ကၠောန်ပတောံလဝ် မုက်လိက်ဌာန်ပရိုၚ် 7Day ကဵု Myanmar Now တုဲ ဗက်ချူတြးဒၟံၚ်ပရိုၚ်အလီ ပရိုၚ်ဟွံဍာံ တံဂှ် ဒးစွံသတိ

by | Oct 27, 2020 | ပရိုင်ပတောံ: Fact-Checking, ပရိုၚ် | 0 comments

ပ္ဍဲကဵုအခိၚ်ကာလကြပ်ကၠုၚ်ကဵုပေဲါရုဲမာဲဏံဂှ် ဂကောံထ္ပက်ဇိုၚ်လ္ၚဵု၊ ဂကောံတြးဝါဒလ္ၚဵုတံ ကၠောန်ပတောံ (ပတုပ်) ကၠုၚ် မုက်လိက် website ဌာန်ပရိုၚ်ဒယှ်တှ်လ္ၚဵုတံတုဲ တြးချူဒၟံၚ်ပရိုၚ်ပတောံ၊ ပရိုၚ်ဟွံဍာံတံဂှ် စွံသတိမ္ဂး သ္ဂောံဆဵု ကေတ်မာန်ရ။

ဗီုကဵုဌာန်ပရိုၚ်ယၟုပြာကတ်တဴဒၟံၚ် ပ္ဍဲကၟိန်ဍုၚ်ဗမာ ဗီုကဵုဌာန်ပရိုၚ် 7Day News ဂှ် ကီု၊ ဗီုကဵုဌာန်ပရိုၚ် Myanmar Now ကီု ကၠောန်ပတောံ-ပတုပ်လဝ် တဆိပ် logo တုဲ ချူပတိုန်တြးဒၟံၚ်ပရိုၚ်ဟွံဍာံ၊ ပရိုၚ်သ္ပဒတန်ဟွံဂွံတံဂှ်နွံရ။

(ဗီုရုပ် – ဌာန်ပရိုၚ် ဇေတ်ဇေတ်- မုက်လိက်ဌာန်ပရုၚ် ပတောံ)

ကၠောန်ပတောံ-ပတုပ်လဝ် ဗီုပြၚ်ဌာန်ပရိုၚ် website တံဂှ်တုဲ ချူပတိုန်တဴဒၟံၚ်ပရိုၚ်ဗၠေတ်ဗၠေတ်တံဂှ်ကီု၊ ပရိုၚ်သ္ပ ဒတန်ဟွံဂွံတံဂှ်ကီု၊ မွဲသာ်ပၠန် သ္ပလဝ်အယောၚ်အလာ မုက်လိက်ဗီုပြၚ်ဌာန်ပရိုၚ်တုဲ ဗက်ဂၠာဲမံၚ် ပရေၚ်ဗွဝ်ဖျာ၊ ဂၠာဲကၠောန်မံၚ်ပရေၚ်ပိုန်ဒြပ်လတူမုက်လပှ်ကျာတံနာနာသာ်ရ။

မုက်လိက်လပှ်ကျာ ဝေပ်သာ် website မွဲအဆံၚ် ဗက်တြးဒၟံၚ်ပရိုၚ်ဗၠေတ်ဗၠေတ်၊ ပရိုၚ်ဟွံဍာံတံဂှ်တုဲ ညးသုၚ်စောဲ အေန်တာနေက် တံဒးစွံသတိရ။

