ဗော် AMDP ကဵု ဗော် MNP ဆက်စၠောံ နကဵုလိက်လုပ်သၞောဝ် အလန်ကၠာအိုတ်

by ဌာန်ပရိုၚ်ဗၠးၜးမန် | Nov 16, 2016 | ပရိုၚ် | 0 comments

အဃောဒှ်ဒၟံၚ်ပရေၚ်ဆိုအ်ဗ ပရေၚ်ညဳသၟဟ် အကြာဗော်ပရေၚ်ဍုၚ်ကွာန်မန်တံတ္ၚဲဏံဂှ် ဗော်ဒဳမဵုကရေဇြဳ အလုံဒေသရး မန် (AMDP) ကဵု ဗော်ကောန်ဂကူမန် (MNP) ၜါဗော်ဝွံ ကေတ်ကၠုၚ်ပရေၚ်ဆက်စၠောံ န ကဵုလိက်လုပ်သၞောဝ် အလန်ကိုပ်ကၠာအိုတ်ရောၚ် ဂွံတီကေတ်ရ။

တုဲကၠုၚ်စၟတ်တ္ၚဲ နဝ်ဝေမ်ဗါ (၇) ဂှ် နူကဵုဗော်ဒဳမဵုကရေဇြဳအလုံရးမန်ဝွံ ချူပလံၚ်ဗစိုပ်လိက် ကုဗော်ကောန် ဂကူမန် ကိစ္စပရေၚ်ညဳသၟဟ်ဂကူနွံကၠုၚ်ဂှ်တုဲ နကဵုစၟတ်တ္ၚဲ(၁၆/၁၁/၂၀၁၆)တ္ၚဲဏံ နူကဵုဗော်ကောန်ဂကူ မန် ဂှ် ကလေၚ်လိက် ကဵု ဗော်ဒဳမဵုကရေဇြဳအလုံဒေသရးမန်လုပ်သၞောဝ်ရ။

တၞးလိက်ပလံၚ်ဗစိုပ်လုပ်သၞောဝ် အကြာဗော်ၜါဂမၠိုၚ် (Internet)

နူကဵုဂကောံပညဳပညပ်ဒက်ပ္တန်ဓဝ်ညဳသာဗော်ပရေၚ်ဍုၚ်ကွာန်ဂကူမန် ပညဳပညပ်ဒၟံၚ်အကြာဗော်မန်တံဂှ် ဟိုတ်နူကဵုပရေၚ်လစွံစိုတ် ဗော်မွဲကုမွဲ ဟွံတုပ်တုဲ လ္တူပရေၚ်ပညဳပညပ်ဂှ် ဒှ်မံၚ်အခိၚ်ဆိုအ်ဗမွဲရ၊ အဃော ဒှ်မံၚ်ပရေၚ်ဆိုအ်သာ်ဏံဂှ် ဗော်မွဲကုမွဲ (AMDP,MNP) ကေတ်ကၠုၚ်ပရေၚ်ဆက်စၠောံ ဆက်ဆောံကၠုၚ် န ကဵုလိက်လုပ်သၞောဝ်သာ်ဏံဂှ် နူအခိၚ်ကၠာကၠာတေံရ ဒးနွံထေက်ရောၚ် ညးမၚ်ရံၚ်အခါတ်အကာဲ ပရေၚ် ဗော်မန်မွဲတၠ ဟီုသာ်ဝွံရ။

‘ပရေၚ်ဆက်စၠောံညးသ္ကံအကြာဗော်ကဵုဗော်ဏံဂှ် ဍေံခိုဟ်အိုတ်ရ၊ နူအခိၚ်ကၠာတေံရ ဍေံဒးဒှ်ဗီုဏံ၊ ဆဂး လ္ပတံၚ်ဂြဲလ္ပာ်ညး လ္ပာ်အဲလေဝ်၊ လၟုဟ်ဂှ် အခိၚ်ဍေံစိုပ်မံၚ်ကၞောတ်ယျတှေ်၊ စပ်ကဵုပရေၚ်ပံၚ်ဂှ် ပရေၚ်လစွံ စိုတ်လေဝ်တၞဟ်ခြာနွံတၟာဂလိုၚ်တှေ် ဒဵုကဵုလောဲကွေံကွေံဟွံဒှ်ဏီ အဲညာတ်’ သာ်ဏံ နာဲမိုၚ်တဝ် (လ္ဂုၚ်) ဟီုရ။

