လ္ပာ်ဂကောံပၠန်ဂတးတအ်ကီု လ္ပာ်ကမ္မယှေန်ပၞာန်တအ်ကီု ဗက်ဆဵုဂဗဒၟံၚ်ကဵု ဂကောံနာနာတအ်တုဲ လ္ပာ်ညး လ္ပာ်အဲ ဟီုတွံပြိုၚ်ကဵုဒၟံၚ်ဇြဟတ်ဓရိုဟ် ကုညးဍုၚ်ကွာန်တအ်နွံရောၚ် ညးဒေသတအ်ဟီုရ။

နူကဵုညးဍုၚ်ကွာန်တအ် မုချူ မုဟီုဂး လတူသဵုယှေဝ်မဳဒဳယာ Social media ဂှ် နကဵုကမ္မယှေန်ပၞာန်တအ် မၚ်ရံၚ်မံၚ် ပွိုၚ် (၂၄) နာဍဳနွံတုဲ ပွမချူဟီုဂး လတူလပှ်ကျာဂှ် ဒးစွံသတိထေက်ရောၚ် တၠကွတ်အ္စာကဵုမံၚ်တန်ဗ္တောန် ကွတ်အာၚ်တဳ (Information Technology- IT) လတူဍုၚ်မတ်မလီုမွဲတၠ ဟီုကဵုသတိရ။

တိုက်ဩန်ဗေန်ဂမၠိုၚ်တအ် ဟွံပ္တိတ်ကဵုဩန်ဂၠိုၚ်ဂၠိုၚ်တုဲ တၠကမၠောန်ကၠောန်ပရေၚ်ပိုန်ဒြပ် ဇၞော်ဇၞော်တအ် ဒှ်မံၚ်ခက်ခုဲကဵု ကမၠောန်နွံရောၚ် တၠကမၠောန်ဆေၚ်ထဝ် ဍုၚ်မတ်မလီုမွဲတၠ ဟီုရ။