“နူကဵုရုၚ်အုပ်ဓုပ်နာနာ ပ္ဍဲပွိုၚ်ဍုၚ်ကအ်ခၟိုၚ်ဂှ် ဆဵုစုတ် မခတိုတ်မွဲမ”ဂှ် ပရိုၚ်ပ္တောံရောၚ်

by | Mar 6, 2021 | ပရိုင်ပတောံ: Fact-Checking, ပရိုၚ် | 0 comments

သၞာံ ၂၀၂၁ ဂိတု မတ် ပ္ဍဲကဵုစၟတ်တ္ၚဲ ၅ တေံဂှ်တှ်ေ
နကဵုအကံက် “ချောၚ်းဆုံမြို႔နယ် ရဲတပ်ဖွဲ႔” အကံက်ပ္တောံမွဲပတိုန်လဝ်ဂှ် ဒဒှ်ရ “နူကဵုရုၚ်အုပ်ဓုပ်နာနာ ပ္ဍဲပွိုၚ်ဍုၚ်ကအ်ခၟိုၚ်ဂှ် ဆဵုစုတ် မခတိုတ်မွဲမရောၚ်။ အခိၚ်သဝ်တ္ၚဲ ၜိုတ် ရ နာဍဳဂှ် ပ္ဍဲကဵုရုၚ်အုပ်ဓုပ်နာနာဂှ် နူကဵုသၞဲဒဴဒးတာလျိုၚ်မွဲတၠ အခိၚ်အာဒၟံၚ်သ္ၚိဍာ် ဗ္ဒဲါၝောံခန်ရုၚ်ဂှ် ဆဵုစုတ်မခတိုပ်မွဲမတုဲ ဆက်ဏာဖုၚ်ထွဲါဂှ်ရ။ ဟိုတ်ဂှ်ရ ဗၠာဲသၟိၚ်တအ် ပကောံသ္ဂံၚ်တအ်တုဲ ဗက်ဂၠဲါရပ်ဒၟံၚ်ရောၚ်။” ဓမံက်ထ္ၜးလဝ် သာ်ဏအ်ရ။

နကဵုအကံက် “ချောၚ်းဆုံမြို႔နယ် ရဲတပ်ဖွဲ႔” ချူပတိုန်လဝ် လ္တူမုက်လိက် Facebook သာ်ဏအ်တုဲ ပြးတိတ်ဒၟံၚ်ဂှ် လ္တူ Social Media ဂှ် ကောန် ညးဍုၚ်ကွာန် ကအ်ခၟိုၚ်တအ် ဖေက်လကိုတ်ဒၟံၚ်ဂှ်လေဝ် ဂွံဆဵုကေတ်ဒၟံၚ်ကီုရောၚ်။ အကြာကောန်ဍုၚ်ကောန်ကွာန်တအ် ဖေက်ဒၟံၚ် အမိၚ်ကာဖျူ ၝောံပိုတ် ၁၄၄ ကီု၊ ဗၠာဲသၟိၚ်တအ် ချဳဒရာၚ်ဒၟံၚ်ဂှ် ကောန်ကွာန်တအ် ဂွိၚ်ဒၟံၚ်အိုတ်ရ။

ဗီုရုပ်သုၚ်စောဲလဝ်ဂှ် ဒှ်ဒၟံၚ်ဗီုရုပ် နူကဵု သၞာံ ၂၀၂၀ ဂိတု ဒဳဇြေန်ဗာ ၃၁ အခိၚ် ၉ နာဍဳ တေံရ။ ပရိုၚ်ဍာံဂှ်ဏောၚ်ဟီုတှ်ေ ညံၚ်ဒေသပွိုၚ်ဍုၚ်ကအ်ခၟိုၚ်ဂှ် ဂွံၜိုဟ်သြိုဟ်မာန်ဂှ် သ္ကိုပ်ရုၚ်ပွိုၚ်ဍုၚ်ၜါသွာၚ် ဒုသ္ကိုပ်ဗၠာဲသၟိၚ် တေန်ထောန်၊ ဒုဂအုပ်ဗၠာဲသၟိၚ်ဘိုဘိုထွဋ် တအ် နကဵုသ္ဂံၚ်ဂမၠိုၚ်ဂှ် အဃောရေၚ်တၠုၚ်ဒၟံၚ် သွက်ဂွံဂေတ်ကြေဝ်ကၚ် ပ္ဍဲတိဍာ်ဂှ်ရ။

မုဟိုတ် ဂွံဒှ် ပရိုၚ်ဟွံဍာံ ပရိုၚ်ဗၠေတ်တ်ရောဟီုဂှ် နူကဵုမုက်လဝ် ဗၠာဲသၟိၚ်ဍုၚ်ကအ်ခၟိုၚ်(https://www.facebook.com/permalink.php?story_fbid=781432246106416&id=100027189424906) ဒဒှ်ရ ပရိုၚ်ပတိုန်လဝ် လ္တူ facebook နကဵု အကံက် “ချောၚ်းဆုံမြို႔နယ် ရဲတပ်ဖွဲ႔” ဂှ် ပရိုၚ်ဝွံ ပရိုၚ်ဟွံဍာံရောၚ် သ္ပလဝ်ဒတိုန် နွံဒၟံၚ်ကီုရ။

