NCA မ္ဂးဂှ် ဒှ်ဝေါဟာဗွဲခ္ဍန် မကၠုင်နူ Nationwide Ceasefire Agreement မဒှ်တုဲ ကၠာဲပတိတ် နကဵုဘာသာမန်ပေင်င်မ္ဂး လိက်ကသုက် တင်တုပ်စိုတ် ပရေင်ဒေါံတ္ၚီုပန်ပှော် အလုံမွဲဍုင် သာ်ဝွံ ဂွံအဓိပ္ပါဲရ။ ပိုဲတအ် ဟီုဂးစဂၠိုင်ဂှ်မ္ဂး လိက်ကသုက် ဒေါဴပန်ပှော် အလုံဍုင် (ဝါ) NCA မဒှ်ရ။ ပ္ဍဲကဵုသၞာံ ၂၀၂၅ ၊ ဂိတုအံက်တိုဝ်ပါ ၁၅ ဂှ် NCA ပေင်ကၠုင် ၁၀ သၞာံတုဲ အလဵုအသဳသီလဝ်အဝဵုတအ် ကၠောန်ဗဒှ် သဘင်စၟတ်သမ္တီရ။ ဒၟာနူညးစၞး နူဗော်ဍုင်မန်တၟိတအ် တိုန်စိုပ်လဝ်ဂှ် ကောန်ဂကူမန်လ္ၚဵုတအ် ပါ်ပါဲ ဟီုဂး ချူဆာဲဒၟံင်လ္တူအေန်တာနေတ် ဟီုကြာန်န်လေဝ်နွံတုဲ သွက်ဂကူမန်ပိုဲတအ် ဂွံဒှ်ဗဟုသုတ ဒှ်ချူကၠုင်လိက်ပရေင်ဝွံရ။

လ္တူအကာဲအရာဂှ် ကေတ်အရီုအဗင် အလဵုအသဳဍုင်ကြုက်တုဲ ဂိုတ်ဂစာန် ပတိတ်အစောန် သွက်သ္ဂောံကလေင် ထိင်ဒဝ်ကေတ် ဂကောံ ERO မဖျေံလဝ်သဇိုင် အကြာပယျဵုကြုက်ရ။ အတိုင်ဂိုတ်ဂစာန် ပတိတ်ကၠုင်အစောန်ဂှ် ၜိုတ်ထေက်ကြိုက် ကလိဂွံပေါဲဇၞးနွံတုဲ သွက်သ္ဂောံကလေင်ထိင်ဒဝ်ကၠေံ ပရေင်ချဳဓရာင် ဒပ် AA ဂှ် နကဵုနဲကဲဇဳ မေန်အံင်လှာင် ဂစာန်ကေတ်ဒၟံင်အရီုအဗင် အလဵုအသဳအိန္ဒိယျ ကေုာံ အလဵုအသဳ ၜင်္ဂလာဒေတ်တံပၠန်ရ။ အဓိက စောဲစပ်ဒပ်ပၞာန် AA တအ် နကဵုပရေင်ကူသာန်သွံရာန် ဂဥုဲၜူမာဲရ။ နူကဵုပးဒၞက်ဏအ် က္ဍိုပ်သကိုပ် ဒပ်ပၞာန် AA ထောန်မျာတ်နာင် နကဵုဓဝ်သတိဇၞော်ဇၞော် ညံင်သ္ဂောံတတ်ကၠောံၜက်အာမာန်ဂှ် ပၟိက်ဇၞော်တဴရ။

ပ္ဍဲကၟိန်ဍုၚ်သေံ လ္တူဍုၚ်ဖူကေတ်၊ ပ္ဍဲကဵုဘာမိုဝ်နေတ်ဂှ် ကျာ်ဇၞော်အ္စာဘာမိုဝ်နေတ် ကေုာံ ညးတာလျိုၚ် ကဆံၚ်ကဆံၚ်တအ် က္ဍိုက်က္ဍိုပ်ပၠတရဴတုဲ ကၠောန်ဗဒှ်ကၠုၚ်လဝ် ဘဘၚ်ကဝါ်ဇံၚ် ကေုာံ ထ္ၜးပျးအခိုက်ကၞာယေန်သၞာၚ်ဂကူဂှ်မ္ဂး ကောန်ဂကူမန်တအ် ပါလုပ်တိုန်စိုပ်လဝ်ဂၠိုၚ်အိုတ်ရောၚ် ဂွံတီကေတ်ရ။