ဂွိၚ်ကဵုပရေၚ်ဂီုကၠီုတုဲ ကွဳစက်ပလံၚ်မၞိဟ်ယဲ ဒေသလှာဒကှ်တံ ဟွံပလံၚ်မၞိဟ်ယဲ အခိၚ်ဗတံ

by ဌာန်ပရိုၚ်ဗၠးၜးမန် | Mar 17, 2021 | ပရိုၚ် | 0 comments

မာံသုခ၊ ဂိတုမာ် (၁၀) စွေက် (မာတ်.8.2021)

ကွဳစက်ပလံၚ်မၞိဟ်ယဲ ဂကောံမေတ္တာရာမည ပရဟိတ မၞုံပ္ဍဲဒေသလှာဒကှ် ကွာန်ကံပှ်လှ်ဂှ်ဝွံ တုဲတုဲကၠုၚ်ဏံ မၞိဟ်ယဲတအ်ကော်စိုပ်မ္ဂး ဗ္တံတ္ၚဲဟွံရုဲ ပွိုၚ် (၂၄) နာဍဳ ပလံၚ်ဗ္စိုပ်ကဵုမံၚ်နွံရ။
လၟုဟ်မ္ဂး ဟိုတ်နူအကာဲအရာ ပရေၚ်ဍုၚ်ကွာန်ဟွံပြေပြံၚ် ဒှ်ဓဝိၚ်ကဵု ပရေၚ်ဂီုကၠီု သွက်ညးအာပလံၚ်မၞိဟ်ယဲကီု ရုၚ်ဂဥုဲလေဝ်ကၟာတ်ဂၠိုၚ်ကီုတုဲ ပ္ဍဲအခိၚ်တ္ၚဲဟေၚ် ပလံၚ်ဗစိုပ်ကဵုတုဲ ပ္ဍဲအခိၚ်ဗ္တံဂှ် ဟွံအာပလံၚ်ရ။
“လၟုဟ်ဂှ် ပရေၚ်ဍုၚ်ကွာန်လေဝ် ဍေံဟွံၜိုဟ်သိုဟ်ပုဟ်၊ လ္တူဍုၚ်တေံတှေ် ပိုဲဂှ် (၆) နာဍဳ ပါ်သဝ်တ္ၚဲတုဲတှေ် ညံၚ်ဂွံစဴဟတာပ်၊ တုဲတှေ် (၆) နာဍဳပါ်နူဂယး အေအခိၚ်ဂှ်မှ ဆက်ပလံၚ်မၞိဟ်ယဲဂွံပၠန်တုဲ ဒးဟီုမွဲပၠန် ပ္ဍဲကဵုပိုဲပလံၚ်ယဲဏံဂှ် လ္ပာ်ပိုဲခက်ခုဲ နွံမံၚ်မာဟလိုၚ်ဏး၊ ပိုဲဂွံအာ (ဆေးရုံ) တေံ (ဆေးရုံ) ဏံဂှ် ဒးရုဲအခိၚ် ဒးကေတ်အခိၚ် အခိၚ်တှေ်တုဲလေဝ် ပိုဲအာကဵုဟွံဂွံရပုဟ်၊ ဗီုအခိၚ်ဒးစိုတ်ကော်ပိုဲ ပိုဲအာပလံၚ်ကဵုဏောၚ်၊ လၟုဟ်ဂှ် အခိၚ်ဒးစိုတ်ကော်ပိုဲဟွံဂွံရဏး” သာ်ဏံ နာဲသိုဝ် ညးက္ဍိုက်ပ်ပလံၚ်မၞိဟ်ယဲ ဂကောံမေတ္တာရာမည ပရဟိတ ကွာန်ကံပှ်လှ် ဟီုရ။
လၟုဟ်ညးတအ် အာပလံၚ်မၞိဟ်ယဲမ္ဂး ဒးဆက်ဖုၚ်ပညဳကဵု ရုၚ်ဂဥုဲ (ဆေးခန်း) တုဲမှ ဂွံအာပလံၚ်မၞိဟ်ယဲဂှ်ရ၊ ရုၚ်ဂဥုဲ ပ္ဍဲဍုၚ်လှာဒကှ် ပြေပြံၚ်ကီုလေဝ် ဒးပလံၚ်မၞိဟ်ယဲ ပ္ဍဲမတ်မလီု၊ မုဟ်ဍုၚ်တအ်မ္ဂး ကွဳစက်ပလံၚ်မၞိဟ်ယဲတအ် ပ္ဍဲအခိၚ်တ္ၚဲဟေၚ် ပလံၚ်ဗ္စိုပ်ကဵုဂွံရ။
ပ္ဍဲဒေသလှာဒကှ်ဝွံ လၟုဟ် ရုၚ်ဂဥုဲလွဳယဲ ပွိုၚ်တိုက်ဒဵုထောၚ်နွံကီုလေဝ် ဟိုတ်နူဒှ်မံၚ်ရုၚ်ဂဥုဲတၟိ ဂွံလွဳယဲ နကဵုဗီုပြၚ်စှ်စှေ် ဟွံဒှ်ဏီဂှ်ရ သွက်ညးယဲ မၞုံပ္ဍဲဒေသလှာဒကှ်တအ် လွဳယဲမ္ဂး ဆက်တုဲ ဒးပတှေ်မံၚ် ရုၚ်ဂဥုဲမတ်မလီု၊ မုဟ်ဍုၚ်တအ်ဖိုဟ်ရ။
ဂကောံမေတ္တာရာမည ပရဟိတ ကွာန်ကံပှ်လှ်ဝွံ ကွာန်ပ္ဍဲဒေသလှာဒကှ် ဟွံရုဲကွာန် မၞိဟ်ယဲနွံ ကော်ကၠုၚ်မ္ဂး အာကဵုမံၚ်လၟိုန်တုဲ ဂကောံဏံဝွံ သီုကဵုမံၚ်ဒါန် (အောက်စီဂျၚ်) ကီုရ။
ပ္ဍဲဒေသလှာဒကှ်ဝွံ ကွာန်ပှ်လှ်၊ ကွာန်ကြုၚ်ခယာၚ်၊ ကွာန်ဝေသာလဳဗၟံက်၊ ကွာန်လိုၚ်ကၞုဲ၊ ကွာန်သၞေဟ်သြောံ နကဵုကွဳစက်ပလံၚ်ယဲဂှ် ပလံၚ်ကၠုၚ်မံၚ် မၞိဟ်ယဲတအ်နွံရ။

