ကြဴနူပေဲါရုဲမာဲတုဲဂှ် မၞိဟ်လ္ၚဵုပံက်ပတိုန်လဝ် မုက်လိက် ပတောံတုဲ ချူပတိုန်ပရိုၚ်ပေဲါရုဲမာဲ ဗၠေတ်ဗၠေတ် ဂၠိုၚ်ကၠုၚ်ဒၟံၚ်ဂှ် သ္ဂောံဆဵုကေတ်ဒၟံၚ်ရ။

ပ္ဍဲကဵု စၟတ်တ္ၚဲ ၅ ဂိတုဒဳဇြေမ်ဗာဂှ် နူကဵုအကံက် “အမှန်တရား” မွဲဂှ် ချူပတိုန်တြးပတိတ်မံၚ် ပရိုၚ်ဗၠေတ်တ် နွံမံၚ်ကီုရ။ ပ္ဍဲကဵုပရိုၚ်ပ္တောံဂှ်တှ်ေ “ ပ္ဍဲကဵုရးလ္ဂုၚ်၊ ပွိုၚ်ဍုၚ်ဒဂုံမြို႔သစ် လ္ပါ်သၠုၚ်ကျာဂှ်တှ်ေ အရာပ်ဂၞန်(၂) ပ္ဍဲကဵုရုၚ်မာဲ စၟတ်(၁)ဂှ် ၜိုန်မမာဲ(၁၀)မ ပဵုပြၚ်မံၚ်ကီုလေဝ် နကဵုကမ္မယှေန်ပေဲါရုဲမာဲ ထ္ပက်စၟတ်တဲတုဲ ပလဝ်ဒတန်နွံမံၚ်ကီုရ။

Video Link>>https://bit.ly/37MtiuX

ပ္ဍဲကဵုရုၚ်မာဲ စၟတ်(၁) ဂှ် မၞိဟ်ဂွံအခေါၚ်ကဵုမာဲဂှ် နွံလၟုဟ်မၞိဟ် (၈၇၂)တၠဂှ် ပ္ဍဲကဵု ကၠတ်ထဝ်ကောန်ဂကူဂှ် မၞိဟ်ကၠုၚ်စုတ်မာဲ နွံ (၈၇၇) တုဲ ပ္ဍဲကဵုကၠတ်ထဝ်ညးဍုၚ်ကွာန်ဂှ် မၞိဟ်ကၠုၚ်စုတ်မာဲ နွံ (၈၇၇)တုဲ အပံၚ်(၂)ဂှ်တှ်ေ မမာဲပဵုမံၚ် (၁၀)မ ရောၚ်ဂှ် ”
သာ်ဏံ ဟီုဓမံက်လဝ် ပ္ဍဲကဵုအကံက် “အမှန်တရား” ဏံတုဲ ပရိ်ုၚ်ဏံဂှ် ပရိုၚ်ပ္တောံဏောၚ်ဂှ် နူကဵုကဏ္ဍ “ဒး ဟွံဒး တုဲ ချပ် ပိုယ်တအ် ဂၠိုက်ဂၠဲါ စၟဳစၟတ်လဝ်ရ။

ဆေၚ်စပ်ကဵုပရိုၚ်ဏံဂှ် မုဟိုတ်ပိုယ်တအ်ဂွံဟီု ပရိုၚ်ဏံဂှ် ဒှ်မံၚ်ပရိုၚ်ပ္တောံရောဟီုမ္ဂး –

• နူကဵုဌာန်ပရိုၚ်ပ္ဍဲကၟိန်ဍုၚ်ပိုယ်တအ်ဂမၠိုၚ်လေဝ် ဆေၚ်စပ်ကဵုပရိုၚ်ဗီုတအ်ဏံဂှ် ဓမံက်လဝ်ပ္ဍဲကဵုမုက်လိက် ဌာန်ပရိုၚ်ဂမၠိုၚ် ဟွံဆဵုရ။

• ပ္ဍဲကဵုမုက်လိက် Facebook ကမ္မယှေန်ပေဲါရုဲမာဲလေဝ် ပရိုၚ်ဏံဂှ် ဒှ်ပရိုၚ်ဗၠေတ်တ်ဏောၚ်ဂှ် သောၚ်ကလးလဝ် ပ္ဍဲကဵုမုက်လဝ် ကၠးကၠးဖ္ဍးဖ္ဍးနွံရ။

• ပရိုၚ်ပတိုန်လဝ် ပ္ဍဲအကံက်ဂှ်ပၠန်လေဝ် ဆေၚ်စပ်ကဵု ကိစ္စပေဲါရုဲမာဲဂှ် ဒှ်မံၚ်အကံက်တြးမံၚ်ပရိုၚ်ပ္တောံမွဲဂှ် ဂွံဆဵုကေတ်ရ။

ပရိုၚ်ဗီုတအ်ဏံဂှ် ဆေၚ်စပ်ကဵုကိစ္စသွဟ်ပေဲါရုဲမာဲဂှ် သွက်မၞိဟ်ဂမၠိုၚ်အရီုဂွံပြးမာန်ဂှ် ရန်တၟံတုဲ ဖန်ဗဒှ်မံၚ်လေဝ် နွံမံၚ်ကီု ဆေၚ်စပ်ကဵုကိစ္စသွဟ်ပေဲါရုဲမာဲဂှ်တှ်ေ ပရိုၚ်ဗၠေတ်တ်/ ပရိုၚ်ပ္တောံတအ် အခိၚ်ဟွံရုဲပြးဇမံၚ်လေဝ်နွံမံၚ်ကီုရ။ ဗီုဏံကီုရ ပ္ဍဲကဵုမုက်လိက် Facebook ကမ္မယှေန်ပေဲါရုဲမာဲလေဝ် ပရိုၚ်ပ္တောံဗွဲမဂၠိုၚ်တအ်ဂှ် ဓမံက်ထ္ၜးကဵုမံၚ်လၟိုန်နွံရ။

ပရိသာတ်ပိုယ်တအ်လေဝ် ပရိုၚ်မွဲမွဲစိုပ်ကၠုၚ်လ္တူ မုက်လိက် Social media ဏောၚ်တှ်ေ နကဵုတမ်ရိုဟ်ပရိုၚ်ဟွံမွဲ မွဲသာ် လ္ပပတှ်ေစှ်ေစိုတ်ပြဟ်ဏီညိ။ နူကဵုဌာန်ပရိုၚ်လုပ်ဗွိုၚ်သၞောဝ်ဂမၠိုၚ် ကဵု ဆေၚ်စပ်ကဵုဌာနဝန်ဇၞော်တအ် လလောၚ်တြးတုဲမှ ပတှ်ေစှ်ေစိုတ်ဂှ် မိက်ဂွံဆဝ်မ္ၚုဟ်ဏာရ။

ပရိသာတ်သၟာဗှ်ပရိုၚ်ဂမၠိုၚ်တအ်လေဝ် ပရိုၚ်ဏံဂှ် ပရိုၚ်ဗၠေတ်ဟာ/ ပရိုၚ်ဒးဟာဂှ် ချပ်ပါ်ပဲါစၚ်ခြၚ်ကဵုအးတုဲ ပတှ်ေညိဂှ် မိက်ဂွံကသေအ်ကၟဝ်ဏာရ။