ပ္ဍဲကာလအတးဏအ် ရန်တၟအ်ကဵု သွက်ညးဍုင်ကွာန်တအ် ဂွံဗၠးဘဲအန္တရာဲ ကွဳစက်၊ ကွဳလိုန်ဓါတ် ဇီု၊ ဗ္ကပ်တုဲ နူကဵုဒပ်ဗၠာဲသၟိင်သေံတအ် ပ္တိတ်လဝ်စေဝ်ပၞောန် ဗၞတ် (၁၀) တင်နွံရောင် ဂွံတီကေတ်ရ။

စေဝ်ပၞောန်ဒဳကွဳစက်၊ ကွဳလိုန်ဓါတ်ဂှ်ဝွံ ပ္ဍဲဂိတုဨဗရဴ စၟတ်တ္ရဲ (၁) ဂှ် လမျီုစလုပ်ဒမံင်ဣရတုဲ ညးဖံက်စေဝ်ပၞောန်တအ်ဂှ် ရပ်စပ်ကေတ်အရေဝ် နကဵုဒုဟ်ဒဏ်သြန်၊ ဒုဟ်ဒဏ်ထံင် သီုၜါသာ်ဏောင် ဂးလဝ်ရ။

“ဇၟာပ်သၞာံရ ဍုင်သေံဂှ် အခိင်အတးသကြာၚ်္န်တှ်ေ ပ္တိတ်ကၠုင်သၞောဝ်ဥပဒေတၟိ စေဝ်ပၞောန်ထိင်ဒဝ် ရဲဒဳကွဳစက်၊ ကွဳလိုန်ဓါတ် ပဲါနူကောန်ဍုင်ညးတံတုဲ စတမ်ကောန်ဍုင်သၟာင် ဒဳကွဳစက်၊ ကွဳလိုန်ဓါတ် ပ္ဍဲဍုင်ညးတံဂှ်လေဝ် ဒးဒဂေတ်ဗက်စေဝ်ပၞောန်ထိင်ဒဝ်ဂၠံင်ဍာန် ညးတံ လလောင်ပ္တိတ် lဝ်ဏံ ဖအိုတ်ရောင်” သာ်ဝွံ ညးဒဳဒမံင်ကွဳစက် ပ္ဍဲဍုင်သေံမွဲတၠ ဟီုရ။

ပ္ဍဲကဵုစေဝ်ပၞောန်ဒးဒ္ဂေတ်ဗက် နွံ (၁၀) တင်တအ်ဂှ်ဝွံ (၁) ဟွံဒ္ဂေတ်ဗက်သၞောတ်ဗ္ၜတ်တုဲ ပွမဒဳကွဳစက်၊ ကွဳလိုန်ဓါတ် နကဵုအသိင်ထတ်တ်ကီု (၂) ပွမတတ်ဒဳဏာအဃောထ္ၜးဒမံင်ပၟတ်ဍာဲကီု (၃) အဃောမၞိဟ်တအ် ကွာ်တတ်အာကၠုင်ဒမံင် ဒၞါဲပၞောန်မသက်စွံလဝ်ဂှ် ဟွံဒေါံကဵုကွဳစက်၊ ကွဳလိုန်ဓါတ်ကီု (၄) ပွမသုင်စောဲဖုင် အဃောဒဳကွဳစက်၊ ကွဳလိုန်ဓါတ်ကီု ယဝ်ရဖံက်ပ္ကဝ်ကၠေံ လ္တူစေဝ်ပၞောန် (၄) တင်ဂှ်မ္ဂး လၟိဟ်သြန်ဂၠိုင်အိုတ် (၄၀၀၀) ၝာတ် ဒးဒုဟ်ဒဏ်ရောင်။

တင် (၅) ဂှ် ပွမဒဳဏာဂၠံင်ဍာန်ဗၠေတ်တ်ကီု (၆) ညးဒဳကွဳလိုန်ဓါတ် သီုညးဍိုက်ဗက်လက္ကရဴ ဟွံဓလဝ်တဴခၟံက်ကီု (၇) ညးဒဳကွဳစက်တအ်မ္ဂး ဟွံစုတ်လဝ်ဇုက်ပူဂၞိင်ကီုမ္ဂး ဒးဒုဟ်ဒဏ်သြန်ဂၠိုင်အိုတ် (၂၀၀၀) ၝာတ်တုဲ တင် (၈) ဂှ်ဝွံ လာင်ဇြေန်မၞိဟ်ဒဳကွဳစက်ယာဥ် ဟွံပါမ္ဂး သြန်ဂၠိုင်အိုတ် (၁၀၀၀) ၝာတ် ဟွံသေင်မ္ဂး ဒးဒုဟ်ဒဏ်ထံင် စဵုကဵုပွိုင် (၁) ဂိတုမာန်ရောင် ချူဓမံက်လဝ်ရ။

ဆက်တုဲပၠန် ပ္ဍဲကဵုတင် (၉) ဂှ် သုင်စလဝ်ဂဥုဲဗ္ၜူမာဲတုဲ ပွမဒဳကွဳစက်၊ ကွဳလိုန်ဓါတ်ကီု (၁၀) ဟွံသ္ပဂရုကဵုဘဲအန္တရာဲမွဲသာ် ပွမဒဳကွဳစက်ကြာန်န်ကီုမ္ဂး ဒဏ်သြန် နူ (၅၀၀၀) ၝာတ် စဵုကဵု (၂၀၀၀၀) ၝာတ် ကေုာံ ဒဏ်ထံင် စဵုကဵုပွိုင် (၁) သၞာံ ဒးဒုင်ကေတ်အရေဝ်ရောင် ဒပ်ဗၠာဲသၟိင်သေံ လလောင်တြးလဝ်ရ။

“အတိုင်ညာတ်လဝ် စေဝ်ပၞောန်တၟိသၞာံဏံတုဲ ညးဒဳကွဳစက်၊ ကွဳလိုန်ဓါတ်တံ ပရေင်အာကၠုင် ဒးစွံသတိဂၠိုင်င်၊ သုင်အရက်သုရာတုဲ ဗၜူဂှ် လ္ပဒဳကွဳစက်၊ ကွဳလိုန်ဓါတ်ညိ၊ အတိုင်စေဝ်ပၞောန်ဍုင်သေံ လလောင်တရးပ္တိတ်သၞာံဏံဂှ် ညးညးအဲအဲ ထိင်ဒဝ်ဗက်အာစေဝ်ပၞောန်ညိ” ညးမၞုံတန်တဴဍုင်သေံမွဲတၠ ဟီုရ။

ပ္ဍဲကာလအတးသကြႅာန် နူသၞာံ (၂၀၂၅) တေံဂှ် အလုံဍုင်သေံမွဲ ဟိုတ်နူဘဲအန္တရာဲကွဳစက်၊ ကွဳလိုန်ဓါတ် ဇီု၊ ဗ္ကပ်တုဲ လၟိဟ်မၞိဟ် ချိုတ် (၄၂၁) တၠ၊ ဒးဘဲဝပ် (၁၁၁၄) တၠနွံရောင် ဂွံတီကေတ်ရ။