← ရုၚ်ဒါန်ဂဥုဲဇဳဝိတဒါန ဍုၚ်ဇြပ်ဗု စလွဳပါ်ကရေက်အာ လၟေၚ်တ္ၚဲရာၚ် သၞောတ်ရုဲစှ်ပေဲါရုဲမာဲ သၞောတ်ဗၞတ်ဗ္ၜတ်ပဳအာ (Proportional Representative (PR) System) ဂှ် ဗော်ညဳသၟဟ်မန် ချပ်လဝ်ဟွံမွဲဏီ →

Written by

More Posts by

ပိုဲမၞိဟ်တံမ္ဂးဂှ် ဇၟာပ်ပ်တ္ၚဲ မ္ဒးဆဵုဂဗမံင်ကဵုပြသၞာဂမၠိုင်တုဲ ဇၟာပ်ပ်တ္ၚဲ ပိုဲမၞိဟ်တံ မ္ဒးပသောင်ဒၟံင် ပြသၞာရ။ စပ်ကဵုပသောင်ပြသၞာဂှ် ယဝ်ရစိစောန်မံင်အရာဇဳသာ်မ္ဂး က္လိဂွံဂုဏ်ဖဵု ဗွဲမဂၠိုင်မာန်ရ။ ပြသၞာလ္ၚဵု မဆဵုဂဗလၟုဟ်ဂှ် ကြံင်မ္ၚိုဟ်နူကဵု ပြသၞာကေင်ဆဵုဂဗလဝ် လောန်ကၠုင်တုဲတုဲတေံ ဂၠိုင်ကဵုဆလေဝ်ဒှ်မာန်ရ။ ပြသၞာဂှ် ဗွဲမဂတာပ်တဲ သီုဟွံမွဲကဵုပရေင်ခက်ခုဲ သောင်က္လးမာန်မ္ဂး ဒှ်ညးမၞုံကဵုအစောန်စရာဲခိုဟ်ရ။ ဇၟာပ်ပ်ပြသၞာ နဲသောင်က္လးဍေံ နွံမွဲဗီုဓဝ်ဟွံသေင်ရ။ သွက်သ္ဂောံသောင်က္လးပြသၞာဂှ် ဗီုလဵုပိုဲပလေဝ်ပလေတ်လဝ်နွံနွံ အရာပိုဲဟွံတီလဝ်တံ နွံမံင်လၟိုန်ရ။ ဟိုတ်ဂှ်ရ ပြသၞာညံင်ဟွံဂွံဒှ်ဂှ် မ္ဒးစွံလဝ်သတိလၟိုန်တုဲ ဒှ်ပြသၞာရမ္ဂး မ္ဒးပသောင်ကၠေံ ဍေံပြဟ်ဟ်ရောင်။

ပေဲါရုဲမာဲဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ဟွံသေၚ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

တိကၠအ်ဂအာၚ်သ္ၚိ ၚုဟ်က္ဍၚ်တိုန်ဗက်ၚုဟ်ထဝ်

by ဌာန်ပရိုၚ်ဗၠးၜးမန် | Jun 30, 2025 | ပရိုၚ်

ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.