ယဝ်ဘိက်ကၠုၚ် ကောန်ဗော် AMDP ပွိုၚ်ဍုၚ်ၜါသွာၚ်တံမ္ဂး တိုန်ကောံဓရီုဇၞော် ပရေၚ်ဂကူမန်တေံကီုဏောၚ်ဂး

by | Aug 15, 2016 | ပရိုၚ် | 0 comments

နူဌာန်ဂအုပ်ဗဟဵု ဗော်ဒဳမဝ်ကရေဇြဳအလုံရးမန် AMDP ဖျေံကၠုၚ်လဝ်သ္ဂုတ်သွာတ် ဟွံတိုန်ကောံဓရီုဇၞော် ပရေၚ်ဂကူမန်တေံကီုလေဝ် ကောန်ဗော်ညးတံ နွံပ္ဍဲပွိုၚ်ဍုၚ်ၜါသွာၚ် (တ္ကံခၟိုၚ်) ဂှ် ယဝ်ဒးဒုၚ်ဘိက်နကဵုပူဂဵုမ္ဂး အာတိုန်ကီုဏောၚ် ဂွံတီကေတ်ရ။

ပ္ဍဲဂိတုအဝ်ဂါတ် (၁၃) ဂှ် ကၠောန်လဝ်ကောံဓရီုကာမံက်တိုန် ကေၚ်ကာဗဟဵု ဗော် AMDP ပွိုၚ်ဍုၚ်ၜါသွာၚ်တုဲ အတိုၚ်ဖျေံလဝ်သ္ဂုတ်သွာတ် ဗွဲလ္တူတေံဂှ် နဒဒှ်တၚ်လစွံစိုတ် ကေၚ်ကာဗဟဵု ပွိုၚ်ဍုၚ်ၜါသွာၚ်မွဲ ပလံၚ်ဗ္စိုပ်လဝ် ကုဒုဥက္ကဌ လၟိဟ် (၁) ဗဟဵု AMDP ရ ဂွံဆဵုကေတ်။

လစွံစိုတ် ကေၚ်ကာဗဟဵု (EC) ဗော် AMDP ပွိုၚ်ဍုၜါသွာၚ်တ္ကံခၟိုၚ် (Copy)

လစွံစိုတ် ကေၚ်ကာဗဟဵု (EC) ဗော် AMDP ပွိုၚ်ဍုၜါသွာၚ်တ္ကံခၟိုၚ် (Copy)

“လညာတ်ဆန္ဒ ကေၚ်ကာဗဟဵု ပွိုၚ်ဍုၚ်လဵုလေဝ် ကေတ်လဝ်ဟွံမွဲတှေ် သ္ဂုတ်သွာတ် ဗဟဵု AMDP ဖျေံလဝ်ဂှ် က္လေၚ်သ္ၚဳပဠေဝ်ကဵု ဗွဲမဂတာပ်အခိၚ်ညိ ဖ္တိုက်ဖအောဝ်ဏာ” သာ်ဝွံ ဒံက်တာအံၚ်နာၚ်ဥူ ညးအုပ်ကာ AMDP ပွိုၚ်ဍုၚ်ၜါသွာၚ် ဂးရ။

ဗော် AMDP ဝွံ တန်တဴရေၚ်တၠုၚ်အာ နဒဒှ်ဗော်မသ္ပစၞးကဵုကောန်ဂကူမန်ရောၚ် ဟိုတ်နူနွံကၠုၚ်ကဵုဂၠံၚ်တရဴဝါဒသာ်ဏံ ဗိုန်န်ဗတ်တ်ဂှ်ရ လ္တူကောံဓရီုဇၞော်ပရေၚ်ဂကူမန် ကြက်ကၠောန်သ္ပဂတဏံဂှ် ပိုဲတံသ္ပသမ္တီ ယဵုဒုၚ်ကေတ် ဇြိုဟ်ဟ်နက်က်ထေက်၊ သ္ပစၞးဗော်တုဲ အာတိုန်ထေက် သာ်ဝွံ ချူလဝ်ပ္ဍဲလိက်ဗ္စိုပ်ကဵု ဒုဥက္ကဌ (၁) ဂှ်ရ။

ကောံဓရီုဇၞော်ပရေၚ်ဂကူမန် သွက်ဂွံကၠောန်သ္ပပ္ဍဲဒေသတိဍာ် ဗော်ဍုၚ်မန်တၟိ ပ္ဍဲဂိတုအဝ်ဂါတ် ၂၂ တေံနွံတုဲ နကဵုဗော်ဒဳမဝ်ကရေဇြဳအလုံရးမန် AMDP ဒဒှ်ရဟွံတိုန်ဂှ် ပ္ဍဲအဝ်ဂါတ် (၉) တုဲကၠုၚ်ဏံ ဖျေံလဝ်သ္ဂုတ်သွာတ် ပ္ဍဲကောံဓရီုကေၚ်ကာဗဟဵု မကၠောန်လဝ် ပ္ဍဲရုၚ်ဌာန်ဂအုပ်ဗဟဵု AMDP ဍုၚ်မတ်မလီုရ။

