အပ္ဍဲသၞာံဘဏ္ဍာ ၂၀၁၆-၂၀၁၇ ဏံ သြန်အခေါန်တွဵုရးဍုၚ်မန် ကံက်ဂွံဂၠိုၚ်နူမရန်ကြန်လဝ်ဂှ်ဏီ

by ဌာန်ပရိုၚ်ဗၠးၜးမန် | Apr 10, 2017 | ပရိုၚ် | 0 comments

အပ္ဍဲသၞာံဘဏ္ဍာ၂၀၁၆-၂၀၁၇ တွဵုရးမန်ဏံ သြန်အခေါန် နူအခေါန် (၅) ဂကူဂှ် ကံက်ဂွံ (၁၂၂.၃) တၟံကၠံတုဲ ရံၚ်ကဵုလၟိဟ်ဏံမ္ဂး ကံက်ဂွံသြန်အခေါန် ဂၠိုၚ်နူကဵုမရန်လဝ် (လျာထားချက်ထက်) ဂှ်ဏီရောၚ် ဂွံတီကေတ် နူရုၚ်ဌာနက္ဍိုက်ပ်အခေါန် တွဵုရးမန်ရ။

ပ္ဍဲသၞာံဘဏ္ဍာ ၂၀၁၆- ၂၀၁၇ ဏံ နူအခေါန်ကမၠောန်ဗၞိက်၊ အခေါန်ဗၞိက်တၟေၚ်နာနာ(အထူးကုန်စည်ခွန်)၊ အခေါန် သြန်လုပ်(ဝၚ်ၚွေခွန်- အခေါန်နူညးမဂွံမပ္တံသြန်ဂိတု)၊ အခေါန်က္ဍိုပ်တဆိပ်(တံဆိပ်ခေါၚ်း-တဆိပ်ပ္ဍဲအရာချုက်လိက်)၊ အခေါန် (အောၚ်ဘာလေသိန်းဆု) တံဂှ် ကံက်ကေတ်အာ (၁၄၂၄၆.၉၉၆) ပြကောဋိကိုဋ်ရောၚ် ရန်လဝ် ဗၞတ်ဂလိုၚ်ဂှ်ကီုလေဝ် အခါရသၞာံဘဏ္ဍာအိုတ် ဗက်ကံက်အခေါန်ဂှ် က္လိဂွံသြန်အခေါန် (၁၇၄၂၀.၀၃၀) ပြကောဋိကိုဋ်ဒကေဝ်ရ။

ဌာနက္ဍိုက်ပ်အခေါန်ဂမၠိုၚ်အပ္ဍဲဍုၚ် (Internet)

“ဟီုကဵုတၟံကၠံမ္ဂး ကံက်ဂွံလဝ် ၁၂၂.၃ တၟံကၠံယျတှေ် ပြၚ်အာတၟံကၠံပေၚ်ၚ် (ၜက်အာ ၁၀၀ တၟံကၠံ) ဣရဟီုစဂွံ။ ၜိုတ်ထေက်ကဵုဂွံဂှ် ဗက်ကံက်ကေတ်ပေၚ်ၚ်ဖအိုတ်တှေ် က္လိဂွံဂၠိုၚ်နူမရန်လဝ်ဂှ်ဏီရ။ အခေါန်သၞာံဏံ ဂွံဂၠိုၚ်နူသၞာံအာတေံဏီ” သာ်ဝွံ ဥူတာန်ဝေန် ဒု သ္ကိုပ်စၞောန်ပ္ညုၚ် နူဌာနက္ဍိုက်ပ်အခေါန် တွဵုရးမန် ဟီုရ။

