နာဲမာန်

ဟၜိုတ်တၞံအရိုၚ်ဂှ် ဒှ်ခေတ်လဇုဲလဇတုဲ လၟုဟ်ရဲတဵုကၠအ်တၞံဟၜိုတ်တၟိတအ် တဵုကၠုၚ်တၞံဆက်မတ် ဖၟိုတ်ရ။ တၞံမဆက်မတ်ဂှ်လေဝ် သၞာံဏံ ၚုဟ်သၠုၚ်တိုန်အာ နူကဵုသၞာံတုဲကၠုၚ်တေံၜိုတ်ကဝက်ဒှ်ရ။

သၞာံတုဲကၠုၚ်ဂှ် တၞံဟၜိုတ်မဆက်မတ် ဂကူတဲခိုဟ်မှ ဂၠိုၚ်အိုတ်နွံမံၚ်အကြာ (၃၀၀) ဒကေဝ်ဓဝ်တုဲ ဂကူဓမ္မတာဂှ် ၚုဟ်နွံအကြာ (၁၀၀) ဒကေဝ်ဓဝ်ရ။ သၞာံတုဲကၠုၚ်ဂှ် ရဲကၠောန်တဵုသွံမဟၜိုတ်ဆက်မတ်တအ် တော်ဟွံကိတ်တုဲ သၞာံဏံ ရဲတဵုကၠအ်တၟိကီု ရဲကၠအ်တူအာကီု တုဲပၠန် ရဲထဗိုၚ်ကၠအ်တြေံထပ်တဵုကၠအ်တၟိကီု နွံဂၠိုၚ်တုဲ ရဲတဵုကၠအ်တၟိလေဝ် ဗက်ရာန်မဟၜိုတ်ဆက်မတ် ဂၠိုၚ်တိုန်ဂှ်ရ ၚုဟ်တၞံမဆက်မတ် ၚုဟ်ပဵုတိုန်ကီုရ။

သၞာံဏံ မတၞံဟၜိုတ်ဆက်မတ်ဂကူတဲခိုဟ်အိုတ်ြမဟ်ဒၟံၚ် (2001) ဂှ် မွဲတၞံမ္ဂး ဒးကဵုအကြာ (၆၀၀) ဒ ကေဝ်တုဲ မပ္တံကဵုဂကူ (2002 – 2003 – 2007 – 2008) ဂှ် ဒကဵုၚ္ၚုဟ်အကြာ (၆၀၀) ဒကေဝ်ဂှ်ဖၟိုတ်ရ။ တၞံဂကူဓမ္မတာ စပ္တံနူ (24 – 600 – 260) ဂှ် ဒးကဵုမွဲတၞံ အကြာ (၃၀၀) ဒကေဝ်ရ။

“သၞာံအာဏံ ညးရာန်မဟၜိုတ်လေဝ်အောန် ၚုဟ်လေဝ်ဟွံမွဲ မွဲတၞံမှ ဍေံကေတ် (၁၀၀) ဒကေဝ်ဓဝ် အဲလေဝ်သွံဟွံမာန် ဟိုတ်ဂှ်ရ မအဲသၞာံဏံသေှ်ၜိုတ် (၇) လ္ၚီ၊ သေှ်မံၚ် (၇) လ္ၚီတၞံဏံဂှ် မၞိဟ်တအ်ကၠုၚ်ရာန်မံၚ် အရိုဟ်တ္ၚဲ၊ လၟုဟ်တေှ် မ (24) ဂှ် အိုတ်အာယျ၊ သေှ်မံၚ် မ (600) မွဲဂကူဓဝ်ရ” သာ်ဏံ ညးတဵုသွံမဆက်မတ် ရဲကွာန်ဒဵုမာဲ ပွိုၚ်ဍုၚ်မုဟ်ဍုၚ်မွဲတၠ ဟီုရ။

တၞံမဆက်မတ်ဝွံ စစိုပ်ဍုၚ်မန် ၜိုတ်အကြာသၞာံ (၂၀၀၁) ဂှ်မ္ဂး ကၠာတဲမဂကူ (24 – 600) ရ၊ ယၟုြမဟ် ကၠုၚ် နူကဵုဍုၚ်သေံတုဲ ညးတၠကၠအ်တအ် တဵုကၠုၚ်မဂကူဆက်မတ်နာနာတအ်ရ။ မဂကူ (24) ဂှ် စပံက်ဗက်ဂှ် ဟၜိုတ်ဍေံတိတ်ဟဂှ်ရ။ မုက်မွဲဂှ်ရ ဍာ်ဟၜိုတ်တိတ်ဂၠိုၚ်တုဲ ကာလခၞော်မုက်မွဲအိုတ် ခၞော်ပၠန်မ္ဂး မုက်ဟၜိုတ်ဂှ်ချုိတ်ဂၠိုၚ်ဒှ်လေပ်ရ။ မဂကူ (600) ပၠန် စပံက်ဂှ် ဟၜိုတ်ဍေံကေဝ်လေဝ်ကေဝ် တိတ်လေဝ်ဟွံတိတ် ဗီုကုဵ (24) ဂှ်တုဲ လ္ပာ်လက္ကရဴ တၞံဍေံကြံၚ်က္ဍၚ် ဍာ်ဟၜိုတ်ဍေံတိတ်ဂၠိုၚ်က္ဍၚ်ရ။ ခွါတ်စိုပ် ခၞော်ပလန်ပၠန်လေဝ် ပဵုတုဲဍာ်ဟၜိုတ်ဍေံတိတ်ဂၠိုၚ်ရောၚ် ရဲညးကေၚ်ခွါတ်လဝ် ဟၜိုတ်ဍုၚ်သေံတအ် ဟီုဒၟံၚ်အိုတ်ရ။

