သၞံၚ်တိုၚ်၊ ဂိတုအံက်တဝ်ဗာ ၁၄၊ သၞာံ ၂၀၁၉
ဒေသတ္ကံခၟိုၚ် ပွိုၚ်ဍုၚ်ၜါသွာၚ်ဂှ် ဒှ်ဒေသလုပ်ဝၚ် ဆဵုကေတ်မံၚ် ကၟာၚ်ဍုၚ်တြေံတံကီု ကပေါတ်တြေံတြဟ်တံလေဝ် ၜံက်ခဲါဂၠာဲဆဵုပကောံပကေဝ်လဝ်တံဂှ် သွက်ဂွံထ္ၜးပျးအာမာန်ဂှ် သွက်ဂွံသိုၚ်ခၞံအာ တိုက်ထ္ၜးမွဲမ နွံမံၚ်ရောၚ် ဂွံတီကေတ်ရ။ သွက်ဂွံသိုၚ်အာ တိုက်ထ္ၜးဏံဂှ် ဒၞာဲဂအာၚ်သွက်ဂွံသိုၚ်ခၞံဂှ် ညးဒေသတံ ဗျာံရန်လဝ်တိဂအာၚ် (၄၀-၆၀) ပေ နွံတုဲ အာတ်မံၚ်အခေါၚ်ကဵု အလဵုအသဳ လအ်လကီုလေဝ် စဵုကဵုလၟုဟ် ဟွံကလိဂွံဏီတုဲ ဒှ်မံၚ်အခက်ခုဲဏီရောၚ် ညးအုပ်ကာဂကောံလိက်ပတ် ပွိုၚ်ဍုၚ်ၜါသွာၚ် နာဲမိုၚ်လေဝ် ဟီုရ။
“အခေါၚ်စကာတိ (ပုံစံ-၁၀၅) ဂှ် ဟွံစှေ်ကၠုၚ်တုဲတှေ် ဂွံသိုၚ်ခၞံအာကီု ဂွံစဵုဒပ်ကီုဂှ် ဗီုလဵုလေဝ် ပိုဲဟွံဂွံအခေါၚ်ကၠောန်ပုဟ်။ ဒှ်မံၚ်အခက်ခုဲ ဗီုဏံလေဝ် ဟွံဂွံလဝ် (ပုံစံ-၁၀၅) တှေ် ဒးစွံလဝ်အတိုၚ်ဂှ်ရ” သာ်ဝွံ နာဲမိုၚ်လေဝ် ဟီုရ။