နကဵုသၟာပရေၚ်ဍုၚ်ကွာန်မန်တံ ဒဒှ်ရ ဒးဒုၚ်ထပက်ဏာစၟတ်တဲ တၚ်ဒုၚ်ဝန် ဟွံကၠောန်ပရေၚ်ဍုၚ်ကွာန်ရရောၚ်ဟီုဂှ် ပရိုၚ်လ္ၚဵုချူလဝ်ဂှ် ပရိုၚ်ဝွံ ဗၠေတ်မံၚ်ဂှ်ရ ပရိုၚ်ဍာံဍာံဂှ် ချူပတိုန်အိုတ်ညိ နာဲသာန်တေန် ဖက်ဆောညးအုပ်ကာ ဗော်ညဳသၟဟ်မန် ဟီုရ။
ညးစၞးဇၞးလဝ်ပေဲါရုဲမာဲ ၂၀၂၀ တံ ညံၚ်ဟွံဂွံဆက်ကၠောန်ပရေၚ် ဍုၚ်ကွာန်ရ ဂှ် ဒုၚ်ဝန်ထပက်လဝ်စၟတ်တဲနွံရောၚ် ဌာန်ပရိုၚ်လ္ၚဵု ချူပတိုန်လဝ် လတူမုက်လိက် Social media လ္ၚဵုဂှ် ဒဒှ်ရ ပရိုၚ်ဝွံ ဟွံဍာံရောၚ် နာဲသာန်တေန် ဟီုတး ပဲါလဝ် ဗီုဏံရ။
ဟှံက္ကောနျပရၚ်ေဍုၚ်ကွာန်ဟီုဂှ်တှ်ေ ပရိုၚ်ရဲဟီုမံၚ်တအ်ဂှ် ဗၠောတ်ဒၟံၚ်ယျ။ ပရိုၚ်မွဲမွဲ ဂွံလဝ်ဟွံဍာံစၟတ်မ္ဂး လ္ပပတိုန်ညိ။ နူကဴုစ္ၜးဂကူမန်ပိုဲကီု၊ သီုကဵုအလုံမွဲဍုၚ်ဗမာပိုဲတအ်ကီု ပရိုၚ်ဟှံဒးတအ်ဂှ် ဟှံမိက်ဆက်မိၚ်ရပုဟ်။ ပရိုၚ်ဓရ်ဍာံတအ်ဟေင်ရ မိက်ဂှံမိၚ်၊ မိက်ဂွံကဴုဟီုရ။ သာျဝှံ နူကဴုဗော်(MUP) ညးစၞးဇၞးလဝ်မာဲ ကၠတ်ထဝ်ညးဍုၚ်ကွာန် ပွိုၚ်ဍုၚ်မုဟ်ဍုၚ် နာဲသာန်တေန်သောၚ်ကလးလဝျသာျဝှံရ။
ဟိုတ်နူပရိုၚ် သၟာပရေၚ်ဍုၚ်ကွာန် ညးစၞးဇၞးလဝ်ပေဲါရုဲမာဲ နူဗော်ညဳသၟဟ်မန်ကီု၊ ညးစၞးနူဗော်အေန်အေဝ်လ်ဒဳ လ္ၚဵု တံကီု ဒဒှ်ရ ဟွံကၠောန်ပရေၚ်ဍုၚ်ကွာန်ရရောၚ်ဂှ် ဒးဒုၚ်ထပက်လဝ်စၟတ်တဲ ကု အလဵုအသဳမၚ်မွဲဍုၚ် (ကံၚ်သဳ ပၞာန်) ရောၚ် ဟီုဂှ် မၞိဟ်ဗွဲမဂၠိုၚ် ဒှ်ဓဝ်သၠေဟ်ပၟာ လတူပရိုၚ်ချူဗမံက်လဝ်တုဲ ဒှ်ဝိဝါဒ လတူပရိုၚ်ဂှ် ဇၞော်ကဵု ဇြဟတ်ကတဵုဒှ်ရ။