မဂကူဆက်မတ် ယၟုဒယှ် တိတ်ဒၟံၚ်လၟုဟ် (2001) ဂှ် ပန်တၞံမ္ဂး ထၜိုတ်အယျုိၚ် (၁) ပံၚ် တိတ်ကဵုမာန်ရောၚ် ပ္ဍဲလိက်သကေံတဲဂှ် ြကီုလဝ်နွံရ။ ဆဂး နဇိုၚ်နတဲဂှ် လၟုဟ်မှ ဂွံစတဵုတုဲ မွဲလေဝ်ထ္ၜးသက်သဳဟွံမာန်ဏီရ။

“မဟၜိုတ်ဆက်မတ် ပ္ဍဲဍုၚ်မန်ဗၟာပိုဲဏံ တၟေၚ်နူကဵုဍုၚ်သေံဏီ ပ္ဍဲဍုၚ်သေံမှ (2001 – 2002) ဂှ်ဟွံမိၚ်ဏီပုဟ် လၟုဟ်တိတ်မံၚ် ဂၠိုၚ်ကဵုဂကူ” သာ်ဏံ ညးကၠောန်ပရေၚ်ပိုန်ြဒပ် မဟၜိုတ်ဆက်မတ် ရဲကွာန်ဒဵုမာဲဂှ် ဆက်ဟီုရ။

တၞံမဟၜိုတ်ဆက်မတ် စခွါတ်ဒၟံၚ် ပ္ဍ္ဍဲဍုၚ်မန်လၟုဟ်ဂှ် ဂကူ (24) ကုဵ (600) ဂှ်ဓဝ်တုဲ မဆက်မတ်တိတ် ကၠုၚ်ြကဴဏံဂှ် ၜိုတ် (၆) သၞာံပၠန်မှ တီစရာဲဍာ်ဒကေဝ်မာန်ရ။

“မဟၜိုတ် (2001 – 2002) ဏံဂှ် တိတ်ကၠုၚ်နူဍုၚ်မလေဝ်ယှာဏောဝ် တုဲတေှ် ဂကူတေံတိတ် ဂကူဏံတိတ်ဟီုဂှ် ၜိုတ်ဆဂွံသ္ပလဝ်သုတေသန ပ္ဍဲလိက်ရဂွံဆုဵ နဇိုၚ်နတဲဂှ် မွဲလေဝ်ဟွံဆဵုလဝ်ပုဟ်” သာ် ဏံ ညးဂၠာဲရာန်မဆက်မတ် သွက်ဂွံတဵုကၠအ် ရဲမုဟ်ဍုၚ်မွဲတၠ ဟီုရ။

ရဲတဵုတၞံဟၜိုတ်ြကဴဏံဝွံ ညးတဵုတၞံမအရိုၚ်ဂှ် အောန်ကၠုၚ်တုဲ တၞံအရိုၚ်ဗျုဒၟံၚ် ခွါတ်ဒၟံၚ်တုဲတုဲတေံလေဝ် ညးလ္ၚဵု ထ္ဗုိၚ်ကၠေံတုဲ ကလေၚ်တဵုမဂကူဆက်မတ်တအ် ဒှ်တိုန်အိုတ်ကီုရ။

“ဂတနူဏံ လအ်ၜိုတ် (၁၀) ပၠန်တေှ် တၞံဟၜိုတ်အရိုၚ်ဂှ် ကၠေံအိုတ်ဒှ်မာန်တုဲ ဘိုအ်ဂွံဒှ်တိုန် တၞံမဆက်မတ်ဖအိုတ်ဒှ်ရောၚ်” သာ်ဏံ ညးတၠဓနကၠအ်ဟၜိုတ် ကွာန်သၞေဟ်ဗ္ဒဝ် ပွိုၚ်ဍုၚ်မုဟ်ဍုၚ်မွဲတၠ ဟီုရ။