဗွိုၚ်ဂကောံခမဳသၚ် ကဵု ဂကောံမဟာဇန်တံချူဓဇက်လဝ်ဂှ် ပ္ဍဲ ကဵုဗွိုၚ်သၞာံ ၂၀၁၆ ဏံဗော်မန်ညံၚ်ဂွံဒှ်မွဲဂှ် သွက်ဂွံဖန်ဇန်ညံၚ်ညးတံဆဵုဂဗအာညးသ္ကံမာန်တုဲ ယဝ်ခါရ ဗော်တံရေၚ်တၠုၚ်ဓမံက်ရုပ်ရဴဟွံမာန်မ္ဂး ခမဳသၚ် ညးဍုၚ်ကွာန်မဟာဇန်တံကော်ကောံဓရီုဇၞော်မွဲတုဲ ဆက် ကမၠောန်ဒတုဲဖဵုသွက်ဂကူမန်ဂှ် ဆက်ရေၚ်တၠုၚ်ဓမံက်အာရုပ်ရဴရောၚ် သ္ပဏာဒတန်ပ္ဍဲလိက်စံၚ်ဂှ်ရ။

← ဂကောံရပ်လွဟ်ကောန်ဍုၚ်အရၚ်တံ ပံၚ်ကောံစဵုဒၞါအာ ပဋိပက္ခရးသေံသၟဝ်ကျာတေံဏောၚ် နူကောံဓရီု ပါန်ခါန် လလောၚ်တြး ဒေသရေဝ်သမၠုၚ်ကျာ ပရေၚ်ၜိုဟ်လလမ် ဟွံမွဲဏီ →

Written by

ဒပ်ကမ္မယှေန်ပၞာန်တအ် ထ္ပက်ကၠုၚ်ပၞာန် ဒေသမန်၊ ကရေၚ် ဆက်စပ်ပွိုၚ်ဍုၚ် မုဟ်ဍုၚ်ကဵု လှာဒကှ်တုဲ ကၠအ်လ္ၚဵု ဟွံဂံၚ်ခွါတ်ထ္ၜိုတ်

by ဌာန်ပရိုၚ်ဗၠးၜးမန် | Oct 24, 2025 | ပရိုၚ်

ဟိုတ်နူဒပ်ကမ္မယှေန်ပၞာန်တအ် ထ္ပက်ကၠုၚ်ကရောၚ်ပၞာန် ဒေသမန်၊ ကရေၚ် ဆက်စပ် ပွိုၚ်ဍုၚ်မုဟ်ဍုၚ်ကဵု ပွိုၚ်ဍုၚ်လှာဒကှ်ဂှ်တုဲ ကၠအ်လ္ၚဵု ဟွံဂံၚ်ခွါတ်ထ္ၜိုတ်နွံရောၚ် ညးဒေသတအ် ဟီုရ။

အလံၚ်အမာတ် လုပ်ပြိုၚ်ပေဲါရုဲမာဲတအ် ဒဵုလၟုဟ် ဟွံဂွံထ္ၜးမုက်မတ်ဏီ

by ဌာန်ပရိုၚ်ဗၠးၜးမန် | Oct 24, 2025 | ပရိုၚ်

ပ္ဍဲကဵုပေါဲရုဲမာဲ (၂၀၂၅) ကမ္မယှေန်ပၞာန်ဗၟာတအ် ရန်လဝ်သွက်ဂွံကၠောန်အာ ပ္ဍဲဂိတုဒဳဇြေမ်ဗာဏံဂှ် အလံၚ်အမာတ် သွက်ဂွံလုပ်ရုဲစှ်ဂမၠိုၚ် ဒဵုလၟုဟ် ဟွံဂွံထ္ၜးမုက်မတ်ဏီရောၚ် ညးမၚ်ရံၚ်အခါတ်ကာဲ ပေါဲရုဲမာဲတွဵုရးဍုၚ်မန်မွဲတၠ ဟီုရ။

လိက်ကသုက် NCA ဂှ် မုရော?

by ဌာန်ပရိုၚ်ဗၠးၜးမန် | Oct 19, 2025 | ပရိုၚ်

NCA မ္ဂးဂှ် ဒှ်ဝေါဟာဗွဲခ္ဍန် မကၠုင်နူ Nationwide Ceasefire Agreement မဒှ်တုဲ ကၠာဲပတိတ် နကဵုဘာသာမန်ပေင်င်မ္ဂး လိက်ကသုက် တင်တုပ်စိုတ် ပရေင်ဒေါံတ္ၚီုပန်ပှော် အလုံမွဲဍုင် သာ်ဝွံ ဂွံအဓိပ္ပါဲရ။ ပိုဲတအ် ဟီုဂးစဂၠိုင်ဂှ်မ္ဂး လိက်ကသုက် ဒေါဴပန်ပှော် အလုံဍုင် (ဝါ) NCA မဒှ်ရ။ ပ္ဍဲကဵုသၞာံ ၂၀၂၅ ၊ ဂိတုအံက်တိုဝ်ပါ ၁၅ ဂှ် NCA ပေင်ကၠုင် ၁၀ သၞာံတုဲ အလဵုအသဳသီလဝ်အဝဵုတအ် ကၠောန်ဗဒှ် သဘင်စၟတ်သမ္တီရ။ ဒၟာနူညးစၞး နူဗော်ဍုင်မန်တၟိတအ် တိုန်စိုပ်လဝ်ဂှ် ကောန်ဂကူမန်လ္ၚဵုတအ် ပါ်ပါဲ ဟီုဂး ချူဆာဲဒၟံင်လ္တူအေန်တာနေတ် ဟီုကြာန်န်လေဝ်နွံတုဲ သွက်ဂကူမန်ပိုဲတအ် ဂွံဒှ်ဗဟုသုတ ဒှ်ချူကၠုင်လိက်ပရေင်ဝွံရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.