ကွးဘာတန်သၠုၚ် (Grade-12) တံ သွဟ်လိက်တုဲမ္ဂး အစဳဇန် သွက်ဂွံရပ်ကွဳလိုန်ဓာတ် ဟွံမွဲကဵုလာၚ်ဇြေန် without နွံရောၚ် နူကဵုဒပ်ဗၠာဲသၟိၚ်ကောပ်ကာဲစက်ယာန် (ယာဉ်ထိန်းရဲ) လ္ၚဵု လဴကဵုလဝ်ပရိုၚ် ကုတၠဆေၚ်သွံရာန်ကွဳလိုန်ဓာတ်မွဲကဆံၚ်နွံဂှ် ဂွံတီကေတ်ရ။
“ကွးဘာသွဟ်လိက်တုဲဏံတှ်ေ သွက်ဍေံ (ဒပ်ဗၠာဲသၟိၚ်ကောပ်ကာဲစက်ယာဉ်) တံ ဂွံရပ်ကွဳလိုန်ဓာတ် without နွံမံၚ်ဂှ် ဍေံတံ လဴဟီုလဝ်ကဵုနွံမံၚ်၊ ရံၚ်ကေတ်တှ်ေ ဍေံဘိုအ်ဂွံရပ်ဍာံဍာံနွံမံၚ်ဏောၚ်၊ အကြာပိုဲရဲသွံကွဳလိုန်ဓာတ်တံ ဂၠာဲမံၚ်ဂၠံၚ်ဖိုဟ် ကွဳလိုန်ဓာတ်သွံတေဝ်လဝ် ပ္ဍဲဆေၚ်ပိုဲတဏံ ဗီုလဵုဂွံသ္ပရောဂှ် ချပ်စမံၚ်ဖိုဟ်” သာ်ဝွံ တၠဆေၚ်သွံရာန်ကွဳလိုန်ဓာတ် လတူဍုၚ်မတ်မလီုမွဲတၠ ဟီုထ္ၜးရ။
ပေါဲသၟာန်သွဟ်လိက်တန်သၠုၚ် (Grade-12) ဂှ် စတမ်နူမာတ် (၁၇) စသွဟ်မံၚ်တုဲ မာတ် (၂၂) ဏံမ္ဂး အလုံဍုၚ်မွဲ သွဟ်တုဲဒှ်အိုတ်တုဲ အစဳဇန် သွက်ဂွံစရပ်အာ ကွဳလိုန်ဓာတ်ဟွံမွဲကဵုလာၚ်ဇြေန် without ဂှ်နွံရောၚ်သ္ဂးရ။
ပ္ဍဲကဵုတွဵုရးဍုၚ်မန်ဂှ် ပံက်ကၠောန်ကဵု အခေါၚ်ကၠောန်လာၚ်ဇြေန်ကွဳလိုန်ဓာတ် မွဲဏှေအ်မွဲဏှေအ် ပရိုၚ်မံက်တိတ်မံၚ်ကီုလေဝ် နူစကံၚ်သဳပၞာန်သီအဝဵု ဒဵုလၟုဟ်ဂှ် မွဲဝါလေဝ် ဟွံပံက်ကၠောန်ကဵုလာၚ်ဇြေန်ကွဳလိုန်ဓာတ်ဏီရ။
“ပ္ဍဲတွဵုရးတၞဟ်တၞဟ်တှ်ေ ပံက်ကဵုကၠောန်မံၚ်လာၚ်ဇြေန်နွံမံၚ်ဖအိုတ်ရ၊ ပ္ဍဲတွဵုရးဍုၚ်မန်ပိုဲဏံမွဲရ ဍေံတံ (ကံၚ်သဳပၞာန်) ကဵုလဝ်ကာန်ထရိုက်ကဵု သေဌဳဂလာ ခရဵုနဳ (မၞိဟ်ကံၚ်သဳပၞာန်) မွဲတၠနွံတုဲ သေဌဳဂလာဂှ်မွဲတၠရ ဂွံလဝ်အခေါၚ် ကၠောန် လာၚ်ဇြေန်ကွဳလိုန်ဓာတ်နွံ၊ နူကဵုဆေၚ်တၞဟ်တၞဟ် မိက်ဂွံကၠောန်လာၚ်ဇြေန်တှ်ေ ဒးအာကဵု သေဌဳဂလာဂှ်၊ ဇှ်မှဂှ် ဩန်ဒးကဵုစဵုဒုၚ်လဝ် ပွိုၚ်မွဲဂိတုမှဂွံ” ညးတၠဆေၚ်သွံရာန်ကွဳလိုန်ဓာတ်ဂှ် ဆက်ဟီုထ္ၜးလဝ်ရ။
ပ္ဍဲတွဵုရးဍုၚ်မန်ဂှ် နူလက်ထက်အလဵုအသဳအေန်အေဝ်လ်ဒဳတုဲကၠုၚ်တေံ ပံက်ကဵုကၠုၚ်လဝ် ကၠောန်လာၚ်ဇြေန်ကွဳလိုန်ဓာတ်နွံကီုလေဝ် ပ္ဍဲလက်ထက်ကံၚ်သဳပၞာန်သီကေတ်လဝ်အဝဵု (၂၀၂၁) တုဲဂှ် ဒဵုလၟုဟ် မွဲအလန်လေဝ် ဟွံပံက်ကဵုအခေါၚ် ကၠောန် လာၚ်ဇြေန်ကွဳလိုန်ဓာတ်ဏီဖိုဟ်ရ။
