တိဝါဗ္ၚဆက်စၠောံ အကြာဍုၚ်ကွာန်တအ်ဂှ် နူကဵုဌာနတိတအ် ၜိုန်ရကၟာတ်တာဒၞာလဝ် ညံၚ်ဟွံဂွံပလီု ပတိတ်လဝ်ပၟိၚ်တေၚ်တေၚ်နွံကီုလေဝ် ဇၟာပ်ပွိုၚ်ဍုၚ်ဂှ် ပလီုတိဝါတုဲ တက်သွံထောံဂအာၚ်သ္ၚိ ကြပ်အိုတ်မံၚ်ယျရောၚ် သၞာဲဒဴဌာနၜတ်တိ စလဝ်ပေန်ဇြေန် (တာလျိုၚ်ပြေ) မွဲတၠ ဟီုထ္ၜးရ။

မၞိဟ်ယဲဂှ် ဒှ်ကပေါတ်စမ်ၜတ် ဒံက်တာသဝ်ဝန်တအ်ရရောၚ် ဒံက်တာ မကေတ်မံၚ်တာလျိုၚ် ရုၚ်ဂဥုဲပုဂ္ဂလိက လတူဍုၚ်မတ်မလီု ဂွံလဝ်တဆိပ် ဒံက်တာ (Bachelor of Medicine, Bachelor of Surgery) M.B.B.S မွဲတၠဂှ် ဟီုရ။

အပ္ဍဲပွိုင်ဍုင်ဖါအင် တွဵုရးကရေင်ဂှ် ဟွံကဵုအခေါင်ကၠောန် ပေါဲရုဲမာဲတုဲ ဒစဵုဒစးအာဏောင် ကမ္မတဳကေင်ကာပွိုင်ဍုင်ဖါအင် ခရိုင်ဒူတထူ ဗော်သွးကောန်ဂကူကရေင် (ကေအေန်ယူ) ပ္တိတ်လဝ်လိက်လလောင် ပ္ဍဲဂိတုနဝ်ဝေမ်ဗါ စၟတ်တ္ရဲ ၁၇ ဂှ်ရ။