သ္ကအ်ရဲတအ်ဂမၠိုၚ်အဴ——
နဲကဲကွတ်ပညာတအ် ဂတာပ်ကၠုၚ်အခေတ်တုဲ(တဴတက်ကၠုၚ်တုဲ) ပရိုၚ်အလီ၊ ပရိုၚ်ဗၠေတ်ဗၠေတ်တအ်လေဝ် က္ဆံၚ်သၠုၚ်တိုန်ကၠုၚ်ရ။ ဟိုတ်နူကဵုကဆံၚ်သၠုၚ်တိုန်ဗီုတဏံဂှ်တှ်ေ ပရိုၚ်မွဲမွဲ ပိုယ်ဂွံပါ်ပဲါဂှ် ဒှ်ကၠုၚ်အခက်အခုဲတုဲ ပရိုၚ်ဗၠေတ်ဗၠေတ်ဂမၠိုၚ်လေဝ် သွက်ပိုယ်တအ် အာရီုပြံၚ်သၠာဲကၠုၚ် ဗွဲမလောဲသွာရ။
တ္ၚဲဏံ မိက်ဂွံပါ်ပရအ်ကဵုသ္ကအ်ရဲတအ် မွဲပိုဒ်ဂှ်တှ်ေ ပရူပရာ deepfake (ပတောံဗွဲမဇြိုဟ်နက်) မဒှ်ရ။ သုၚ်စောဲလဝ် ဗီုရုပ် ဒှ်မံၚ်ဓမ္မတာဂှ်တုဲ ပရိုၚ်ဗၠေတ်ဗၠေတ်တအ် ဟွံသေၚ်သာ်ဂှ် တၚ်နၚ်ဗၠေတ်ဗၠေတ်တအ်ဂှ် ကၠောန်ပတိုန်ပရိုၚ်ဗၠေတ်ဗၠေတ်ဟွံသေၚ်တုဲ deepfake(ပတောံဗွဲမဇြိုဟ်နက်) ဟီုဂှ် ဒုၚ်သ္ဇိုၚ်ကဵု နဲကဲပညာ AI တုဲ ကၠောန်ဗဒှ်ပတိုန် ဗဳဒဳယိုဝ် မွဲပိုတ်ရ။
သွက်ဂွံကၠောန်ဗဒှ် deepfake(ပတောံဗွဲမဇြိုဟ်နက်) ဂှ် ဗီုရုပ်ဗွဲမဂၠိုၚ်နွံပၟိက်မံၚ်ရ။ မၞိဟ်ကၠောန်ဗဒှ် deepfake(ပတောံဗွဲမဇြိုဟ်နက်)ဂှ်တှ်ေ ဒှ်မၞိဟ်မြဟ်မံၚ်ဂၠးတိ (သၟာပရေၚ်ဍုၚ်ကွာန်၊ တၠပညာ) တအ်ဒှ်တုဲ သ္ပအဓိက ပတဝ်က္ဍိုပ်ကဵု မၞိဟ်ဂမၠိုၚ်တုဲ ကၠောန်ဗဒှ်မံၚ်ရ။deepfake(ပတောံဗွဲမဇြိုဟ်နက်)ဂှ် ဗီုပြၚ်ဂလာန်သြဝါဒသၟာပရေၚ်ဍုၚ်ကွာန်တအ်ဟီု ညံၚ်ဂွံထေၚ်ဗၠေတ်ဂှ် ဗီုနွံပၟိက်ကၠောန်ဗဒှ်လဝ်ကီု၊ ဆေၚ်စပ်ကဵုသၟာတၠပညာတအ်တှ်ေ ဗီုပြၚ်ဂှ်ကီုရ ပ္ဍဲကဵုဝေပ်သာ် ဇာတ်ကာ (လဝေၚ်ဇာတ်) ပရေံရေံတအ်ဂှ် ကၠောန်ဖန်ဗဒှ်လဝ်နွံကီုရ။
deepfake(ပတောံဗွဲမဇြိုဟ်နက်)ဟီုဂှ် နကဵုနဲကဲပညာ AIဂှ် သုၚ်စောဲလဝ်ဗီုရုပ်မၞိဟ်မြဟ်မံၚ်ဂၠးတိတုဲ ပံၚ်ဗစိုပ်လဝ်ကဵု ဗီုပြၚ်အကာဲအရာဇကုချဳဒရာၚ်မံၚ်တုဲ ဖန်ဗဒှ်ပတိုန်ဗဳဒဳယိုဝ်မွဲရ။ ဗဳဒဳယိုဝ်ဗီုတၞဟ်ဂှ်တှ်ေ ပ္တောံဟာ ဇေတ်ဟာဂှ် ပါ်ပဲါဝါတ်မံၚ်ကီုတုဲ မၞိဟ်ဖန်ဗဒှ်ပရိုၚ်ပ္တောံတအ်ဂှ် ယဝ်ရ ရန်တၟံ ပရးပတိတ်မံၚ်ဝါဒဗၠေတ်ဗၠေတ်တအ်ဏေါၚ်တှ်ေ ပရိုၚ်ပရေံရေံတအ် က္တဵုဒှ်ကၠုၚ်လေပ်ရ။
ဆေၚ်စပ်ကဵု deepfake(ပတောံဗွဲမဇြိုဟ်နက်)ဏံတုဲ နူကဵု BBC တအ် ကေၚ်ဓမံက်ထ္ၜးလဝ်ဗဳဒဳယိုဝ်မွဲပိုဒ်ဂှ် ကူဆာဲစၠောံလဝ်တုဲ နူကဵုမုက်လိက် ဒး ဟွံဒး တုဲ ချပ် ပိုယ်ဏံ ကလေၚ်ပါ်ပရအ်ကဵုဏါပၠန်ရ။
ပရိုၚ်ဏံဝှံ နိဿာဲနူ>>https://thinkbeforeyoutrust.com/2019/12/25/deepfake/?fbclid=IwAR3H-bvIQAD9xugjJQWpc5EEVfV5OuSrw-RS6e_RHJLtcTI2qgMXwC4sSak