ပ္ဍဲသၞာံဘဏ္ဍာ ၂၀၁၆-၂၀၁၇ ဏံ ပ္ဍဲအခေါန် ၅ ဂကူဂှ် ရန်လဝ်သွက်ဂွံကံက်ကေတ် ပ္ဍဲကမၠောန်ဗၞိက်ဂှ် သြန်ဒကေဝ် ၅၀၀၀ ပြကောဋိကိုဋ်ပြၚ်၊ ပ္ဍဲဗၞိက်တၟေၚ်နာနာဂှ် ၆၃ ပြကောဋိကိုဋ်၊ ပ္ဍဲညးနွံကဵုသြန်လုပ် (ဝၚ်ၚွေခွန်- အခေါန်သြန်လုပ်) ဂှ် ရ၀၀၀ ပြကောဋိကိုဋ်ပြၚ်၊ ပ္ဍဲအခေါန်တဆိပ်ဂှ် ရ၀၀ ပြကောဋိကိုဋ်ပြၚ်၊ ပ္ဍဲ (အောၚ်ဘာလေသိန်းဆု) ဂှ် ၁၂၀၀ ပြကောဋိကိုဋ်ပြၚ်ရ။

ဆ္ဂး ကာလဗက်ကံက်အခေါန် ပ္ဍဲသၞာံဘဏ္ဍာအိုတ်ဏံဂှ် ဂွံဂၠိုၚ်နူမရန်လဝ်ဂှ်ဏီတုဲ ပ္ဍဲကမၠောန်ဗၞိက်ဂှ် ဂွံအခေါန်သြန်ဗၟာ ၆၈၀၀ ပြကောဋိကိုဋ်ပြၚ်၊ ပ္ဍဲဗၞိက်တၟေၚ်နာနာဂှ် ဂွံ ၁၁၀ ပြကောဋိကိုဋ်ပြၚ်၊ ပ္ဍဲအခေါန်သြန်လုပ်ဂှ် ဂွံ ၈၂၀၀ ပြကောဋိကိုဋ်ပြၚ်၊ ပ္ဍဲအခေါန်တဆိပ်က္ဍိုပ်လိက်ဂှ် ဂွံ ၈၀၀ ပြကောဋိကိုဋ်ပြၚ်၊ ပ္ဍဲအခေါန် (အောၚ်ဘာလေသိန်းဆု) ဂှ် ဂွံ ၁၂၇၀ ပြကောဋိကိုဋ်ပြၚ်ရောၚ် ဂွံတီကေတ် အတိုၚ်စရၚ် ရုၚ်ဌာနက္ဍိုက်ပ်အခေါန်တွဵုရးမန်ကီုရ။

ပ္ဍဲသၞာံဘဏ္ဍာ ၂၀၁၆-၂၀၁၇ တွဵုရးမန်ဏံ အခေါန်လ္ၚဵုလ္ၚဵု ဟိုတ်နူဟိုတ်နာနာသာ်တုဲ အပ္ဍဲအခိၚ်မကဵုလဝ်အပိုၚ်အခြာဂှ် ပၠောပ်အခေါန်ဟွံမာန်ဏီတုဲ အခေါန်ဂတှ်သှေ် ၜိုန်နွံကီုလေဝ် နွံဂလိုၚ်လဵုဏီရောဂှ် ဟဂွံတော်တၟော်ဏီတုဲ ကေတ်ဟွံဒးဏီ ဥူတာန်ဝေန် ဆက်ဟီုရ။

ပ္ဍဲတွဵုရးမန်ဏံ အဃောသၞာံဘဏ္ဍာ ၂၀၁၅-၂၀၁၆ တေံ က္လိဂွံသြန်အခေါန် (၁၁၇၄၇.၁၃၈) ပြကောဋိကိုဋ်ဒကေဝ်ကီု ဂွံတီကေတ် နူရုၚ်ဌာနက္ဍိုက်ပ်အခေါန် တွဵုရးမန်ကီုရ။

← ဟိုတ်နူဍာ်သမၟုဲမတိတ်ကၠုၚ်နူရုၚ်စက်ထ္ၜိုတ်တုဲ ညးဒေသပွဳပွူတံ ဒှ်အခက်ကဵုဍာ်သွုၚ်ဍာ်လွပ် တရဴၜိုဟ်လလံဂှ် ဆုတ်စှေ်အာဟွံသေၚ်ဏီ သာၚ်ကျဝ်ညောအ် ဟီု →

