ကောန်ၚာ်အယုက်၃သၞာံမွဲတၠ ဒးဒုၚ်ရပ်စုတ်ထောံထံၚ်ဂှ် ဒးမံၚ်ပရိုၚ်ပတောံ

by | Apr 5, 2022 | ပရိုင်ပတောံ: Fact-Checking, ပရိုၚ် | 0 comments

ပ္ဍဲကဵုဂိတုမာတ်၊ စၟတ်တ်ရဲ၂၄ဂှ် ကောန်ၚာ်ဍောတ်တ်အယုက်(၃)သၞာံမွဲတၠ ဒးဒုၚ်ရပ်စုတ်ထောံထံၚ်ဂးတုဲ ပရိုၚ်ပတောံမွဲပိုဒ် မံက်ပြးတိတ်ကၠုၚ်မံၚ်အကြာညးသုၚ်စောဲ social mediaတအ်ရ။ ပရိုၚ်ပတိုန်လဝ်ဂှ်တှေ်ကောန်ၚာ်ဂှ် ရပ်လဝ်ဗီုရုပ်(ဗီနိုၚ်း)အံၚ်သာန်သုကျဳ တုဲ ကွာ်အာမံၚ်အကြာမၞိဟ်ထ္ၜးဆန္ဒတအ်ရ။ ကောန်ၚာ်ဂှ် ဂွံအဝဲ(၃)သၞာံတုဲ မၞုံယၟု (မမြတ်ဇော်) ဂှ် ဒဒှ်ရ ဒးဒုၚ်ရပ်စုတ်ထောံထံၚ်ဂးတုဲ ပရိုၚ်ဂှ် ပြးတိတ်ကၠုၚ်ရ။

ဗီုပြၚ်မချူပတိုန်လဝ်ဂှ်တှေ် “ကောန်ၚာ်ဒးဒုၚ်စုတ်ထံၚ် အယုက်ဍောတ်အိုတ်ပ္ဍဲဂၠးကဝ်၊ (မမြတ်ဇော်) ဝွံ ဒးဒုၚ်စုတ်ထံၚ်ပွိုၚ်(၃)သၞာံယျ”ဂးတုဲ နူကဵုအကံက် Thet Htar Mgmg Nyeinဂှ်မွဲကဆံၚ် ပတိုန်လဝ်ပရိုၚ်ဂှ် ဂွံဆဵုကေတ်ရ။ ပရိုၚ်ဂှ်တိုန်အာတုဲ မၞိဟ်ကလေၚ်ပါ်ပရအ်လဝ်ပရိုၚ်ဂှ် လၟိုဟ်မၞိဟ်ၜိုတ်(၂၄)တၠနွံရ။

တၚ်စၟဳစၟတ်>>>

ပရိုၚ်ဏံဂှ် နူဌာနပရိုၚ်ဒး၊ ဟွံဒး၊ ဒးချပ်ပိုဲတအ် ကလေၚ်စၟဳစၟတ်ရံၚ်တုဲ ဒှ်မံၚ်ပရိုၚ်ပတောံမွဲဂှ် ပိုယ်စၟတ်သ္တီလဝ်ရ။ မုဟိုတ်ဂွံစၟတ်သတ္တီလဝ် ပရိုၚ်ပတောံမွဲဂှ်တှေ်အဃောထ္ၜးမံၚ်ဆန္ဒကဵုတၠအဝဵုတအ်ဂှ် အပါကောန်ၚာ်(စည်ပၚ်ဝန်ထမ်း)ဂှ် ပါလုပ်လဝ်တုဲ အဃောဂှ်ရပ်အပါကောန်ၚာ်ဂှ်ဟွံဂွံရ။ ဟိုတ်နူရပ်ညးဟွံဂွံဂှ်ရ တၠအဝဵုတအ်ရပ်ဏာသီုဗြဴညး၊ သီုကဵုမိညးရ။ အဃော ဗြဴညးဒးဒုၚ်ရပ်လဝ်ဂှ် ကောန်ၚာ် အယုက်(၃)သၞာံမွဲတၠလေဝ်ပါအာအဖဝ်မိညးတေံကီုရ။ ပ္ဍဲဂိတုမာတ် စၟတ်တ်ရဲ၂၄ဂှ် ဖျေံထောံဂဗုက်တုဲ ဒးအာထံၚ်ပွိၚ်(၃)သၞာံ ပ္ဍဲဍုၚ်လ္ဂုၚ်၊ ထံၚ်အၚ်စိၚ် တေံအိုတ်ရ။ ဗီုဒးဒှ်ရ ကောန်ၚာ်အယုက်(၃)သၞာံ၊ (မဆုမြတ်ဇော်)ဂှ် ဒးဒုၚ်ရပ်စုတ်ထောံထံၚ်ပွိုၚ်(၃)သၞာံဂှ် နူကဵုMyanmar Nowတအ်လေဝ် ပတိုန်ထ္ၜးလဝ်နွံရ။

