မိလျးထဝ် – ဒေသပယျဵုသေံကဵုဍုၚ်ဗၟာ ပွိုၚ်ဍုၚ်ပါ်ကျာ်ပိဝွံ ဗၠာဲသၟိၚ်လ္တူဍုၚ်ကျာ်ပိတံ ရပ်ထိၚ်ဂွံစက်လံၚ်ဇျှၚ် (ပန်းသီးပုံး) (၉) မ ကီုလေဝ် ကဵုဒုၚ်ဝန်ထပက်စၟတ်တဲတုဲ ကလေၚ်ဗလးကဵုပၠန်ရဂှ် ဂွံတီနူသၞာဲဒါရုၚ်အလဵုအသဳတံရ။
စက်လံၚ်ၛၚ်(internet)
သၞာဲဒါဂှ်
တ္ၚဲတေံအခိၚ်တ္ၚဲ ၜိုတ် ၁၁ နာဍဳဂှ် ဗၠာဲသၟိၚ်တံ အာရပ် အပ္ဍဲဝိုၚ်ဝေၚ် ၂ ဒၞာဲ သီဂွံစက်လံၚ်ဇျှၚ် (ပန်းသီးပုံး) ၉ မ တုဲ အပ္ဍဲအခိၚ် ၈ နာဍဳဗ္တံဂှ် ဗၠာဲသၟီတံ ဟွံကေတ်အရေဝ်မွဲသာ် ကလေၚ်ပအပ်ကဵု တၠဍေံပၠန်ရ
သာ်ဏံ ဟီုရ။
အတိုၚ်သၞာဲဒါ ဟီုမ္ဂး ကပေါတ်စက်ဝေၚ်ဇျှၚ်သီဂွံလဝ်တံဂှ် ဒှ်ကပေါတ်ဂကောံဒပ်မၚ်ပယျဵုကရေၚ်(BGF) တံ ဂးရ။
တုဲပၠန် လ္တူဍုၚ်ကျာ်ပိဝွံ စပ်ကဵု ပရေၚ်ဝေၚ်သြန်လံၚ်ၛၚ်ကေုာံ သွံရာန်ဂဥုဲၜူမာဲတံဂှ် ဇၞော်မောဝ်ကၠုၚ်မံၚ် အပ္ဍဲဒေသဝွံရ သာ်ဏံ ရဲဒေသဍုၚ်ကျာ်ပိတံ ပါ်ပဲါအိုတ်ရ။
ညးတာလျိုၚ်တံ စမံၚ်လာဘ်ဗဇဴတုဲ သွက်ပရေၚ်ဖောအ်ဗြေဝ် ဍုၚ်ကွာန်ကီု ပရေၚ်ဂီုကၠီု ကဵုပရေၚ်စသုၚ်မံၚ်စံၚ် ညးဍုၚ်ကွာန်တံကီုဂှ် မုလေဝ်ဟွံရေၚ်တၠုၚ်ကဵုပုဟ်
သာ်ဏံ ညးဟွံမိက်ထမံက်ယၟု ရဲဒေသကျာ်ပိမွတၠ ဟီုရ။
ဍုၚ်ကျာ်ပိဂှ် စနူ သၞာံ ၂၀၁၂ ကြဴနူ ညးဍုၚ်ကွာန် ကေုာံ ဗော်ကျဖောအ်တံ ဒစဵုဒစး ပတိုန်ကၠုၚ်လိက် ကုကၠတ်ထဝ်နေပျဳတဝ်တေံတုဲ စပ်ကဵုပရေၚ်ကမၠောန် ပရေၚ်လံၚ်ဝေၚ်တံဂှ် ဒးကၟာတ်ကၠုၚ်လဝ်နွံရ။
ၜိုန်ုဂှ်လေဝ် အပ္ဍဲသၞာံ ၂၀၁၃ မံက်ဏံဂှ် ဝိုၚ်ဝေၚ် စက်လံၚ်ဇျှၚ် (ပန်းသီးပုံး) တံ ဒၞာဲပြးဇး ကလေၚ်မံက်ကၠုၚ်မံၚ်နွံတုဲ မၞိဟ်ကၠောန်မံၚ်တံဂှ်လေဝ် ဗွဲတၟေၚ် ညးဗဒဗဒဲါမံၚ်ကဵု ဂကောံရပ်လွဟ်တံရ သာ်ဏံ ညးလ္ၚတ်မံၚ်ပရူ ပရေၚ်လံၚ်ဝေၚ်မွဲတၠ ဟီုလဴကဵုရ။
ပဲါနူအရာပ် ၃ တုဲ လ္ပာ်အရာပ်တၞဟ်ဟ်တံလေဝ် ဝိုၚ်ဝေၚ် စက်လံၚ်ဇျှၚ် (ပန်းသီးပုံး) ဂှ် နွံမံၚ်တၟာဂလိုၚ်ဏီ၊ ဆဂး စပ်ကဵုကိစ္စဏံတုဲ နူကဵုဌာနဆက်စပ်တံကီု ဗၠာဲသၟိၚ်တံကီုဂှ် ပရေၚ်ကေတ်အရေဝ် ဟွံမွဲကၠုၚ်ရ
သာ်ဏံ ညးဆက်ဟီုရ။
ဟိုတ်နူပံက်မံၚ် ဝိုၚ်ဝေၚ် စက်လံၚ်ဇျှၚ်တံတုဲ ညးဍုၚ်ကွာန်ဂမၠိုၚ် မပ္တံ ဒ္ဂေတ်ပဋိပတ်လီုလာ်၊ ပရေၚ်အိန်ထံၚ်လီုလာ် ကေုာံ ပရေၚ်ကမၠတ်ဒလတံ က္တဵုဒှ်က္တဵုဒှ်ကၠုၚ်နွံရ။
အပ္ဍဲဂိတုဂျုလာၚ် ၁ သၞာံ ၂၀၁၂ လောန်ကၠုၚ်ဂှ် စပ်ကဵုပံက်မံၚ်ဝိုၚ်ဝေၚ် အပ္ဍဲဍုၚ်ကျာ်ပိတုဲ ညးတာလျိုၚ် ဂၠိုက်ဂၠာဲစၟဳစၟတ်ကာတၟေၚ် ၄ တၠ (အထူးစုံစမ်း စစ်ဆေးရေး) နူကၠတ်ထဝ်နေပျဳတဝ်တံ ကၠုၚ်စိုပ်စၟဳစၟတ်လဝ်ကီုလေဝ် စပ်ကဵုကိစ္စဝွံဂှ် ပရေၚ်ကေတ်အရေဝ်မွဲသာ်လေဝ် ဟွံမွဲကၠုၚ်ရ သာ်ဏံ အပ္ဍဲဌာန်ပရိုၚ်ကရေၚ် ကေအာၚ်သဳ ထမံက်ထ္ၜးလဝ်နွံရ။
0 Comments