ရပ်ဂွံလဝ်မၞိဟ် သီုလွဟ် သီုဂဥုဲၜူမာဲ ပ္ဍဲပွိုၚ်ဍုၚ်ကျာ်ပိဂှ် ဟွံဆေၚ်ကဵုဗော်ဍုၚ်မန်တၟိရောၚ် ဟီု

by ဌာန်ပရိုၚ်ဗၠးၜးမန် | Aug 15, 2016 | ပရိုၚ် | 0 comments

ပ္ဍဲအဝ်ဂါတ် ၁၃ တုဲကၠုၚ်ဏံ ရပ်ဂွံလဝ်မၞိဟ် သီုလွဟ် သီုဂဥုဲၜူမာဲ ပ္ဍဲဍုၚ်ကျာ်ပိဂှ် ဟွံဆေၚ်ဆက်ကဵု ဗော်ဍုၚ်မန်တၟိရ သာ်ဝွံ ညးလျိုၚ်ရုၚ်ဆက်ဆောံကျာ်ပိ (ဗော်ဍုၚ်မန်တၟိ) ဟီုရ။

“ကၠာတေံ ဍေံကေၚ်ယိုက်ဂၠေၚ်လဝ် တာလျိုၚ်ပၞာန် ပ္ဍဲဗော်ဍုၚ်မန်တၟိကီုရ၊ ဆ္ဂးဍေံဂြိပ်အာတၟာဂလအ်ရ။ မုလေဝ် ဟွံဆေၚ်ကဵုဗော်ပိုဲပုဟ်။ လၟုဟ် ဍေံဆက်စပ်မံၚ်ကဵု ဂကောံရပ်လွဟ်လဵုရောဂှ် ပိုဲဗက်လ္ၚတ်မံၚ်ဖိုဟ်” နာဲမန်အံၚ် လျိုၚ်ရုၚ်ဆက်ဆောံ ဍုၚ်ကျာ်ပိ ဂးရ။

ရပ်ဂွံ မၞိဟ်ကေုာံလွဟ်လက်နက် သီုဂဥုဲၜူမာဲ ပ္ဍဲသ္ၚိ (ရဲဇာနည်)

ပ္ဍဲသ္ၚိ နာဲဝေန်အံၚ် ကဵု သမ္ဘာမိယှိုဲမိ နွံပ္ဍဲကွာန်တၟိ ဇရေၚ်ဍုၚ်ကျာ်ပိဂှ် ဒပ်ဒေသကေုာံဗၠာဲသၟိၚ် နူကဵုဗ္ဒိုပ်ဗၠာဲသၟိၚ်ကျာ်ပိတံ လုပ်ဂၠိုက်ဂၠာဲတုဲ ရပ်ဂွံဂဥုဲၜူမာဲ အိုက် (အိုက်စ်) ၄၂.၃ ဂရာမ်၊ လွဟ် M 16 ပိဇကိုအ်၊လွဟ်ဂၠေံ ပေဿတဵု .45 SEA HAWK မွဲဇကိုအ်၊ ပေဿတဵု .32 မွဲဇကိုအ်၊မကံ 5.56 မသုန်လ္ၚီပြၚ် သီုမခတိုဟ် မွဲမရဂှ် ဂွံတီကေတ် အတိုၚ်ပ္ဍဲမုက်လိက် Facebook (ရဲဇာနည်) ရ။

“ပြဟ်ဟ်ဏံ ဍေံလုပ်လဝ် ပ္ဍဲဂကောံနာဲယှိုၚ် ဂွံၜိုတ်ၜါဂိတု။ပ္ဍဲဒဳကေဗဳအေလေဝ် ဍေံကေၚ်ကၠောန်လဝ်၊ သွက်ဂွံပ္တန်ရုၚ်ကာဇြဳနဵုဂှ် ဍေံချပ်ဇန်မံၚ်” သာ်ဝွံ ကောန်ဍုၚ်ကျာ်ပိ ဟွံမိက်ဓမံက်ယၟု မွဲတၠ ဟီုရ။

ပ္ဍဲစၟတ်တ္ၚဲ အဝ်ဂါတ် ၁၄ ဂှ် နူကျာ်ပိ ပလံၚ်ဖျေံကောန်ဒုဟ် ၂ ဂှ် ပ္ဍဲရုၚ်ဗၠာဲသၟိၚ် ဍုၚ်လှာဒကှ်တေံတုဲ ကေတ်ထောံအရေဝ် နကဵုဥပဒေ အမှုလွဟ်လက်နက်၊ အမှုဂဥုဲၜူမာဲ မလေပ်ပလီုကဵုစိုတ်မၞိဟ်တံရ ဂွံတီကေတ်။

