အ္စာ/အ္စာၝောံ တက္ကသိုလ်နဲပညာမတ်မလီုတံ ကၠောန်သ္ပပရေၚ်ချဳဓရာၚ်ဇုက်သုတ်ဍီု

by | Aug 2, 2017 | ပရိုၚ် | 0 comments

သွာၚ်ဗွိုၚ်ကမၠောန်တုပ်ဒၟံၚ်ဖိုဟ် ဟိုတ်နူသမၠုၚ်ကဵုအဆံၚ်တာလျိုၚ် ဟွံညဳသၟဟ်ဂှ်ရ ပ္ဍဲဂိတုအဝ်ဂါတ် (၁) အ္စာ/အ္စာၝောံဂမၠိုၚ် ၜိုတ် (၆၀) ပြၚ် နူတက္ကသိုလ်နဲပညာမတ်မလီု စၚ်လဝ်တဆိပ်သြိုဟ် ဇုက်သုတ်ဍီုတုဲ ကၠောန်ကၠုၚ်ပရေၚ်ချဳဒရာၚ် ပ္ဍဲမုက်ဘာတက္ကသိုလ်နဲပညာ မတ်မလီုရ။

“ရဲ BE ပိုဲ နွံလပါ် TU ဏံ သၠုၚ်အိုတ်တှေ် အဆံၚ်ၜိုတ်ဂဒၚ်ဂြဳကထိကဟေၚ်ရ ဂွံဏောၚ်ဂှ် ထ္ၜုတ်လဝ်တုဲမံၚ်ရ၊ ဌာနဝန်ဇၞော်ဂှ် တုပ်ပ်ရ ဌာနက္ဍိုက်ပ်ရ ပါ်တိတ်အာ ရဲ BE တံဏံ ယဝ်ပ္ဍဲဌာန တၞဟ်ဟ်တှေ် သမၠုၚ်ပ္တိုန် ဒဵုကဵုအဆံၚ် ကထိက၊ ဠပ္ဍဲလ္ပာ် TU ဏံတှေ် ဒေံါလဝ် ဆၜိုတ်အဆံၚ် ဂဒၚ်ဂြဳဓဝ်” သာ်ဝွံ (ဒေါ်အေးစုသူသူ) ဂဒၚ်ဂြဳကထိက တက္ကသိုလ်နဲပညာ မတ်မလီု ဟီုရ။

ပရေၚ်ချဳဓရာၚ်ဇုက်သုတ်ဍီု အ္စာ/အ္စာၝောံ တက္ကသိုလ်နဲပညာ ဍုၚ်မတ်မလီု (Internet)

အ္စာ/အ္စာၝောံ တက္ကသိုလ်နဲပညာကေုာံတက္ကသိုလ်ကမ်ပျူတာ အလုံဍုၚ်ဗၟာဏံ ဌာနက္ဍိုက်ပ် ၜိုန်ဟွံတုပ်ကီုလေဝ် နွံသၟဝ်ဌာနဝန်ဇၞော်မွဲဟေၚ်ရဏောၚ်၊ ဒှ်သာ်ဂှ်ရ အဆံၚ်တာလျိုၚ်လေဝ် ဒးတုပ်သၟဟ်ကီုဏောၚ် မိက်ဂွံကဵုဒှ်သာ်ဂှ်တုဲ ဒးချဳဒရာၚ်ပရေၚ်ဇုက်သုတ်ဍီု (ဖဲကြိုးပြာ) ဏံ အ္စာၝောံဂှ် ဆက်ဟီုရ။

