ကိစ္စကောန်ကွာန်ပါၚ်မၚ်ဂၠန် ၂ တၠဒးဒုၚ်ပန်ဂစိုတ်ဟွံဒှ်ဗဗွဲဓရ်မ္ဂး ဆက်ကၠောန်ပေဲါရာဒနာမိက် ပ္ဍဲဍုၚ်လ္ဂုၚ်ဏောၚ်

by | Jun 9, 2016 | ပရိုၚ် | 0 comments

ညးဒးဒုၚ်ပန်ဂစိုတ် ကောန်ကွာန်မၚ်ဂၠန် (၂) တၠဝွံ ပေၚ်အာ (၃) ဂိတုကီုလေဝ် စပ်ကဵုပရေၚ်ဂဗုတ် ဟွံပြေပြံၚ် ဏီတုဲ တၠဂုဏ်အ္စာ/ခၟဳသၚ်တံကဵု သၟတ်ဂမၠိုၚ်တံ ပံၚ်ကောံတုဲ ကၠောန်ဏာပေဲါရာဒနာမိက် အလန်တတိယ ပ္ဍဲကဵု ကျာ်သာၚ်ဍုၚ်ရေဝ်တုဲ သွက်ဂွံဆက်ကၠောန်အာ ပေဲါရာဒနာမိက် ပ္ဍဲဍုၚ်လ္ဂုၚ်နွံဏောၚ် ညးက္ဍိုက်​ပ်​ကၠောန်ပေဲါရာဒနာမိက်တံဂးရ။

ပ္ဍဲကဵုဂိတုမာတ် (၈) ပယာံဗ္တံ ၜိုတ် (၁၁) နာဍဳ၊ (၃၀) မိနေတ်ဂှ် နူကဵုဒပ် ခလရ (၂၈၀) ဗိုလ်ဇၞော်ဇြဝ်မျဵုထိတ် သၟာအာကဵုက္ဍိုပ်ဒမၠ ပန်ဒးအာကောန်ကွာန်မၚ်ဂၠန်ၜါတၠ နာဲမဵုကဵု မာံချေတ်သဵုဂှ်တုဲ ဇၟာပ်စိုပ် စၟတ်တ္ၚဲ (၈) ဂှ် ညးဒေသတံ ကၠောန်မံၚ်ပေဲါရာဒနာလၟေၚ်ၚ်ဂိတုဏောၚ်ဂှ် ဂွံတီကေတ်နူညးဒေသတံရ။

ညးရေၚ်တၠုၚ် ကၠောန်ဗဒှ်ပေဲါရာဒနာမိက်မွဲတၠ နာဲသဵုတုၚ် ဂှ် “ပ္ဍဲကဵုအကြာကြာဂိတုဏံ နူကဵုကမ်မယှေန် အခေါၚ်အ ရာမၞိဟ်ဍုၚ်ဗၟာ ကၠုၚ်စိုပ်စၟဳစၟတ်လဝ်ကီုလေဝ် ပ္ဍဲဒပ်ပၞာန်တေံ ချိုတ်တ်ပၠိုတ်တ်ဍေံရပ်စပ်လဝ် ဟွံမွဲဏီတုဲတှေ် လၟိဟ်ပိုဲ ဆက်ကၠောန်မံၚ်ပေဲါရာဒနာမိက် မရနုက်ကဵု (၃) ဝါရ။ အေဏံလေဝ် ဍေံဟွံမေၚ်ဏီတှေ် ပိုဲတံကၠောန်အာ ပေဲါရာဒနာမိက် က္ဆံၚ်ဏံဟွံဂွံရ။ တိုန်ဍုၚ်လ္ဂုၚ်တုဲတှေ် ဆက်ကၠောန်အာပေဲါရာဒနာမိက် အလန်စတုတ္ထ ပ္ဍဲရုၚ်ကွး ဘာ (၈၈) ဍုၚ်လ္ဂုၚ်ဏောၚ်” သာ်ဝွံ ဟီုရ။

