သၞာံ ၂၀၂၀ ဂိတု ဒဳဇၚ်ဗာ ပ္ဍဲကဵုစၟတ်တ္ၚဲ ၄ တေံဂှ်တှ်ေ နကဵုအကံက် “နေမျိုးသူရ” ချူ ပတိုန်လဝ် ဂကောံကမ္မယှေန် ပေဲါရုဲမာဲကၟိန်ဍုၚ်တံ သွက်ဂွံနုက်တိတ်နွံရောၚ် ဟီုဂှ် ဒှ်ပရိုၚ်ဗၠေတ်ဗၠေတ်မွဲရောၚ် နူကဵု “ဒး ဟွံ ဒး တုဲချပ်” ပိုဲတံ လ္ၚတ်ဂၠိုက်ဂၠာဲလဝ်ရ။

Video Link >>https://bit.ly/39R3QHm

နူကဵုဂကောံ ပေဲါရုဲမာဲကၟိန်ဍုၚ် UEC ဏံ ကၠာဟွံဂွံပေၚ် ၄၅ တ္ၚဲဂှ် ပတိုန်လဝ်လိက် နုက်တိတ်နွံမံၚ်ရောၚ်ဂှ်” ညးတေံ ချူပတိုန်လဝ် လ္တူမုက်လိက် Facebook ညးတေံတုဲ ပြးတိတ်မံၚ် ၂၇၂ တၠတုဲ မၞိဟ်ကဵုလဝ် comment ဂှ် နွံ ၄၉ တၠနွံရ။ အကံက်ဏံဂှ် ဒှ်မံၚ်အကံက် ချူပတိုန်လဝ် ပရိုၚ်ပ္ဍဲကၟိန်ဍုၚ်ပိုယ်တအ် ဆေၚ်စပ်ကဵု ပရူပရာ NLD ပရေံကီု၊ ပရူဒပ်ပၞာန်ပရေံကီု၊ လက္ကရဴဏံတှ်ေ ချူပတိုန်ကၠုၚ်လဝ် ပရူပရာ UEC တအ် ဗွဲမဂၠိုၚ်ဂှ်လေဝ် ဂွံဆဵုကေတ်ရ။ တုဲပၠန် ပရိုၚ်နူကဵုအကံက်ဏံဗွဲမဂၠိုၚ်ဂှ်လေဝ် ချူပတိုန်လဝ် ဗီုပြၚ်ပရိုၚ်ဇေတ်တ်မွဲပိုဒ်ဂှ်လေဝ် နွံမံၚ်ရ။

ဟိုတ်သာ်လဵု သ္ဂောံသ္ပဒတန် ပရိုၚ်ဟွံဍာံ၊ ဒှ်ပရိုၚ်ဗၠေတ်ဗၠေတ်ရော ဟီုမ္ဂး ဒုၚ်သ္ဇိုၚ်တၚ်နၚ် ဗွဲသၟဝ်ဏံမ္ဂး –

• ပ္ဍဲကဵုမုက်လိက် UEC ဂှ်လေဝ် ဒဒှ်ရ မၞိဟ်ဂွံပတိုန်လဝ် လိက်နုတ်တိတ်ကီု မၞိဟ်ဂွံနုက် အာနွံမံၚ်ကီုဏောၚ် နူကဵုမုက်လိက် ကမ္မယှေန်ပေဲါရုဲမာဲလေဝ် ချူပတိုန်လလောၚ်တြးလဝ် ဟွံဆဵုမွဲသာ်ရ။

• နူကဵုဌာနဌာန်ပရိုၚ်ပ္ဍဲကၟိန်ဍုၚ်ပိုယ်တအ်ဂမၠိုၚ်ကီု နကဵုမုက်လိက်အလဵုအသဳဂမၠိုၚ်ကီု ချူပတိုန်ဓမံက်ထ္ၜးလဝ် ဟွံမွဲသက်သက်ရ။

• နူကဵု မုက်လိက် UEC လေဝ် ပရိုၚ်ဏံ ပရိုၚ်ဗၠေတ်တ် ပရိုၚ်ဟွံဍာံပုဟ်ဂှ် ဓမံက်ထ္ၜးလဝ် လ္တူမုက်လဝ်ညးတအ်ဂှ်လေဝ် ဓမံက်ထ္ၜးလဝ် ဗွဲမချိုတ်ပၠိုတ်ကီု နွံရ။

ဒုၚ်သ္ဇိုၚ်လတူတၚ်နၚ် ဗွဲလတူတေံတုဲ ပရိုၚ်ဝွံ ဒှ်ပရိုၚ်ဗၠေတ်ဗၠေတ်မွဲရောၚ်ဂှ် ဟီုသ္ပဒတန်မာန်ရ။ ပရိသာတ်ပိုယ်တအ်လေဝ် ပရိုၚ်ဟွံဍာံ၊ ပရိုၚ်ဗၠေတ်ဗၠေတ်တအ်ဂှ် ယဝ်ဆဵုညာတ်ဒး လ္တူ facebook တအ်မ္ဂးတှ်ေ လ္ပပတှ်ေပြဟ်ဏီတုဲ ပရိုၚ်ဏံဂှ် ဒးဟာ ဗၠေတ်ဟာဂှ် ယဝ်ဒှ်ဒၟံၚ်သၠေဟ်ပၟာဏောၚ်တှ်ေ ဗဵုကျောဝ်ရံၚ် ပ္ဍဲဌာန်ပရိုၚ်တၞဟ်ဟ်ကီု၊ ပ္ဍဲ မုက်လိက် ကော်ပရှၚ်ပေဲါရုဲမာဲညိဂှ် မိက်ဂွံဗတိုက်ဖအောဝ်ဏာရ။