“ပ္တိုန်ညးတၞဟ်တှေ် ဒးပ္တိုန်ကဵုပိုဲကီုဏောၚ် မိက်ဂွံဟီုသာ်ဂှ်ဟွံသေၚ်ရ။ အဓိကဂှ် မူ ရ ဍာ်ဒကေဝ်ပညာ အဆံၚ်ဏံတှေ် ဂွံအယုက်ကမၠောန်မူစိသၞာံတှေ် သမၠုၚ်ကဵုၜိုတ်လဵု၊ သမၠုၚ်ယျတှေ် ဒးနွံကဵုအခေါၚ်အဆံၚ်တုပ် သီုညးဖအိုတ်ဏောၚ်၊ ညးလဵုဟွံဟီု ရဲဂၠေၚ်ဝန်ဍာံတှေ် မိက်ဂွံဂွံ အခေါၚ်တုပ်သၟဟ် အလုံညးဖအိုတ်ရဏောၚ်” သာ်ဝွံ ဥူအံၚ်ကိုဝ်ဝေန် အ္စာထ္ၜးသရုပ် ဌာနလိက်ဗၟာ (မြန်မာစာဌာန-သရုပ်ပြ) ဂးရ။

ပ္ဍဲဥပဒေဂှ် ၜိုန်ခုတ်စွံလဝ် အယုက်သမၠုၚ်ပ္တိုန်အဆံၚ်နွံကီုလေဝ် အခေါၚ်အရာ အတိုၚ်သၞောဝ်ဂှ် ဍေံဟွံဒှ်ကၠုၚ် ဥူအံၚ်ကိုဝ်ဝေန် ဆက်ဟီုရ။

“ဂဒၚ်ဂြဳကထိက ၃ သၞာံတုဲမ္ဂး ပ္တိုန်ကဵု ကထိကဏောၚ် ဟီုလဝ်၊ လၟုဟ် အဲ(အ္စာၝောံ) ဒှ်ကၠုၚ်ဂဒၚ်ဂြဳ ရ သၞာံကဵု ၁ ဂိတုဣရ၊ ပ္ဍဲဌာနမွဲတေံဂှ် အယုက်ကမၠောန်လေဝ် တုပ်ကဵုအဲ လၟေၚ်ဘာ M.E လေဝ် တုပ်ပ်၊ လၟေၚ် Ph.D လေဝ်တုပ်ပ် ဍေံတံ ဒှ်အာကထိကတုဲ ဇကုဂှ် သှေ်မံၚ် ပ္ဍဲအဆံၚ်ဂဒၚ်ဂြဳဏံဖိုဟ်” သာ်ဝွံ ဂဒၚ်ဂြဳကထိက တက္ကသိုလ်နဲပညာ မတ်မလီု (ဒေါ်ယဉ်မွန်ဆွေ) ဂးရ။

ပရေၚ်ချဳဒရာၚ် (ဖဲကြိုးပြာ) ဇုက်သုတ်ဍီုဝွံ အ္စာ/အ္စာၝောံဂမၠိုၚ်လၟိဟ်ကဵုလ္ၚီ နူတက္ကသိုလ်နဲပညာ၊ တက္ကသိုလ်ကမ်ပျူတာ၊ တက္ကသိုလ်ဆေၚ်ကဵုဂဥုဲ နွံအပ္ဍဲအလုံမွဲဍုၚ် မပ္တံလ္ဂုၚ်၊ မာန္တလေဝ်၊ ပခုက္ကူ၊ တံၚ်ကျဳ၊ ဖါသီတံ စချဳဒရာၚ်ကၠုၚ် သီုအလုံဍုၚ် ပ္ဍဲတ္ၚဲဂိတုဂျူလာၚ် ၃၁ ရောၚ် ဂွံတီကေတ်ရ။

Written by

Related Posts

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲသခႅဠဗူရဳ (ဝင်က) ဂှ် ကၠောန်သၠုင်ပ္တိုန်ကဵုအဆံင်ၝာတ် စဵုသၞာံဏံအိုတ်ဏောင် ဂး

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

ကောန်ဂကူမန် စိုပ်ယူရောပ်တအ် ကၠောန်ဗဒှ်လဝ်သဘင်ဥတုကညင် ပ္ဍဲဍုင်နေဝ်တာလာန်

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

ပ္ဍဲဍုၚ်ကျာ်ပိဂှ် ဂကောံရပ်လွဟ်တံ ဟွံကဵုအခေါၚ်သွံရာန် ဍာ်တၞးၝာဲကထီု (တၞးဘိင်) ရ ဂး

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.