ရန်ကဵု သ္ဂောံထ္ၜုတ်ပ္တန် တ္ရဲစၟတ်သမ္တီမန် မဆေင်စပ်ပရေင်တိဍာ် ကေုာံ အဂႅလကျှဏ်ဂကူမန် ဂးတုဲ နူကဵုဂကောံ ပြဝါတိဍာ်မန်တအ် ဗက်ကံက်ကေတ်မံင်လညာတ် အကြာညးဍုင်ကွာန်မန်တအ်နွံရ။

သွက်ဂွံဗမံက်ထ္ၜးစဳပျး အခိုက်ကၞာမန်တအ် စကာသုင်စောဲကၠုင် တိဍာ်တုဲ လွဳၜံင်ကၠုင်လမျီု မွဲဒမြိပ်ဝင်အဆက်ဆက်ဂှ်ကီု၊ သွက်ဂွံသၠုင်ပ္တိုန်အသိင် ပရေင်တဵုလွဳ ရန်သွက်အနာဂတ်စၞစဇွောံမ ရုမ်ဂပ်ဖဲသ္အဳဂှ်ကီု၊ သွက်ဂွံဇၞော်ပၟဝ်အာ ပရေင်တဴတက် ဒတူဒလိုင် ပရေင်ဍုင်ကွာန်၊ ပရေင်ပိုန်ဒြပ် ကောန်ဂကူမန် မဆေင်စပ် ကဏ္ဍတိဍာ်၊ သယံဇာတ ကေုာံ အင်္ဂလက်သန်ဂကူမန်တအ်ကီု စပ္တံသာ်ဏအ် ရန်တၟအ်တုဲ မ္ဒးကၠောန်သ္ပအာ ပရေင်ချဳဒရာင် ကေတ်လညာတ်ဝွံရောင် ဂးရ။

ပရေင်ကံက်လညာတ်ဝွံဂှ် ချဳဒရာင်အာ လ္တူမုက်လိက်လပှ်ကျာ (အန်လာင်) တုဲ တင်နင်လညာတ် မကလိဂွံတအ်ဂှ် ဗီုဒးရးကဵုအခိင်အခါကာလ ပ္တိုန်ထ္ၜးအာ အပ္ဍဲသဘင်ကၞာသဳကၠဳကောန်ဂကူ ကေုာံ ချဳဒရာင်ဖတိုက်ဖအောဝ်အာရောင် နူဂကောံပြဝါတိဍာ်မန် ချူဓမံက်လဝ်ရ။

ဍဵု Link (https://docs.google.com/…/1FAIpQLSdA3r8tIy5…/viewform… ) ဝွံတုဲ ညးညးအဲအဲ ပါလုပ်ဗပေင်လညာတ် နူကဵုလပှ်ကျာ (အန်လာင်) မာန်ရောင်။

ပြဝါတိဍာ်မန်ဂှ် မဒှ်ဂကောံချဳဒရာင် ပရေင်တိဍာ် ကေုာံ သယံဇာတ အပ္ဍဲဗွိုင်တိဍာ်‌ဒေသမန်ရ၊ စပ္တံနူသ္ပဒတန်တုဲကၠုင် မူဝါဒတိဍာ်ဒေသမန် ပ္ဍဲသ္ဘင်သဳကၠဳ‌ကောန်ဂကူမန် သၞာံ ၂၀၂၂ (ညဳသာ) တုဲဂှ် ကမ္မတဳက္ဍိုက်က္ဍိုပ်ဓမံက်ရုပ်ရဴ မူဝါဒတိဍာ်ဒေသမန် စဒက်ပ္တန်လဝ် ပြဝါတိဍာ်မန်ရောင် ဂွံတီကေတ်ရ။