နူဌာနပရိုၚ် ဒး၊ ဟွံဒး၊ ဒးချပ်ပိုဲတအ်ကလေၚ်စၟဳစၟတ်ရံၚ်တုဲ ပရိုၚ်ဒဒှ်ရပၞာန်ရုယှာတအ်ရပ်ဏာဏံဂှ် ဒှ်မံၚ်ပရိုၚ်ဗၠေတ်တ်မွဲဂှ် ပိုဲစၟတ်သ္တီလဝ်ရ။ မုဟိုတ်ဂွံစၟတ်သ္တီလဝ်ပရိုၚ်ပတောံမွဲဂှ်တှေ်ဗီုပတိုန်လဝ်တအ်ဂှ် ဂၠိုက်ဂၠာဲရံၚ်နကဵုနဲကဲ​စၟဳစၟတ်ဗီုပ္ဍဲ “google”ဂှ်တုဲ ပရိုၚ်ပြးတိတ်ကၠုၚ်မံၚ်လၟုဟ်ဏံဂှ် ကလေၚ်စၟဳစၟတ်ရံၚ်တၚ်နၚ်ပရိုၚ်တအ်ဂှ်တုဲ ဒဒှ်ရပရိုၚ်ဗၠေတ်တ်မွဲဏောၚ်ဂှ် ညးတာလျိုၚ်ဂကောံ(နေတိုး) “North Atlantic Treaty Organization-NATO”တအ် ကလေၚ်သောၚ်ကလးလဝ်ကဵုဌာနပရိုၚ် “Reuters”တအ်နွံရ။

ခေတ္တညးဒေါံဇူယိုက်ဂၠေၚ်ဝန် အလဵုသဳ(CDM)တအ်ဂှ် ညံၚ်သြန်လၟေၚ်ဂိတုဂွံသၠုၚ်တိုန်အာမာန်ဂှ် က်တာဇြဝ်ဝေသဵု (ဒေါက်တာဇော်ဝေစိုး)တအ် ချပ်စီဇန်မံၚ်ဂးတုဲ Postပတိုန်လဝ်သီုကဵုဗီုမွဲတၞးဂှ် ပြးတိတ်အာ အကြာညးသုၚ်စောဲ မုက်လိက်facebookတအ်မွဲအလန်ပၠန်ရ။ စပ္တံနူရဲကၠောန်ဗဒှ်ပရိုၚ်ပတောံတအ် ပတောံပတိုန်လဝ် လိက်လလောၚ်တြးရုၚ်အလဵုသဳပတောံဂှ်တုဲ နူဂှ်မွဲကဆံၚ် ပရိုၚ်ဂှ်စပြးတိတ်အာရ။