ပ္ဍဲကဵုဒေသပွိုၚ်ဍုၚ်ရေဝ်ဝွံ ကိစ္စဒးဒုၚ်ဖံက်ဖကဝ်မံၚ်အခေါၚ်အရာမၞိဟ်ဂှ် ဒှ်ကၠုၚ်မံၚ်အလန်ဏံသၟးဟွံက နွံကၠုၚ်မံၚ် ဂၠိုၚ်ၚ်ကဵုအလန်ကီု၊ ဒးဒုၚ်ဖံက်ဖကဝ်မံၚ်အခေါၚ်အရာမၞိဟ်ဂှ် ပိုဲတံဟွံလုပ်ပေဲါဖတိုက် ဟွံဖအိုတ် ကၠေံအာမ္ဂး ဂတနူဏံ အဆက်က် ဆက်ဒှ်အာမာန်တုဲ ပ္ဍဲကဵုခေတ်ပြံၚ်သၠာဲဏံ ပိုဲလေဝ်ဒးဂံၚ်သ္ကာ ဒးဂံၚ်လုပ်ပေဲါဗတိုက်ရောၚ်​ နာဲသဵုတုၚ် ဆက်ဟီုရ။

“နကဵုပိုဲဂှ်တှေ် ပရေၚ်ကေတ်အရေဝ် ပ္ဍဲဂဗုတ်ဏံ ဗွဲမကၠးပ္ဍးဟွံဒှ်ကၠုၚ်ကီု၊ ဟွံဒှ်ကၠုၚ်ဗဗွဲဓရ်ကီုတှေ် ပံၚ်ဗစပ်ကဵု ညးဒေသ၊ ဂကောံသၟတ် မန်ကဵု ဌာနအလဵုအသဳ မဆေၚ်တံတုဲ ဆက်လုပ်အာပေဲါဗတိုက် ပ္ဍဲကဵုပွဳဗွိုၚ် သၞောဝ်ဏောၚ်” ဂှ် နူကဵုဂကောံ အခေါၚ်အရာမၞိဟ်ကဵု ဒက်ပ္တိုန်ဗဗွဲဓရ် ဍုၚ်ပြန် (ကိုဂျၚ်မီ) ဟီုရ။

မၚ်မံၚ်ပၟိၚ်နူကဵုက္ဆံၚ်လ္တူတုဲ ညးၜက်ၜေတ်လဝ်ဂဗုတ် ဗိုလ်ဇၞော်ဇြဝ်မျဵုထိတ်ဂှ် မုလေဝ်ဟွံဂွံစၟဳစၟတ်မွဲသာ်ဏီ၊ ဗိုလ်ဇၞော်ဇြဝ်မျဵုထိတ်ဝွံ စွံလဝ်နကဵု (အကျယ်ချုပ်)တုဲ ဟွံဂွံရပ်စုတ်လဝ် (အတည်ချုပ်)ဏီပုဟ်ဂှ် ပ္ဍဲကဵုဂိတုဂျောန် (၄) ကာလအာလ္ၚတ် ပ္ဍဲကဵုဒပ်မိ ဗိုလ်ဇၞော်ဇြဝ်မျဵုထိတ်ဂှ် ဂွံတီကေတ်လဝ်ရောၚ် (ကိုဂျၚ်မီ) ဆက်ဟီုလဝ်ရ။

စပ်ကဵုကိစ္စဂဗုတ် ကောန်ကွာန်မၚ်ဂၠန် (၂) တၠ နာဲမဵုကဵု မာံချေတ်သဵုဝွံ သွက်ဂဗုတ်ဓရ်ဍာံ ဂွံမံက်ဂးတုဲ နူကဵု ကျာ်ဇၞော်အ္စာ/ခၟဳသၚ်ဒေသဂမၠိုၚ်ကီု၊ သၟတ်မၞုံမံၚ်ဒေသပွိုၚ်ဍုၚ်ရေဝ်တံကီု၊ ဂကောံ အခေါၚ်အရာမၞိဟ်ကဵု ဒက်ပ္တိုန်ဗဗွဲဓရ်ဍုၚ်ပြန်တံကီု ပံၚ်တောဲတုဲ ကၠောန်ကၠုၚ်မံၚ်ပေဲါဒရာမိက် ဇၟာပ်ပ်စိုပ် စၟတ်တ္ၚဲ (၈) ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.