ပေဲါရုဲမာဲ ကံၚ်သဳပၞာန်တအ် ရန်လဝ် သွက်ဂွံကၠောန်ဗဒှ်အာ ကၠာသၞာံ (၂၀၂၅) ဟွံအိုတ်ဏံဂှ် သွဟ်ဍာံ သွက်ပဋိပက္ခ ပရေၚ်ဍုၚ်ကွာန်ကၟိန်ဍုၚ်ဗၟာ ဟွံသေၚ်ရောၚ် သၟာပရေၚ်ဍုၚ်ကွာန်မန် ဗွိုၚ်မ္ၚးဗော်မွဲတၠ ဟီုရ။

ဂကောံညဳသၟဟ်ရာမည ဖျေံသ္ဇိုၚ်ဍုၚ်ဖူကေတ် ကၟိန်ဍုၚ်သေံဝွံ ရန်ကဵုကောန်ဂကူမန်မၞုံဍုၚ်သေံတအ် ဂွံညဳသၟဟ်၊ ဂွံဒှ်မွဲဂကောံမွဲဇြဟတ်ရောၚ်ဂးတုဲ သွက်ဂွံရေၚ်တၠုၚ်ချဳဒရာၚ်ပံၚ်အာတောဲကု ဂကောံမှာဇန်မန် မၞုံဍုၚ်သေံဂမၠိုၚ်နွံရောၚ်ဂှ် ညးတာလျိုၚ်ဂကောံညဳသၟဟ်ရာမညတအ် သ္ဂးလဝ်ရ။

ဒူရေန် (ဆက်မတ်) စတိတ်တၟိတၟိကဵု ဒူရေန်တိတ်လဇုဲဂှ် ၚုဟ်ခြာဒၟံၚ်ကဝက်တုဲ ကၠအ်ဒူရေန်တိတ်ပြဟ်တအ်ဂှ် ဒှ်ပရေၚ်ပိုန်ဒြပ်ခိုဟ်ခိုဟ်မွဲရောၚ် တၠကၠအ်ဒူရေန်မွဲတၠဂှ် ဟီုရ။