ကရောံဒှ်ခက်ခုဲကဵုစုတ်ကၠေင်စက်ဂှ် ကၟုဲကၠုင်စိုပ်ဝေင် ကွာန်ဝင်ကလေဝ် အောန်စှ်ေကဝက်ပြင်

by | Mar 19, 2026 | ပရိုၚ် | 0 comments

မွဲကရောံဒှ်ခက်ခုဲကဵု ပရေင်စုတ်ကၠေင်စက် စနူလ္ဒောဝ်ဂိတုမာတ်ဝွံတုဲ ကၟုဲကွာ်တရဴ မကၠုင်ဝေင် ကွာန်မန်ဝင်ကတအ်လေဝ် လၟိဟ်အောန်စှ်ေ ကဝက်ပြင်နွံရောင် ဂွံတီကေတ် နူကဵုညးဒေသတံဟီုရ။

ကွာန်ဝင်ကဂှ် မၞုံတန်တဴဒၟံင် ပ္ဍဲပွိုင်ဍုင်သခႅဠၜူရဳ ခရိုင်ကမ္မရဳ ကၟိန်ဍုင်သေံတုဲ ကြပ်ဒၟံင်ကဵုဒေသပယျဵုကျာ်ပိ ကီုဂှ်ရ ကၟုဲပလုင် မၞုံဍုင်သေံဂမၠိုင် အဓိက ကၠုင်စိုပ်လ္ရတ်ပရူဒေသ သီုကဵုသွက်ဂွံပြေလၟောင်ကီုရောင် ဂွံတီကေတ်ရ။

“သၞာံတုဲတုဲကၠုင်ဂှ်တှ်ေ ကၟုဲ ဍေံဟွံကေင်ပိုတ်သ္ကုတ်ဗီုဏံပုဟ်၊ ကၟုဲကၠုင်ဝေင်စိုပ်ကွာန်ဝင်ကဟီုဂှ်တှ်ေ ဍေံတံ ကၠုင်ဗဵု ကၠုင်လ္ၚတ် အခိုက်ကၞာ၊ ယေန်သၞာင်၊ ပြဝေဏဳမန်တြေံတြဟ်၊ ကဵုဒါန်လံင်ပိဏ္ဍပါတ်၊ ရာန်စစၞစမန်၊ ရာန်ကပေါတ်ပရင်တဲ ဂေတ်ကြေဝ်ဝေင် ပ္ဍဲဘာကျာ်ဇၞော်အ္စာတၠဝင်္က၊ သီဘာကွာန်တြေံ ဒၞာဲဍာ်ဗၠိုက်၊ ဒဒန်ဆုဂၠင်အိုတ် ပ္ဍဲဍုင်သေံ၊ ဒၞာဲဒေသပယျဵုကျာ်ပိ သေံ-ဗၟာတေံဂၠိုင်ရ” သာ်ဝွံ ကောန်ကွာန်ဝင်ကမွဲတၠ ဟီုရ။

အကြာဏအ်ဝွံ ၜိုန်ရဒှ်တ္ရဲကၟာတ်ရုင်၊ ကၟာတ်ကမၠောန် ပ္ဍဲတ္ရဲသ္ၚိသဝ်၊ တ္ၚဲဒိုတ်ကၠာလေဝ် ကၟုဲကၠုင်ဝေင်စိုပ် ကွာန်ဝင်က လၟိဟ်အောန်စှ်ေ ဗၞတ် (၇၀) က္ဍိုပ်ကၠံတုဲ ဆေင်ဖျာဂမၠိုင်လေဝ် သွက်ဂွံထပ်ရာန်ဗပင်ကပေါတ်ဖျာနာနာ သွက်အခိင်အတးဂှ် ဒးမင်ရံင်ဒၟံင်အကာဲအရာအိုတ်ရောင် ဂးရ။

အလုံဍုင်သေံမွဲ ဟိုတ်နူကေတ်ကၠေင်စက်ဝါတ်ကီု ကၠေင်စက်လေဝ် င္ရုဟ်က္ဍင်တိုန်ကီုတုဲ အဃောကွာ်တရဴကွာန်ဝင်က ဂွိင်ဖေက်ကၠေင်စက်အိုတ်အာလဒေါဝ်ဍာန် စုတ်ကၠေင်ဝါတ်ဂါတ်ဂှ်ရ ကၟုဲပလုင်ဂမၠိုင် ဟွံဂံင်အာကၠုင် ဗွဲကရိုက်စိုတ်အိုတ်ရောင် တၠဆေင်ဖျာမွဲတၠ ဟီုကၠုင်ရ။

“ဂွံမိင်ကေတ်မံင် ကွဳစက်မွဲမတှ်ေ စုတ်ကၠေင် (၅၀၀) ၝာတ်ရဂွံတုဲ ဖေက်ဒးဆဵုဂဗကဵု တင်ခက်ခုဲ တိတ်တရဴသ္ၚောဲသ္ၚောဲလေဝ်နွံ၊ တုဲပၠန် ဟိုတ်နူအခိင်ဥတုရာသဳဂမ္တဴတုဲ ကၟုဲအာဝေင်တံ ဂၠာဲကေတ်ဒၞာဲဝေင် ပြင်ၜဳ ဒၞာဲပြေလၟောင်ၜိုတ်သြိုဟ်သၟးရဂၠိုင်တုဲ ဌာန်ဒေသကွာန်ဝင်ကဂှ်တှ်ေ ၜိုတ်ထေက်ကြိုက်ရ ကၠုင်စိုပ်ဒၟံင်ရောင်” သာ်ဝွံ တၠဆေင်ဖျာဂှ် ဟီုရ။

