တ္ရဲဏအ် (ဂိတုပသာ် ၁၁ စွေက်၊ ဂိတုမေ စၟတ်တ္ရဲ ၂၂) ဂှ် နူကဵုဂကောံဗ္တောန်လိက်ပတ်မန် ကေုာံ ယေန်သၞာင်ဗုဒ္ဓဘာသာ အလုံဒေသရးမန်တအ် ကၠောန်သ္ပဏာ သဘင်သၟာန်သွဟ်လိက်ပတ်ဝင်မန် မရနုက်ကဵု (၂၆) ဝါ တုဲဒှ်အာရ။
ဟိုတ်နူအကာဲအရာ ပရေင်ဍုင်ကွာန်၊ ပရေင်ဂီုကၠီုတုဲ ပ္ဍဲသၞာံဏအ်ဂှ် ပါ်လဝ် ဌာန (၆) ဌာနတုဲ ကၠောန်သ္ပလဝ်သဘင်သၟာန်သွဟ်လိက် ပွိုင်မွဲတ္ရဲဓဝ်ရ။
ဌာနဒၞါဲသွဟ်လိက်တအ်ဂှ်ဝွံ ဘာကျာ်ဒေါဝ်သာသနာ ၂၅၀၀ ဍုင်မတ်မလီု၊ ဘာဟံသာထဝ် ဍုင်ဇြပ်ဗု၊ ဘာပန်ထဝ် ဍုုင်ဗဂေါ၊ ဘာကျာ်ဒဵုတၟအ်ဗြာတ် ပွိုင်ဍုင်ရေဝ်၊ ရးတၞင်သဳ ကေုာံ ဘာသုဓမ္မဝတဳ ကွာန်က္ၜင်က္ဍဳ၊ ဍုင်က္ၜင်ကံက်တအ်ပါလုပ်ရ။
အတိုင်မလလောင်တြးလဝ် စရင်ကွးဘာမန် လုပ်သွဟ်လိက် ဗွဲသရောပ်မ္ဂး တန်အဘိဓရ် (၂၅၁၂) တၠ၊ တန်ဝင်ဟံသာဝတဳ (၉၀၆) တၠ၊ တန်ဝင်မုတ္တမ (၄၃၇) တၠ၊ တန်ဝင်သုဝဏ္ဏဘုံ (၃၆၁) တၠ၊ တန်ဝင်လိက်ပတ်မန် (၂၀၃) တၠ၊ တန်အခိုက်ကၞာမန် (၁၅၀) တၠ ဖ္အိုတ် ၄၅၀၀ တၠပြင်နွံမံင်ရ။
0 Comments