ဂလာန်လ္ၚဵု ကၠတ်ထဝ်သ္ပဒ္တန်တုဲကီုလေဝ် ဓမံက်ရုပ်ရဴဟွံလောဲ သ္ကိုပ်ဝန်ဇၞော် တွဵုရးဍုၚ်မန် ဟီု

by | Dec 8, 2016 | ပရိုၚ် | 0 comments

ဂလာန် ကေုာံ တၚ်သၟာန် လ္ၚဵုလ္ၚဵု မသ္ပလဝ်ဒ္တန်ပ္ဍဲကၠတ်ထဝ်ဂှ် ၜက်အာနူဥပဒေတုဲ သွက်ဂွံဓမံက်ရုပ်ရဴဂှ် ဝါတ်မံၚ် သာ်ဝွံ ပ္ဍဲကောံဓရီုလၟေၚ်ဍာံ အလန်စတုတ္ထ ကၠတ်ထဝ်တွဵုရးဍုၚ်မန် အလန်ဒုတိယ ကၠောန်သ္ပပ္ဍဲတ္ၚဲဒဳဇြေမ်ဗာ (၇) ဂှ် သ္ကိုပ်ဝန်ဇၞော် တွဵုရးဍုၚ်မန် ဟီုဓမံက်ဏာ ပ္ဍဲဂလာန်ကောံဓရီုဂှ်ရ။

“ဂလာန်လ္ၚဵု ကၠတ်ထဝ်သ္ပလဝ်ဒ္တန်ဂှ် သွက်ဂွံဓမံက်ရုပ်ဂှ်လေဝ် ဟွံလောဲ၊ ဂလာန်လ္ၚဵုပၠန် ဟိုတ်နူၜက်အာ နူဥပဒေဂှ်ရ တတ်ဥပဒေတုဲ သ္ဂောံဓမံက်ရုပ်ရဴဂှ် ကာလလဵုမွဲ ဒှ်ဟွံမာန်ရဂှ်လေဝ် ဂွံဆဵုကေတ်” သာ်ဝွံ သ္ကိုပ်ဝန်ဇၞော်တွဵုရးဍုၚ်မန် ဥူမေန်န်ဥူ ဟီုရ။

သ္ကိုပ်ဝန်ဇၞော်တွဵုရးမန် ဥူမေန်န်ဥူ ဟီုမံၚ်ဂလာန် (MNA)

သ္ကိုပ်ဝန်ဇၞော်တွဵုရးမန် ဥူမေန်န်ဥူ ဟီုမံၚ်ဂလာန် (MNA)

ညးစၞးကၠတ်ထဝ်မ္ဂးဂှ် ညးစၞးမွဲမွဲ ပၠောပ်ဂလာန် မမိက်ကဵုမွဲမွဲမ္ဂး ညးစၞးမွဲမွဲတၠ မိက်ဂွံကလေၚ်သၟာန်မ္ဂးသၟာန်၊ ဟွံသေၚ်သာ်ဂှ် လ္တူဂလာန်လ္ၚဵုလ္ၚဵု ပဠေဝ်သမာန်တုဲ မိက်ဂွံသၟာန်မ္ဂးသၟာန်မာန် ဗီုဏံရဒှ်ထေက် ဥူမေန်န်ဥူ ဂးရ။

“ဂလာန်မွဲမွဲ ကေုာံ တၚ်သမာန် သွက်ဂွံပ္တိုန်ထ္ၜး ပ္ဍဲကၠတ်ထဝ်ဂှ် ကၠာဟဂွံပ္တိုန် ပရဟ်တုဲပလံၚ်လဝ်ကဵု ရုၚ်အလဵုအသဳတွဵုရးကၠာရ။ ဟွံဒးကဵုဥပဒေ ဟွံဂပ်ဝ်ကဵုဥပဒေနွံဏောၚ်မ္ဂး ပါဲထောံဂွံမံၚ်ရဏောၚ်။ ပါဲလေဝ် ဟွံပါဲ စိုပ်ကၠတ်ထဝ် ကၠတ်ထဝ်သ္ပဒ္တန်တုဲ ကလေၚ်ဟီုအရေဝ် ဟွံဒးကဵုဥပဒေ ဟွံဂပ်ဝ်ကဵုဥပဒေရဟီုဂှ် ဒုၚ်တဲဟွံမာန်” သာ်ဝွံ ဥုအံၚ်ဂျဝ်တူ ဒေသမာဲလၟိဟ် ၂ ပွိုၚ်ဍုၚ်သဓီု ဟီုရ။

ကၠတ်ထဝ်တွဵုရးဍုၚ်မန်အလန်ဒုတိယဂှ် ကၠောန်ဂွံကောံဓရီုလၟေၚ်ဍာံ ဗၞတ် (၃) ဝါတုဲဂှ် ဂလာန်ပ္တိုန်လဝ် သ္ပဒ္တန်တုဲ နွံ ၁၉ ဂလာန်၊ ညးစၞးတံသၟာန်ဂွံ ပုစ္ဆာဂှ် ၆၆ ပုစ္ဆာရ ဂွံတီကေတ်။

ပ္ဍဲကၠတ်ထဝ်တွဵုရးဍုၚ်မန်အလန်ဒုတိယလၟုဟ်ဏံဝွံ ညးစၞးနူညးဍုၚ်ကွာန်ရုဲစှ်လဝ်ဂှ် နွံ ၂၀ တၠ၊ ညးစၞးကၠုၚ် နူဒပ်ပၞာန်ဂှ် ၈ တၠ၊ဇမၞော်ဥပဒေတွဵုရး ၁ တၠ၊ နာဲဗ္စာဇၞော်တွဵုရး ၁ တၠ ကေုာံ ဇမၞော်စၟဳစၟတ်စရၚ် ၁ တၠတံ တိုန်စိုပ်တုဲ ကၠောန်မံၚ်ကောံဓရီုလၟေၚ်ဍာံ အလန်စတုတ္ထရ။

ကောံဓရီုလၟေၚ်ဍာံ အလန်စတုတ္ထ ကၠတ်ထဝ်တွဵုရးဍုၚ်မန်အလန်ဒုတိယ ကၠောန်မံၚ်လၟုဟ်ဝွံ ကၠောန်ပွိုၚ် ၅ တ္ၚဲရောၚ်ဂွံလဝ်ပရိုၚ်တုဲ အပ္ဍဲဏံ ဂလာန်ပ္တိုန်ဂှ် ၃၊ ပုစ္ဆာဂှ် ၂၀ ပြၚ်ၚ် ကေုာံ ဥပဒေအပြောံ ဆေၚ်ကဵုကမၠောန်ၜဵုဂှ်လေဝ် ပ္တိုန်ထ္ၜးသဳကၠဳအာရောၚ် ဂွံတီလဝ်ရ။

Written by

Related Posts

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.