ပရိုၚ်ပတောံ ပရိုၚ်အလီတံဂှ် သွက်ညးဗှ်လိက်တံ စိုတ်ဂွံလုပ်စဂှ် တံၚ်ဂြဲစိုတ်ရဲဗှ်လိက်တံမာန်ကီုလေဝ် ရဲဗက်ဂၠာဲ စပရေၚ်ဗွဝ်ဖျာ ပရေၚ်ပိုန်ဒြပ်လတူလိုၚ် (အေန်တာနေက်) တံဂှ် ဒးစွံသတိထေက်ရ။ သုၚ်စောဲကၠောန်ပတောံ- ပတိုပ်လဝ် ဗီုပြၚ်မုက်လိက် ဌာန်ပရိုၚ်ယၟုဒယှ်တှ်လ္ၚဵုတုဲ တြးဒၟံၚ်ပရိုၚ်ဟွံဍာံ၊ ဗက်ဂၠာဲမံၚ်ပရေၚ်ဗွဝ်ဖျာလတူလိုၚ်၊ ဗက်ချူတဴဒၟံၚ်ပရိုၚ်သ္ပဒတန်ဟွံဂွံတံ ညံၚ်ဟွံဂွံပတှ်ေပြဟ်ဂှ် ပၟိက်ဇၞော်လောန်ရ။ ဆဵုတၚ်နၚ်ပရိုၚ်မွဲမွဲမ္ဂး ယဝ်ရဒှ်ကဵု စိုတ်သံသယမ္ဂး တမ်ရိုဟ်ပရိုၚ် ဟွံသေၚ်သာ်ဂှ် ဒးလ္ၚတ်ဂၠိုက်ဂၠာဲပ္ဍဲမုက်လိက်ဌာန်ပရိုၚ်တံထေက်ရ။ တၚ်နၚ်ပရိုၚ် ဇကုဆဵုဂှ် ဓဝ်ပတှ်ေ တၚ်သ္ဒးဒှ်သံသယ ပရေၚ်ကၠးပ္ဍဲစိုတ်ဟွံမွဲဏီမ္ဂး လ္ပ share တြးပ္တိတ်ဏာညိဂှ် မိက်ဂွံကဵုသတိရ။

(ဗီုရုပ် – ဌာန်ပရိုၚ် ဇေတ်ဇေတ်- မုက်လိက်ဌာန်ပရုၚ် ပတောံ)

ပရိုၚ်ဏံဝှံ နိဿာဲနူ>>https://www.realornotmm.info/2020/10/22/imposter-myanmar-mainstream-media/?fbclid=IwAR014szUR5et-QPdrs8sazSnOMPbtqFfSzC4lL1HX1VeZNbkbIpbk1v0_cU

Written by

Related Posts

သ္ၚိဟွံကဵုဩန် သွက်လိၚ်မၞိဟ်ယိုက်ဂၠေၚ်ပၞာန်(ဗၟာ)လ္ၚဵု ဒးကံက်မာဲလုပ်ပၞာန်

သ္ၚိဟွံကဵုဩန် သွက်လိၚ်မၞိဟ်ယိုက်ဂၠေၚ်ပၞာန်(ဗၟာ)လ္ၚဵု ဒးကံက်မာဲလုပ်ပၞာန်

သ္ၚိညးဟွံကဵုဩန် သွက်ဂွံလိၚ်စုတ်မၞိဟ်စၞးယိုက်ဂၠေၚ်သ္ပကောန်ပၞာန်ဗၟာ ပ္ဍဲဒေသလ္ၚဵုဂှ်ဝွံ ဒးကံက်မာဲလုပ်ပၞာန်ဂှ် စဒှ်ကၠုၚ်ယျရောၚ် ဂကောံအုပ်ဓုပ်အရာပ် ဒးဖန်ဇန်မွဲတၠဂှ် ဟီုလဴထ္ၜးရ။

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

ပ္ဍဲအရာလိင်မၞိဟ်သ္ပကောန်ပၞာန်ဗၟာစၞးအရာပ်ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု ဒးကၠတ်ဗပေင်စုတ်လဝ်ဩန် သွာင်ပရဟိတကွာန်

သွက်ဂွံဗပေင်လဝ်ဩန် ဒၞာဲလိင်မၞိဟ်သ္ပကောန်ပၞာန်ဗၟာစၞးအရာပ်-ကွာန်ဂှ် ဂကောံအုပ်ဓုပ်အရာပ်-ကွာန်လ္ၚဵု မ္ဒးကၠတ်ဗ ပေင်စုတ်လဝ်ဩန် သွာင်ပရဟိတကွာန်နွံမံင်ရောင် ညးလုပ်ဂကောံအုပ်ဓုပ်ကွာန် ဒေသဍုင်မန်မွဲတၠ ဟီုလဴ ထ္ၜးရ။

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ဗီုညး ညးပတေင် ပရေင်ဍုင်ကွာန် ဆလအ်ဟွံၜိုဟ်သြိုဟ်

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.