ညးမၞုံတန်တဴ ပ္ဍဲကွာန်ဝင်ကဂမၠိုင်ဂှ် ဒုင်သ္ဇိုင်ကဵုပရေင်ကၟုဲအာကၠုင်ကွာ်တရဴတုဲ ဂယျိုင်တဴဒၟံင်လမျီု နကဵုကမၠောန်ဂၠုင်၊ သွံဖျာ၊ ဆေင်စၞစ၊ ပံက်ဒၞါဲဇူဒီု၊ သ္ရိဖံင် စတမ်တအ်နွံရောင် ဂွံတီကေတ်ရ။

Written by

Related Posts

ပ္ဍဲပွိုင်ဍုင်ၜဳက္လေင် ဗဒဲါဒၞာဲကၠောန်ထဝ်ဂှ် ညးဒေသ (၂) တၠ လိုန်ဒးမာင်တိုပ်တိ

ပ္ဍဲပွိုင်ဍုင်ၜဳက္လေင် ဗဒဲါဒၞာဲကၠောန်ထဝ်ဂှ် ညးဒေသ (၂) တၠ လိုန်ဒးမာင်တိုပ်တိ

ပ္ဍဲကဵုဗဒဲါဒၞာဲကၠောန်ထဝ်၊ ကွာန်ပျေန်တာ၊ ဂကောံကွာန်နာတ်ဂျဳ၊ ပွိုင်ဍုင်ၜဳက္လေင်၊ တွဵုရးဍုင်မန်ဂှ်ဝွံ ညးတြုံနူဒေသဂှ် (၂) တၠ လိုန်ဒးမာင်တိုပ်တိတုဲ ဒးအာဘဲဝပ်ဗွဲမသ္ကာတ်မြဟ်ရောင် ဂွံတီကေတ်ရ။ ဂိတုမာတ် (၁၅) အခိင်နူဂယးဂှ်ဝွံ သၟာကမၠောန်ထဝ် အာယုက် (၂၀) သၞာံပြင်ၜါတၠ...

သၞေဟ်ကင်လုပ်တိတ်ပယျဵု ဒၞါဲကွာန်ပလိုင်ဂျပါန်ကဵု ဂူၜဴဂှ် နူလ္ပာ်သေံ တၟာတ်ထောံလဝ်

သၞေဟ်ကင်လုပ်တိတ်ပယျဵု ဒၞါဲကွာန်ပလိုင်ဂျပါန်ကဵု ဂူၜဴဂှ် နူလ္ပာ်သေံ တၟာတ်ထောံလဝ်

ရာန်ပ္တိတ်ဏာကၠေင်စက် နူလ္ပာ်တိဍာ်သေံတုဲ သွံရာန်ဒၟံင်ပ္ဍဲတိဍာ်ဗၟာ အကြာဒေသကျာ်ပိနွံဂှ်ရ ပ္ဍဲဂိတုမာတ် စၟတ်တ္ရဲ (၁၇) စနူအခိင်လ္ဒောဝ်တ္ရဲဂှ်တုဲ နူလ္ပာ်ညးတာလျိုင်သေံတံ တၟာတ်ထောံအခေါင်တတ်ကၠောံ ပ္ဍဲသၞေဟ်ကင် မၞုံဒၞါဲကွာန်ပလိုင်ဂျပါန်ကဵု ကွာန်ဂူၜဴ ဒေသကျာ်ပိဂှ်ရောင် ဂွံတီကေတ်ရ။...

ပ္ဍဲတွဵုရးဍုင်မန် အပ္ဍဲကာလသီအဝဵု ပွိုင် (၅) သၞာံ ကောန်ညးဍုင်ကွာန်ချိုတ် (၆၀၀) တၠပြင်

ပ္ဍဲတွဵုရးဍုင်မန် အပ္ဍဲကာလသီအဝဵု ပွိုင် (၅) သၞာံ ကောန်ညးဍုင်ကွာန်ချိုတ် (၆၀၀) တၠပြင်

ပ္ဍဲတွဵုရးဍုင်မန်ဝွံ အပ္ဍဲကာလဒပ်ပၞာန်ဗၟာသီအဝဵု ပွိုင် (၅) သၞာံဂှ် ဟိုတ်နူပရူဒဒှ်ပဋိပက္ခ ဂမၠိုင်တုဲ ကောန်ညးဍုင်ကွာန် ချိုတ်အာ (၆၅၀) တၠနွံရဂှ် ဂွံတီကေတ် နူလိက်ဒုင်စဳရေင် Data for Myanmar လလောင်ပ္တိတ် ပ္ဍဲသၞာံ (၂၀၂၆) ၊ ဂိတုမာတ် (၁၈) ၊ တ္ၚဲဏံရ။ အတိုင်ကံက်လဝ်စရင်...