စပ်ကဵုပရေၚ်ညဳသၟဟ်အကြာဗော်ပရေၚ်ဍုၚ်ကွာန်မန်တံဂှ် ကြဴနူကဵု ဂကောံပညဳပညပ်ဒက်ပ္တန်ဓဝ်သာဗော် ပရေၚ်ဍုၚ်ကွာန်ဂကူမန်တံ အာတ်လဝ်လိက် မူဗီုတိထ္ၜးဂၠံၚ်ဗော်ပံၚ်ကောံ (Road Map)ဂှ်တုဲ ဗော်ဒဳမဝ် ကရေဇြဳအလုံရးမန်ဂှ် ဗော်ကဵုဗော်ဟေၚ် ဆက်စၠောံပညဳပညပ်အာသီုအလုံဗော်မန် (ပိဗော်) တုဲ သဳကၠဳ ပညဳပညပ်အာလၟေၚ်အဆံၚ်ၚ်ဂှ် ချူပ္တိုန်ထ္ၜးလဝ် ကုဗော်ကောန်ဂကူမန် နွံရ။

လ္တူလိက် ဗော်ဒဳမဵုကရေဇြဳအလုံဒေသရးမန် ပ္တိုန်ထ္ၜးလဝ်ဂှ် အတိုၚ်ဂၠံၚ်တရဴဗီုတိထ္ၜးဂၠံၚ် မူဗော်ပံၚ် (Road Map) ဂှ်ဟေၚ် သ္ပတိုၚ်ကဵု ဂကောံပညဳပညပ်တုဲ နကဵုသၟဝ်ပရေၚ်ကောပ်ကာဲ ဂကောံပညဳပညပ်ဂှ် ဆက် ရေၚ်တၠုၚ်အာရောၚ် လိက်နူဗော်ကောန်ဂကူမန်ဂှ် ကလေၚ်ပလံၚ်လဝ်ဇရေၚ် ဗော်ဒဳမဵုကရေဇြဳအလုံဒေ သရးမန်ရ။

လ္တူပရေၚ်ညဳသၟဟ်ဂှ်ကီု၊ သွက်လၟေၚ်ကမၠောန် ပေဲါသဳကၠဳပရေၚ်ဍုၚ်ကွာန် အဆံၚ်ကောန်ဂကူ(အမျိုး သားအဆၚ့်နိုၚ်ၚံရေး ဆွေးနွေးပွဲ)ဂှ်ကီု အရာဒးကၠောန်ထေက်မွဲတုဲ သွက်ဂွံဓမံက်ရုပ်ရဴလၟေၚ်ကမၠောန်ဂှ် ဗော်ပရေၚ်ဍုၚ်ကွာန်မန်ပိဗော် ဒးသဳကၠဳဆဵုဂဗညးသ္ကံကၠာရောၚ် တ္ၚဲဏံ(၁၆/၁၁/၂၀၁၆) နူကဵုဗော်ညးဗြဴ (မန်)ဂှ် ချူပလံၚ်ဗစိုပ်လဝ်လိက် ဇရေၚ်ဗော်ကောန်ဂကူမန် နွံကီုရ။

← ဂၠာဲသွဟ် နကဵုဥပဒေမဳဒဳယာညိ ဂကောံပရိုၚ်မဳဒဳယာတံ ဖတိုက်ဖအောဝ် ကုအလဵုအသဳ ရးဒေသလ္ဂုၚ် အကြီုလိက်မည်ဒယှ်၊ ဂၠးတိဗှ်ကတ်ဗ္တောန်။ →

Written by

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

by ဌာန်ပရိုၚ်ဗၠးၜးမန် | Jul 30, 2025 | ပရိုၚ်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

by ဌာန်ပရိုၚ်ဗၠးၜးမန် | Jul 29, 2025 | ပရိုၚ်

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.