 တုဲပၠန်ကလေၚ်စၟဳစၟတ်ရံၚ် နကဵုနဲကဲဂၠာဲဗီုပ္ဍဲgoogleဂှ်တုဲ ဗီုပြးတိတ်ကၠုၚ်မံၚ်လၟုဟ်ဏံဂှ် ပ္ဍဲဂိတု(ဇူလိုၚ်)၊ သၞာံ၂၀၂၁တေံဂှ် နကဵုက္ဍိုပ်လိက် “ကောန်ၚာ်အယုက်မသုန် (၅)သၞာံ နူကဵုဍုၚ်(မိုးကုတ်)မွဲတၠ ဗၠးတိတ်ကၠုၚ်နူထံၚ်တုဲ စိုပ်အာပ္ဍဲအပါညးတေံယျ” ဂးတုဲ နူကဵုဌာနပရိုၚ် Myanmar Nowဂှ်မွဲကဆံၚ် ကေၚ်ပတိုန်ထ္ၜးလဝ်နွံရ။

ဗီုရုပ်ပြးတိတ်ကၠုၚ်မံၚ်လၟုဟ်ဏံဂှ် ဒှ်မံၚ်ဗီုကောန်ၚာ်အယုက်မသုန်(၅)သၞာံ၊ (မစုထက်ပိုၚ်း) နူကဵုဍုၚ်(မိုးကုတ်)တေံဟေၚ်ရ။ ဗီုကောန်ၚာ်အယုက်(၃)သၞာံ (မစုမြတ်ကျော်)ဒးဒုၚ်စုတ်ထောံထံၚ် လ္တူဍုၚ်လ္ဂုန် ထံၚ်အၚ်စိၚ် (အၚ်းစိန်ထောၚ်)ဂှ်ဟွံသေၚ်ရ။ ဟိုတ်ဒှ်သာ်ဂှ်ရ ပရိုၚ်ဏံဂှ်ဒှ်မံၚ်ပရိုၚ်ဗၠေတ်တ်၊ ပရိုၚ်ပတောံမွဲဂှ် ပိုဲစၟတ်သ္တီလဝ်ရ။

ရံၚ်ကဵုတမ်ရိုဟ်ပရိုၚ် အတိုၚ်ဗွဲလ္တူဏံတုဲ ဆဵုပရိုၚ်မွဲမွဲမ္ဂး ဗီုရုပ်ဂှ် ဒှ်မံၚ်ဗီုရုပ်လၟုဟ်ရဟာ၊ ဗီုရုပ်တုဲတုဲတေံဟာဂှ် စၟဳစၟတ်ရံၚ်ချိုတ်တ်ဗၠိုတ်တတ်ကၠာညိ။ တုဲပၠန်ယဝ်ခါရ ဟွံစှေ်စိုတ်လ္တူပရိုၚ်ဂှ်ကဵုဒှ်၊ ဒှ်မံၚ်သံသယလ္တူပရိုၚ်ဂှ်ကဵုဒှ် ဟွံတီချိုတ်စဳကၠးမ္ဂးတှေ် လ္ပပါ်ပရအ်ကၠာဏီတုဲ ဗက်ဂၠာဲကျောဝ်ရံၚ် နူဌာနပရိုၚ်လုပ်ကဵုသၞောဝ်တအ်ကၠာတုဲမှ ပတေဟ်စှေ်စိုတ်ပါ်ပရအ်ညိဂှ် မိက်ဂွံဗတိုက်ဖ္အောဝ်ဏာကဵုကီုရ။

