အလုံကၟိန်ဍုၚ်ဗၟာဝွံ ဟိုတ်နူကဵုယဲကပ်ကဝ်ဝေဒ်တုဲ ပရေၚ်ကမၠောန်ကၟိတ်တံ အောန်စှ်ေကၠုၚ်ဂှ်ရ သွက်ညးဒိုက်ဝါတ်တံဂှ် နကဵုအလဵုအသဳကဵုလဝ်မံၚ်အထံက်အပၚ်ဂှ် ဟွံဂွံမ္ဂး အခေါၚ်တေၚ်နွံရောၚ် အလဵုအသဳတံ သီုကဵုလဝ်မဂၞန်ဖုၚ် သွက်ဂွံဆက်စၠောံရ။
ပ္ဍဲအရာပါ်ပရအ်ဂှ် သ္ၚိကၟိန်အိန်ထံၚ်ကလိဂွံထေက်တံ ဟွံကလိဂွံကီု အတိုၚ်ဖျေံကဵုနၚ်လဝ် ဟွံကလိဂွံဍိုက်က်ပေၚ်ၚ်ကီုမ္ဂး ကေတ်အဆက်ကဵုဌာနအုပ်ဓုပ်အဆံၚ်ပွိုၚ်ဍုၚ်တံတုဲ တေၚ်ဏာမာန်ရောၚ် အလဵုအသဳကၟိန်ဍုၚ် လလောၚ်တြးလဝ်ရ။
ၜိုန်ဂှ်လေဝ် ပ္ဍဲကဵုဒေသ အရာပ်၊ ကွာန်လ္ၚဵုတံဂှ် မၞိဟ်ကလိဂွံနၚ်သ္ၚိအောန်မံၚ်တုဲ အတိုၚ်ညးဒေသတံ တုပ်စိုတ်ဂှ် ထပ်ဟလိုၚ်ပ္တိုန်လၟိဟ်သ္ၚိ ပါ်ပရအ်ကဵုလဝ်သြန်ထံက်ပၚ်နွံကီု ကွာန်လ္ၚဵုဂှ် မၞိဟ်ဂွံလဝ်သြန်ထံက်ပၚ်ဂၠိုၚ်ၚ်ကဵုဝါဂှ် ပါ်ပရအ်သၠာဲကဵုလဝ် သ္ၚိညးဟွံကေၚ်ဂွံတံလေဝ် နွံမံၚ်ကီုရောၚ် ဂွံလ္ၚတ်တီကေတ်ရ။
နူကဵုယဲကပ်ကဝ်ဝေဒ်ကတဵုဒှ်ကၠုၚ်တုဲ နကဵုအဆံၚ်ကၟိန်ဍုၚ်ဂှ် ကပေါတ်ကေုာံသြန် ထံက်ပၚ်ဂွံလဝ် (၃) ဝါတုဲ လၟုဟ်အလန်စတုတ္ထဏံ မွဲသ္ၚိကၟိန်မ္ဂး ထံက်ပၚ်ကဵုသြန် ၜါလက်ဒ္ကေဝ်ကဵု ဒေသပွိုၚ်ဍုၚ်ဒးဒၟံၚ် (Lockdown) တံမ္ဂး ထံက်ပၚ်ကဵု ပန်လက်ဒ္ကေဝ်ရောၚ်။
သြန်ထံက်ပၚ်ဏံဂှ် ပွိုၚ်ဍုၚ်ကျာ်မြဟ် (၈၅၇၇) သ္ၚိ၊ ပွိုၚ်ဍုၚ်ၜါသွာၚ် (၇၀၇၇) သ္ၚိ၊ ပွိုၚ်ဍုၚ်ကျာ်ထဝ် (၉၄၈၇) သ္ၚိ၊ ပွိုၚ်ဍုၚ်သဓီု (၁၂၄၁၁) သ္ၚိ၊ ပွိုၚ်ဍုၚ်ဇြပ်ဗု (၈၇၆၂) သ္ၚိ၊ ပွိုၚ်ဍုၚ်မုဟ်ဍုၚ် (၁၁၉၈၆) သ္ၚိ၊ ပွိုၚ်ဍုၚ်ရေဝ် (၁၈၀၇၅) သ္ၚိ၊ ပွိုၚ်ဍုၚ်ၜဳကလေၚ် (၂၀၈၅၇) သ္ၚိ၊ ကေုာံ ပွိုၚ်ဍုၚ်ပံၚ် (၁၁၈၁၉) သ္ၚိ ကဵုအာအထံက်အပၚ်ရောၚ် ဂွံတီကေတ်ရ။
