ဘာကောန်ဂကူမန်တန်ဒေါဝ် ပ္ဍဲပွိုၚ်ဍုၚ်ဇြပ်ဗုဂှ် ခက်ခုဲကဵုကပေါတ်ဘာ

by | Jun 7, 2016 | ပရိုၚ် | 0 comments


ဘာကောန်ဂကူမန် တန်ဒေါဝ်ပံက်လဝ်တၟိ ပ္ဍဲကဵုပွိုၚ်ဍုၚ်ဇြပ်ဗုဂှ် သွက်ကွးဘာတံကီု၊ သွက်အစာတံကီု က ပေါတ်ကြိယာဘာဟွံဍိုက်ပေၚ်တုဲ ဒှ်မံၚ်ခက်ခုဲရောၚ် အစာညးနွံလျိုၚ်တံ ဟီုထ္ၜးရ။

‘လၟုဟ်ပြဟ်ဟ်ဏံတှေ် ကွးဘာတံဂှ်တှေ် ဗီုဒှ်ကဵုဒှ် လ္ၚဵုဂှ်ဂွံခုၚ်၊ လ္ၚဵုဂှ်တှေ် ခုၚ်ဟွံမွဲဏီ ဗီုဒှ်ကဵုဒှ် မံၚ်အာကၠာ၊ တၠဒါန်မံက်ကၠုၚ်တှေ် ဆက်ဖန်အာပၠန်၊ သွက်အစာတံကီု သွက်ကွးဘာတံကီုဂှ်တှေ် ခက်ခုဲမံၚ်ညိ’ သာ် ဏံ ဂအုပ်ဘာတန်ဒေါဝ် အ္စာဗြဴ မိဇဲလွဳမန် ဟီုထ္ၜးရ။

ဘာတန်ဒေါဝ်ပ္ဍဲပွိုၚ်ဍုၚ်ဇြပ်ဗု ပံက်လဝ်ပ္ဍဲအခိၚ်ပံက်ဘာတ္ၚဲဏံဂှ် ကဆံၚ်ဘာတန်ဒေါဝ်စှေ်ကဵုသၞောတ်မွဲဟွံ စိုပ်ဏီတုဲ စပ္တံနူကွးဘာတန်ဒေါဝ်ကီု၊ ကပေါတ်အစာကီု၊ ကပေါတ်ဘာကီု ဟွံရုမ်ဂပ် ဟွံဍိုက်ပေၚ်နွံဒၟံၚ် တၟာဂလိုၚ်ဏီရောၚ်ဂှ်လေဝ် ဂအုပ်ဘာဂှ် ဟီုကလးကဵုရ။

လၟုဟ်ပြဟ်ဟ်ဏံဂှ် စပ္တံနူခုၚ်သွက်ကွးဘာတံဂှ် ဒးဂ္ဇံဒၟံၚ်ခုၚ်သဝ်သဝ်သုၚ်စောဲလဝ်နူကဵုဘာတြေံတုဲကၠုၚ် တေံတုဲ ကွးဘာတံဂွံစွံလိက်ကီု၊ သွက်ဂွံဂ္ဇံကီု ဒှ်ခက်ခုဲရ၊ စပ္တံနူဂတာတၟံဗ္တောန်လိက်ကီု၊ ခုၚ်သွက်အစာဂ္ဇံ ကီု၊ စပ္တံနူကပေါတ်နာနာသာ်ဂှ် ဟွံဍိုက်ပေၚ်တုဲ သွက်အစာတံကီု သီုသွက်ကွးဘာတံ ဒှ်ဒၟံၚ်အခက်အခုဲ ကဵုပရေၚ်ဗ္တောန်လိက်တၟာဂလိုၚ်ရ။

စပ်ကဵုကပေါတ်ဘာဒှ်မံၚ်အခက်ခုဲသာ်ဝွံတုဲ ‘ကပေါတ်ဘာတံဏံဂွံပေၚ်ဂှ်တှေ် ဒးဂၠာဲဆဝ်ဗ္ၚုဟ်တၠဒါန်မန်တံ ဏောဝ်၊ ဘာကောန်ဂကူတန်ဒေါဝ်ၜိုတ်ဏံက္တဵုဗဒှ်လဝ်တုဲယျတှေ် ဆကပေါတ်ဘာဏံညိရတှေ် တၠဒါန် မန်ပိုဲဒးမံက်တွဵုရ၊ ဆဂးတှေ် ပြဟ်ဟ်ဏံဂှ် ကွးဘာတံဒးမံၚ်အာဟဏံကၠာလေဝ်’ နာယကကမ္မတဳလိက် ပတ်ယေန်သၞာၚ်လ္ဂုၚ် နာဲမိုၚ်တဝ် အခိၚ်ကၠုၚ်ဗဵုလ္ၚတ်ဘာစၟတ်တ္ၚဲ တုဲကၠုၚ် ဂျောန် ၆ ဂှ် ညးဟီုရ။

ဘာကောန်ဂကူမန်တန်ဒေါဝ် ပွိုၚ်ဍုၚ်ဇြပ်ဗု သိုၚ်လဝ်ပ္ဍဲကဵုကွာန်ပ္ၚဂှ် နူကဵုတၠဒါန် မိဝါဝါထောန် ခေတ္တ နူဍုၚ်သေၚ်္ဂပေါဝ် ကဵု လဝ်ဒါန်တုဲ တုဲကၠုၚ်တ္ၚဲသဳဂိတုပသာ်ပေၚ်ဂှ် ကၠောန်ဏာပေဲါအပ်ဘာရ။
ပ္ဍဲကဵုဘာတန်ဒေါဝ်ဂှ် ဖအိုတ်ကွးဘာနွံ ၂၅၀ တၠပြၚ်နွံတုဲ လၟိဟ်အစာနွံ ၈ တၠရ၊ ဟိုတ်နူကွးဘာဂၠိုၚ်ဒၟံၚ်တုဲ ထပ်အာတ်မိက်ပ္တိုန်လဝ် အစာ ၁ တၠပၠန်ရ၊ ဘာကောန်ဂကူမန်အလုံမွဲပွိုၚ် ဍုၚ်ဇြပ်ဗုဂှ် လၟိဟ်အ္စာ(၄၄) တၠနွံ တုဲ ကွးဘာ(၈၀၀)တၠပြၚ်ၚ်နွံရ၊

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.