အတိုၚ်ဌာနဝန်ဇၞော်ပရေၚ်ထတ်ယုက် အလဵုအသဳကၟိန်ဍုၚ် လလောၚ်တြးလဝ် ပ္ဍဲကဵုဂိတုအဝ်ဂါတ် ၂၄ အခိၚ်ဗ္တံဂှ် မၞိဟ်ယဲကဝ်ဝေဒ် (၁၁) တၠဂှ် ရဲစဴနူဍုၚ်သေၚ်ကာပေါဝ် ဇာတိပွိုၚ်ဍုၚ်ပံၚ် တွဵုရးဍုၚ်မန်လေဝ် ပါလုပ်မံၚ်မွဲတၠကီုရ။
မၞိဟ်ယဲ စဴနူကဵုဍုၚ်သေၚ်ကာပေါဝ်ဏံဂှ် အဃောလုပ်မံၚ် quarantine ပ္ဍဲကဵုပွိုၚ်ဍုၚ်ကၟာရတ် ဍုၚ်လ္ဂုၚ်ဂှ် စၟဳစၟတ်စၟယဲတုဲ ဒှ်မံၚ် Covid-19 positive ရ။
မၞိဟ်တြုံအာယုက် (၂၁) သၞာံဏံဂှ် လုက်စုက်လဝ်ကဵု မၞိဟ်ယဲကဝ်ဝေဒ် ဟွံမွဲကီုလေဝ် ဆဵုဒးစၟယဲတုဲ ဒးလွဳလွတ်မံၚ် ပ္ဍဲကဵုရုၚ်ဂဥုဲဝေဘာဂဳ ဍုၚ်လ္ဂုၚ်ရောၚ်။
မၞိဟ်ယဲဇာတိတွဵုရးဍုၚ်မန်ဂှ် တုဲကၠုၚ်ဂိတုအဝ်ဂါတ် (၁၄) တေံ (၂) တၠကဵု ပ္ဍဲကဵုဂိတုအဝ်ဂါတ် (၁၉) ဂှ် (၂) တၠ သီုဖအိုတ် (၅) တၠတံ ဆဵုဂဗလဝ် စၟယဲတုဲ လွဳလွတ်မံၚ် ပ္ဍဲကဵုဍုၚ်လ္ဂုၚ်ဖိုဟ်ရောၚ်။
စဵုကဵုဂိတုအဝ်ဂါတ် ၂၅ ဏံ အလုံကၟိန်ဍုၚ်ပိုဲဂှ် မၞိဟ်ယဲကဝ်ဝေဒ် (၄၇၄) တၠတုဲ မၞိဟ်ဒးချိုတ်အာကဵုယဲကဝ်ဝေဒ်ဂှ် (၆) တၠ နွံကၠုၚ်လဝ်ရ။ မၞိဟ်ဗၠးသက်သာတုဲဂွံစှ်ေအာနူကဵုရုၚ်ဂဥုဲဂှ် (၃၄၁) တၠ နွံမံၚ်ရောၚ် ဂွံတီကေတ်ရ။