တုဲပၠန် နူကဵုအကံက် Bo Win (https://www.facebook.com/kobobowin.myanmar.5) လဝ် ဒဒှ်ရပရိုၚ်ပ္တောံဏောၚ်ဂှ်လေဝ် သ္ပဒတိုန်လဝ်ကီုရောၚ် ဂွံတီကေတ်လဝ်ရ။

အကြာပရေၚ်ဍုၚ်ကွာန် ဟွံညိၚ်ဝတ်ဒၟံၚ်တအ်ဂှ် ပရိုၚ်ဟီုဗျံက်ကီု၊ ပရိုၚ်ဘပဠကီု၊ ပရိုၚ်ရန်မဵုကီု၊ ပရိုၚ်ဟွံဍာံ၊ ပရိုၚ်ဗၠေတ်ဗၠေတ်တအ်ဂှ် ယဝ်ဆဵုညာတ်ဒး လ္တူ facebook တအ်မ္ဂးတှ်ေ လ္ပပတှ်ေပြဟ်ဏီတုဲ ပရိုၚ်ဏံဂှ် ဒးဟာ ဗၠေတ်ဟာဂှ် ယဝ်ဒှ်ဒၟံၚ်သၠေဟ်ပၟာဏောၚ်တှ်ေ ဗဵုကျောဝ်ရံၚ် ပ္ဍဲဌာန်ပရိုၚ်တၞဟ်ဟ်ကီုလေဝ် ဗတိုက်ဖအောဝ်ဏာရ။

Written by

Related Posts

ဂကောံညဳသၟဟ်ရာမညတအ် သွက်ဂွံပံၚ်အာတောဲကု ဂကောံမန်မၞုံဍုၚ်သေံတအ်နွံ

ဂကောံညဳသၟဟ်ရာမညတအ် သွက်ဂွံပံၚ်အာတောဲကု ဂကောံမန်မၞုံဍုၚ်သေံတအ်နွံ

ဂကောံညဳသၟဟ်ရာမည ဖျေံသ္ဇိုၚ်ဍုၚ်ဖူကေတ် ကၟိန်ဍုၚ်သေံဝွံ ရန်ကဵုကောန်ဂကူမန်မၞုံဍုၚ်သေံတအ် ဂွံညဳသၟဟ်၊ ဂွံဒှ်မွဲဂကောံမွဲဇြဟတ်ရောၚ်ဂးတုဲ သွက်ဂွံရေၚ်တၠုၚ်ချဳဒရာၚ်ပံၚ်အာတောဲကု ဂကောံမှာဇန်မန် မၞုံဍုၚ်သေံဂမၠိုၚ်နွံရောၚ်ဂှ် ညးတာလျိုၚ်ဂကောံညဳသၟဟ်ရာမညတအ် သ္ဂးလဝ်ရ။

ဒူရေန်ဆက်မတ် တိတ်ပြဟ်ကဵု တိတ်လဇုဲ ၚုဟ်ခြာကဝက်

ဒူရေန်ဆက်မတ် တိတ်ပြဟ်ကဵု တိတ်လဇုဲ ၚုဟ်ခြာကဝက်

ဒူရေန် (ဆက်မတ်) စတိတ်တၟိတၟိကဵု ဒူရေန်တိတ်လဇုဲဂှ် ၚုဟ်ခြာဒၟံၚ်ကဝက်တုဲ ကၠအ်ဒူရေန်တိတ်ပြဟ်တအ်ဂှ် ဒှ်ပရေၚ်ပိုန်ဒြပ်ခိုဟ်ခိုဟ်မွဲရောၚ် တၠကၠအ်ဒူရေန်မွဲတၠဂှ် ဟီုရ။

မတၞံထ္ၜိုတ်ဆက်မတ် သၞာံဏံ ၚုဟ်က္ဍၚ်တိုန်ကဝက်

မတၞံထ္ၜိုတ်ဆက်မတ် သၞာံဏံ ၚုဟ်က္ဍၚ်တိုန်ကဝက်

ဟိုတ်နူဗၞိက်ဗွဝ်ဖျာနာနာ က္ဍၚ်တိုန်အာဂှ် ၚုဟ်ထ္ၜိုတ်လေဝ် သၠုၚ်တိုန်ကီုတုဲ မတၞံထ္ၜိုတ်ဆက်မတ် သၞာံဏံလေဝ် ၚုဟ်က္ဍၚ်တိုန်အာကဝက်ဒှ်ရောၚ် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.