Written by

ရေင်တၠုင်ဗမံက်အာရုပ်ရဴ ပံင်တောဲပရေင်ပၞာန်ဏံဂှ် သွက်ဂွံဒှ်အထံက်အရီု ကဏ္ဍသွာင်ပရေၚ်ဍုင် ကွာန်ရောင် ညးအခေါင်ဟီုဂး ဗော်ဍုင်မန်တၟိ (AD) ဟီု

by ဌာန်ပရိုၚ်ဗၠးၜးမန် | Dec 21, 2024 | ပရိုၚ်

နူကဵုဒပ်ပၠန်ဂတးဂကူမန် ၄ ဒပ်တံ ချဳဒရာင်ပံင်တောဲအာပရေင်ပၞာန်ရောင်ဟီုဂှ် သွက်ဂွံဒှ်အထံက် အရီု သၟဝ်ဂၠံၚ်တရဴကဏ္ဍပရေင်ဍုင်ကွာန်ဘုံလတူတေံရောင် ညးမၞုံအခေါင်ဟီုဂး ဗော်ဍုၚ်မန်တၟိ (ဗတိုက်သရိုဟ်တၠအဝဵုပၞာန်) NMSP-AD နာဲဂံင်သကာ ဟီုရ။

ပ္ဍဲဂကူမန် ဗော်၊ ဂကောံ ရီုဗင်ဒဒိုက်သၞာကောန်ညးဍုၚ်ကွာန်မန်ဂှ် ဣလဵုရော?

by ဌာန်ပရိုၚ်ဗၠးၜးမန် | Dec 18, 2024 | ပရိုၚ်

ဂကူမန်ဂှ် ဒှ်ဂကူမၞုံကၠုၚ်ကဵုဝၚ် ဗွဲမခိုၚ်ကၠိုက်တုဲ ကောန်ဂကူမန်ပိုဲတံ ကေတ်စမံၚ်စရာဲအိုတ်ရ။ ဂကူမန်ပိုဲ ဗွဲမဂၠိုၚ်ဂှ် ၜိုန်ရဒှ်မံၚ်ဘဝဍိက် ဟွံမွဲကဵုဍုၚ်ဗၠးၜးကီုလေဝ် ဘဝၚ်စိုတ်သၠုၚ်မံၚ်တုဲ ဂကူညးတၞဟ် ညံၚ်ကဵုၜိုတ်ဂကူမန်ဇကုဟွံဒှ် ကေတ်စမံၚ်စရာဲ လ္တူဇကုဇကုဂှ် လ္ရတ်ရံၚ်ချိုတ်တ်ပၠိုတ်မ္ဂး ဂွံတီကေတ်မာန်ရ။

သၠုင်ပ္တိုန်လဝ်ဩန်ဂိတုကီုလေဝ် ဂၠာဲသၞာဲဒဴဝါတ်တုဲ ကမၠောန်ဒှ်ခက်ခုဲ

by ဌာန်ပရိုၚ်ဗၠးၜးမန် | Dec 17, 2024 | ပရိုၚ်

အပ္ဍဲကဵုကာလ အကာဲအရာ ပရေင်ဍုင်ကွာန်ရုသံင် ပေဲါပၞာန်ကတဵုဒှ်ဒၟံၚ်ဇဳဒိုဟ်ဏံဂှ် သၠုင်ပ္တိုန်လဝ်သြန်ဂိတုကီုလေဝ် ဂၠာဲသၞာဲဒဴဝါတ်တုဲ တၠကမၠောန်ပြင်ပလံင်ဩန် နကဵုမိုဝ်ဗာင် ဒေသလ္ရဵုတံ ဒှ်မံင်ခက်ခုဲနွံရောင် တၠကမၠောန်မွဲတၠဂှ် ဟီုရ။

0 Comments

Submit a Comment Cancel reply

This site uses Akismet to reduce spam. Learn how your comment data is processed.