ဟိုတ်နူအသိင်ဗြဲဂူထတ်တုဲ ပ္ဍဲကၟိန်ဍုင်သေံ ဍာ်ဇၞော်တိုန်မံင်ဂှ်ရ မၞိဟ်ချိုတ်အာ ၁၃ တၠတုဲ လၟိဟ်မၞိဟ်ဗၞတ် ၂၁ ကိုဋ်ပြင် ဒှ်မံင်ဒဒိုက်ရောင် ပ္ဍဲတ္ရဲဏအ် (နဝ်ဝေမ်ဗါ ၂၅) ဌာန်ပရိုင်သေံဂမၠိုင် ချူဓမံက်လဝ်ရ။
ဒၞါဲဒေသဍာ်ဇၞော်ဂၠိုင်တအ်ဂှ်ဝွံ ပ္ဍဲတွဵုရးသံင်ခဠာ၊ သူရာတ်ဌာနဳ၊ ပါတ္တဏဳ၊ တာမ္မရာတ်၊ ယာဠာ၊ နရသဳဝါတ်၊ ဖက်သလောန်စတမ် ဖ္အိုတ် ဗၞတ် ၉ တွဵုရး ဍာ်ဇၞော်မံင်တုဲ အလဵုအသဳသေံကဵု ဂကောံရီုဗင်ပရေင်မၞိဟ်တအ် ဗိုင်ကရိုင်ကဵုမံင် သွက်ညးဒးဘဲဒဏ်ဍာ်တအ်နွံရောင် ဂးရ။
ဗွဲတၟေင် ပ္ဍဲကဵုတွဵုရးသံင်ခဠာဂှ် အလဵုအသဳသေံတအ် လလောင်တြးလဝ် အကာဲအရာတၟေင်တုဲ သွက်ဂွံကဵုရီုဗင်ဟံင်ပြာ် ကုညးဒးဘဲဒဏ်ဍာ်တအ်ဂှ် နူကဵုဂအုပ်က္ဍိုက်ပ်ဒပ်ပၞာန် က္ဍိုက်ပ်ရေင်တၠုင်အာဏောင် လလောင်တြးလဝ်ရ။
အတိုင်ပရိုင်သေံဂမၠိုင် ချူဓမံက်လဝ်မ္ဂး ပ္ဍဲတွဵုရးသံင်ခဠာ၊ ပွိုင်ဍုင်ဟာတ်ယာဲဂှ် ဍာ်ကလိုပ်အာ ကြပ်အလုံဍုင်မွဲတုဲ ညးဍုင်ကွာန်တအ် ဒးဂ္စာန်ပါဲဓလေတ်မံင်ဘဲဍာ်သၟးဟွံက ကွဳစက်ဂမၠိုင်၊ စမြိုင်ဇၞော်ဍောတ်ဂမၠိုင် ဆောံလေင်နွံဂၠိုင်မာန်ဏောင်ဂးရ။