ပရောဒဒှ်ဍာံဍာံဂှ် နကဵုညးစၞးဇၞးလဝ်ပေဲါရုဲမာဲ ၂၀၂၀ တံဂှ် ညံၚ်ဟွံဂွံဆက်စပ် ကဵု အလဵုအသဳညဳသၟဟ်ဂကူ အေန်ယူ ဂျဳ ကီု၊ သဳအာပဳအုက်ချ် ကီုဂှ် ညးစၞးဇၞးလဝ်မာဲ ဖအိုတ် (၁၄) တၠ၊ နူကဵု ဗော်ညဳသၟဟ်မန် (၁၁) တၠ ကဵု နူကဵု ဗော် အေန်အေဝ်လ်ဒဳ (၃) တၠ ဒဒှ်ရ ဟွံဆက်စပ်ကဵု အေန်ယူဂျဳ၊ သဳအာပဳအုက်ချ် တံရောၚ် ဒးဒုၚ်ထပက်စၟတ်တဲ နွံတုဲ လတူဒုၚ်ဝန်ထပက်စၟတ်တဲ ဒဒှ်ရ ဟွံဆက်ကၠောန်ပရေၚ်ဍုၚ်ကွာန်ဟီုဂှ် ဟွံဍာံရောၚ် ညးဒးဒုၚ်ထပက်လဝ်တံ တးပဲါ ရ။
စပ်တံနူကဴုကံၚ်သဳပၞာန်တအ် ထိၚ်ဒဝ်လဝ်အဝဵုဍုၚ်တုဲ အေန်ယူ ဂျဳ ကီု၊ သဳအာပဳအုက်ချ် ကီုဂှ် ပိုဲတအျဂှံဆကျစ္ကောံ၊ ဆကျဆောံလဝျဂၞျ ဟှံမှဲပုဟျ။ နူဂၞျတုဲ ဒးထပကျစၟတျတဲ ဒုၚ်ဝနျညးသ်ကအျရ။ ကိစ်စထပကျလဝျစၟတျတဲ ဒးဒုၚ်ဝနျဂၞျ ဟှံက္ကောနျပရၚ်ေဍုၚ်ကှာနျဂၞျ ဟှံပါပုဟျ။ သာျဝှံ ညးစၞး ဇၞးလဝ်မာဲ ကၠတ်ထဝ်တွဵုရး စၟတ် ၂၊ ပွိုၚ်ဍုၚ်မုဟ်ဍုၚ် နာဲမန်ရာဇာ ဂးလဝ်ရ။
ညးစၞးဇၞးလဝ်ပေဲါရုဲမာဲ ၂၀၂၀ တံ ဒးဒုၚ်ထပက်ဏာစၟတ်တဲ ၜိုတ်ဆ ဟွံဆက်စပ် ကု အေန်ယူဂျဳ သဳအာပဳအုက်ချ် ရ ဟေၚ်တုဲ ဒဒှ်ရ ဟွံဆက်ကၠောန်ပရေၚ်ဍုၚ်ကွာန်ရရောၚ် ဒုၚ်ဝန်ထပက်ဏာလဝ် စၟတ်တဲဟွံသေၚ်ဂှ် အံက်တဝ်ဗာ ၁၈ ဂှ် နူကဵုဌာန်ပရိုၚ်မန် ချူဓမံက်လဝ်ကၠးကၠးနွံရ။
ဟိုတ်ဒှ်ဂှ်တုဲ ပူရိသာဒ်ကဵုမံၚ်ဇြဟတ် ကုဌာန်ပရိုၚ်မန်ပိုဲတံ ညးဂမၠိုၚ် ပရိုၚ်မံက်တိုန်ကၠုၚ် လတူမုက်လိက် Social media ဂှ်ကီု၊ ပ္ဍဲ website ဂှ်ကီု စိုတ်ဒှ်သၠေဟ်ပၟာ ဒှ်ဝိဝါဒမ္ဂး အာလ္ၚတ်ဂၠိုက်ဒၞာဲပရိုၚ် တမ်မူလမဆက်စပ် ကဵု ဗော်- ဂကောံတံဂှ်ညိ၊ လ္ၚတ်ဂၠိုက်ဂၠာဲတုဲ ဟွံကၠးဖ္ဍးဏီဖိုဟ်ရောၚ် စိုတ်ဒှ်သံသယမ္ဂး လ္ၚတ်ဆက်စၠောံ ကုပူဂဵုမဆေၚ်စပ်တံ ညိဂှ် မိက်ဂွံဗတိုက်ဖၟောဝ်ဏာရ။