ပ္ဍဲပွဳပွူ ဒေသဍုၚ်ကျာ်ပိဂှ် ဂကောံရပ်လွဟ်ကောန်ဍုၚ်အရၚ် မဒေါံလဝ်ပန်ပှော်တုဲ မတွံဂး ဗော်ကရေၚ် KNU၊ ဗော်ဍုၚ်မန်တၟိNMSP၊ ဒပ်ကရေၚ် DKBA၊ ကံၚ်ဇြဳၜိုဟ်လလံကရေၚ် KNU/KNLA-PC ၊ဒပ်ကွးဘာ ABSDF ၊ဒပ်ကရေၚ် မၚ်ပယျဵု BGF ကေုာံ ဂကောံဖျေံလဝ်လွဟ် လ္ၚဵုလ္ၚဵုတံ ဖျေံသဇိုၚ် တန်တဴမံၚ်အိုတ်ရ။

← ယဝ်ဘိက်ကၠုၚ် ကောန်ဗော် AMDP ပွိုၚ်ဍုၚ်ၜါသွာၚ်တံမ္ဂး တိုန်ကောံဓရီုဇၞော် ပရေၚ်ဂကူမန်တေံကီုဏောၚ်ဂး နကဵုဗော် AMDP သ္ပဇြိုဟ်နက်တုဲ ထေက်ကဵုဒးတိုန်ုကောံဓရီုဇၞော်ပရေၚ်ဂကူမန်ရောၚ် ဟီုဖ္တိုက်ဖအောဝ် →

Written by

က္ဍိပ်သ္ကိုပ်ဗီုညးကဵု ဂၠံင်တရဴရက္ခိတ (သ္ကုတ်နိဂီု)

by ဌာန်ပရိုၚ်ဗၠးၜးမန် | Oct 14, 2025 | ပရိုၚ်

လ္တူအကာဲအရာဂှ် ကေတ်အရီုအဗင် အလဵုအသဳဍုင်ကြုက်တုဲ ဂိုတ်ဂစာန် ပတိတ်အစောန် သွက်သ္ဂောံကလေင် ထိင်ဒဝ်ကေတ် ဂကောံ ERO မဖျေံလဝ်သဇိုင် အကြာပယျဵုကြုက်ရ။ အတိုင်ဂိုတ်ဂစာန် ပတိတ်ကၠုင်အစောန်ဂှ် ၜိုတ်ထေက်ကြိုက် ကလိဂွံပေါဲဇၞးနွံတုဲ သွက်သ္ဂောံကလေင်ထိင်ဒဝ်ကၠေံ ပရေင်ချဳဓရာင် ဒပ် AA ဂှ် နကဵုနဲကဲဇဳ မေန်အံင်လှာင် ဂစာန်ကေတ်ဒၟံင်အရီုအဗင် အလဵုအသဳအိန္ဒိယျ ကေုာံ အလဵုအသဳ ၜင်္ဂလာဒေတ်တံပၠန်ရ။ အဓိက စောဲစပ်ဒပ်ပၞာန် AA တအ် နကဵုပရေင်ကူသာန်သွံရာန် ဂဥုဲၜူမာဲရ။ နူကဵုပးဒၞက်ဏအ် က္ဍိုပ်သကိုပ် ဒပ်ပၞာန် AA ထောန်မျာတ်နာင် နကဵုဓဝ်သတိဇၞော်ဇၞော် ညံင်သ္ဂောံတတ်ကၠောံၜက်အာမာန်ဂှ် ပၟိက်ဇၞော်တဴရ။

ပ္ဍဲကဵု “သ္ဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်” လ္တူဍုၚ်ဖူကေတ်ဂှ် ဂကူမန်တအ် တိုန်စိုပ်ဂၠိုၚ်အိုတ်ရောၚ်ဂး

by ဌာန်ပရိုၚ်ဗၠးၜးမန် | Sep 30, 2025 | ပရိုၚ်

ပ္ဍဲကၟိန်ဍုၚ်သေံ လ္တူဍုၚ်ဖူကေတ်၊ ပ္ဍဲကဵုဘာမိုဝ်နေတ်ဂှ် ကျာ်ဇၞော်အ္စာဘာမိုဝ်နေတ် ကေုာံ ညးတာလျိုၚ် ကဆံၚ်ကဆံၚ်တအ် က္ဍိုက်က္ဍိုပ်ပၠတရဴတုဲ ကၠောန်ဗဒှ်ကၠုၚ်လဝ် ဘဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်ဂကူဂှ်မ္ဂး ကောန်ဂကူမန်တအ် ပါလုပ်တိုန်စိုပ်လဝ်ဂၠိုၚ်အိုတ်ရောၚ် ဂွံတီကေတ်ရ။

0 Comments