Written by

Related Posts

ပ္ဍဲမဟာၛာဲ ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာမွဲတၠ ဒးချိုတ်

ပ္ဍဲမဟာၛာဲ ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာမွဲတၠ ဒးချိုတ်

ပ္ဍဲခရိုင်သမုတ်သဃန် ကၟိန်ဍုင်သေံ၊ ဍုင်မဟာၛာဲဂှ် ဟိုတ်နူကွဳစက်ပၟတ်လိုန်ဒးတုဲ သၟာကမၠောန်ကောန်ဍုင်မန်ဗၟာ မၞိဟ်ဗြဴမွဲတၠ ဒးချိုတ်အာလဝ်ရောင် ပရိုင်သေံဂမၠိုင် ချူဓမံက်လဝ်ရ။

ဒေသဍုၚ်မန်သ္ကုတ်လ္တူ ဒပ်ကံၚ်သဳပၞာန်ထ္ပက်ပၞာန်တုဲ ရဲကၠောန်ကၠအ် နူဒေသသ္ကုတ်သၠုၚ်ကျာတအ် ဒးက္လေၚ်စဴ

ဒေသဍုၚ်မန်သ္ကုတ်လ္တူ ဒပ်ကံၚ်သဳပၞာန်ထ္ပက်ပၞာန်တုဲ ရဲကၠောန်ကၠအ် နူဒေသသ္ကုတ်သၠုၚ်ကျာတအ် ဒးက္လေၚ်စဴ

ဒေသဍုၚ်မန်သကုတ်လ္တူ ပွိုၚ်ဍုၚ်သဓီုကဵု ပွိုၚ်ဍုၚ်ၜဳကလေၚ်ဂှ် ဒၟာနူဒပ်ကံၚ်သဳပၞာန်တအ် ထ္ပက်လုပ်ကၠုၚ်နကဵုဇြဟတ်ဂၠိုၚ်ဂၠိုၚ်တုဲ ရဲနူကဵုမတ်မလီု၊ မုဟ်ဍုၚ်၊ ဇြပ်ဗု အာကၠောန်မံၚ်ကၠအ်ဒေသဂှ်ဝွံ ဒးကလေၚ်စဴကၠုၚ်အိုတ်ရောၚ် ညးမကၠောန်မံၚ်ကၠအ်မွဲတၠ ဟီုထ္ၜးရ။

ညးမပြာပ်အာစိုပ်ဌာနစှ်ေဘာဥတုကညၚ် အလုံဒေသရးမန်တအ် သ္ဂောံဂီုကၠီုမာန်ဂှ် ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်နွံ

ညးမပြာပ်အာစိုပ်ဌာနစှ်ေဘာဥတုကညၚ် အလုံဒေသရးမန်တအ် သ္ဂောံဂီုကၠီုမာန်ဂှ် ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်နွံ

တၠဳပိုန်သၚ်တၠပညာဂမၠိုၚ်၊ ကွးဘာဂမၠိၚ် ကေုာံ မိမညးဍုၚ်ကွာန်မန်တအ် သ္ဂောံအာစိုပ်သဘၚ်စှ်ေဘာဥတုကညၚ် အလုံဒေသရးမန် ပ္ဍဲဘာသာံလှေဝ်တေံမာန်ဂှ် နကဵုညးတာလျိုၚ်ဂကောံဗ္တောန်လိက်ပတ်မန်ကေုာံယေန်သၞာၚ်ဗုဒ္ဓဘာသာအလုံဒေသရးမန်တအ် ဖန်ဇန်ဒၟံၚ်ရောၚ် ဂွံတီကေတ်ရ။

0 Comments

Submit a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.