သွက်ဂွံတိုန်ကောံဓရီုဇၞော်ပရေၚ်ဂကူမန်ဂှ် ညးစၞးနူဗော်ဍုၚ်မန်တၟိ NMSP (၄၀) တၠ၊ နူဗော်ကောန်ဂကူမန် MNP (၃၀) တၠ၊ နူဗော်ဒဳမဝ်ကရေဇြဳ အလုံရးမန် AMDP (၃၀) တၠ၊ နူဂကောံမှာဇန် CSO’s တံဂှ် (၄၀) တၠ သာ်ဏံ သ္ဂုတ်သွာတ်လဝ်နွံ ဂွံတီကေတ်ရ။

ပ္ဍဲသ္ဘၚ်သဳကၠဳပရေၚ်ၜိုဟ်လလံကၟိန်ဍုၚ် ပေန်လုၚ် ၂၁ ဗွဝ်ကၠံတေံ ညးစၞးဂမၠိုၚ် မသ္ပစၞးကဵုကောန်ဂကူမန်တံ ညံၚ်ဂွံဒှ်မွဲရမျှာၚ်ဓဝ်ဂှ် ဗော်ဍုၚ်မန်တၟိသ္ပက္ဍိုပ် ကၠောန်ဗဒှ်အာ ကောံဓရီုဇၞော်ပရေၚ်ဂကူမန် ပ္ဍဲကွာန်ဒဵုထောၚ် ပွိုၚ်ဍုၚ်လှာဒကှ် ပွိုၚ် (၃) တ္ၚဲဏောၚ် စဳဇန်လဝ် ဂွံတီရ။

Written by

Related Posts

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

သွက်ဂွံထ္ၜုတ်ပ္တန် တ္ရဲစၟတ်သမ္တီ ဆေင်ကဵုပရေင်တိဍာ်ဂှ် ပြဝါတိဍာ်မန် ကေတ်မံင်လညာတ် အကြာညးဍုင်ကွာန်

ရန်ကဵု သ္ဂောံထ္ၜုတ်ပ္တန် တ္ရဲစၟတ်သမ္တီမန် မဆေင်စပ်ပရေင်တိဍာ် ကေုာံ အဂႅလကျှဏ်ဂကူမန် ဂးတုဲ နူကဵုဂကောံ ပြဝါတိဍာ်မန်တအ် ဗက်ကံက်ကေတ်မံင်လညာတ် အကြာညးဍုင်ကွာန်မန်တအ်နွံရ။

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

အသိင်သၟတ်တအ် ဂြိပ်ပါဲဒဴပရေင်ဒးသ္ပကောန်ပၞာန်ဂှ်တုဲ အခိင်သွံရာန်ကွဳလိုန်ဓာတ်ခိုဟ်ဂှ် သွံဟွံဂြိပ်

လၟေင်အရိုဟ်ဟ်သၞာံ စိုပ်ကၠုင်ဂိတုမာ်၊ ဖဝ်ရဂိုန်မ္ဂး ဒှ်အခိင်သွံကွဳလိုန်ဓာတ်ခိုဟ်ကီုလေဝ် သၞာံဏံဂှ် ဟိုတ်နူသၟတ်တအ် ဂြိပ်ပါဲဒဴ နကဵုအသိင်ဘဲဒးသ္ပကောန်ပၞာန်ဂှ်တုဲ သၟတ်ဒၟံင်တန်တဴ ပ္ဍဲဍုင်ကွာန်တအ် အောန်ဂှ်ရ သွံရာန်ကွဳလိုန်ဓာတ် လေဝ် ပရေံမံင်ရောၚ် တၠဆေင်သွံရာန်ကွဳလိုန်ဓာတ် လတူဍုင်ဇြပ်ဗုမွဲတၠ ဟီုရ။

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ ဇိုင်ကွာန်တအ်ဂှ် ကၟာတ်လဝ် အခေါင်သွံရာန် ပါ်ဂအာင်သ္ၚိကီုလေဝ် ပါ်သွံရာန်မံၚ်အတိုင်သၞောတ်တြေံ

တိကၠအ်ဝါ မၞုံဇိုင်ဍုင် ကရပ်ကွာန်တအ်ဂှ် ကံင်ဇြဳပၞာန်တအ် ပ္တိတ်လဝ်ပၟိင်စၞောန် အခေါင်သွံဂအာင်သ္ရိ ကၟာတ်လဝ်ကီု လေဝ် ပ္ဍဲတွဵုရးဍုင်မန် ဇၟာပ်ပွိုင်ဍုင်ဂှ် ပညဳပညပ်ကဵုကေတ်ဩန်တုဲ ပါ်သွံဒၟံင်ဂအာၚ်သ္ၚိ အတိုင်သၞောတ်တြေံရောင် သ္ဂောံတီကေတ် နူဗွိုင်ညးမရေင်တၠုင်သွံရာန်ဂအာင်သ္ၚိဂမၠိုင်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.