တ္ၚဲကောန်ဂကူမန် မရနုက်ကဵု(၇၉)ဝါ ဗဟဵုသၞာံဏံဂှ် ကၠောန်ဗဒှ်အာ ပ္ဍဲကဵုပွိုၚ်ဍုၚ်ပံၚ်ရောၚ် နူတနေံတေံ ကၠောန်သ္ပ ကောံဓရီုပ္ဍဲဇြပ်မန် ဍုၚ်မတ်မလီုတုဲ ဖျေံဏာသ္ဂုတ်သွာတ်တုဲရရောၚ် ညးတာလျိုၚ်ကမ္မတဳကၠောန်ဗဒှ်မွဲတၠ ဟီုလဴထ္ၜးရ။
“နူတနေံတေံ ကၠောန်ကောံဓရီုပ္ဍဲဇြပ်မန် ဍုၚ်မတ်မလီုဂှ် ဖျေံဏာသ္ဂုတ်သွာတ် တ္ၚဲကောန်ဂကူမန် မရနုက်ကဵု(၇၉)ဝါ ဗဟဵုသၞာံဏံ ကၠောန်အာပ္ဍဲဍုၚ်ဇိုၚ်ကျာ် ပွိုၚ်ဍုၚ်ပံၚ်ရောၚ် ဖျေံဏာသ္ဂုတ်သွာတ်တုဲအာရ” ညးတာလျိုၚ်ကမ္မတဳ ကၠောန်ဗဒှ်ဂှ် ဟီုထ္ၜး ရ။
သွက်ဂွံကၠောန်ဗဒှ်အာ တ္ၚဲကောန်ဂကူမန်အဆံၚ်ဗဟဵု ပ္ဍဲပွိုၚ်ဍုၚ်ပံၚ်ဂှ် ကမ္မတဳကၠောန်ဗဒှ်တ္ၚဲကောန်ဂကူမန် ဗဟ်ဵုတအ် ချပ်သဳကၠဳကၠုၚ် သၞာံအဆက်ဆက်ကီုလေဝ် ဟိုတ်နူအကာဲအရာပရေၚ်ဍုၚ်ကွာန်တုဲ ဟွံဒှ်ကၠောန်ကၠုၚ်ရ။
“ရံၚ်ကေတ်အကာဲအရာတှ်ေ စၚ်ဗဟဵုသၞာံဏံဂှ် ကၠောန်ပ္ဍဲပွိုၚ်ဍုၚ်ပံၚ်တှ်ေ ပြေပြံၚ်မာန်ရောၚ် ကမ္မတဳတအ်သ္ၚဳဂၠိပ်စှ်ေ စိုတ်တုဲ ဖျေံဏာလဝ်၊ ဆဂး ဗီုပြၚ်လဵုကၠောန်ဂှ် ဒးဆက်သဳကၠဳအာမံၚ်ဏီ ဒးကလေၚ်ချပ်သဳကၠဳမံၚ်ဏီ” ညးတာ လျိုၚ်ဂှ် ဆက်ဟီုထ္ၜးရ။
စၚ်တ္ၚဲကောန်ဂကူမန်ဗဟဵုဂှ် ရံၚ်အကာဲအရာဒေသပွိုၚ်ဍုၚ်တုဲ မွဲသၞာံ မွဲပွိုၚ်ဍုၚ် ဖျေံကၠောန်မံၚ်နွံတုဲ လဆောဝ်မ္ဂး သီုကဵု ကၠောန်အာ တွဵု၊ ရး ဒေသဆက်စပ်သတီုဂကူမန်နွံဂၠိုၚ်ဂှ်လေဝ် ကေၚ်ကၠောန်ကၠုၚ်လဝ်နွံရ။
တ္ၚဲကောန်ဂကူမန်မရနုက်ကဵု(၇၈)ဝါဗဟဵု သၞာံတုဲကၠုၚ် ဂှ် ကၠောန်ကၠုၚ်လဝ် ပ္ဍဲဇြပ်မန် ဍုၚ်မတ်မလီုရ။
0 Comments