တ္ရဲကောန်ဂကူမန် မရနုက်ကဵု ၇၈ ဝါ အလုံပွိုင်ဍုင်ရေဝ်ဂှ် ပ္ဍဲသၞာံဏံ ကၠောန်အာပ္ဍဲဌာနဇြပ်သ္ဘင်ဓရ်မန် လ္တူဍုင်ရေဝ်ဏောင် ဂွံတီကေတ်ရ။

ဒပ်ပၞာန်မစပတမ်ကၠုင်လဝ် နကဵု “သၟတ် ၂၆ တၠ ကဵု လွဟ်မွဲဇကိုအ်” အေအေဂှ် အခိင်လၟုဟ် ပ္ဍဲကဵုဒပ်ပၞာန်ရပ်လွဟ် ဂကူကောန်ဍုၚ်အရင်ဂမၠိုင် စိုပ်အာအဆံင် ဒြဟတ်ဇၞော်အိုတ်ရောင် သာ်ဝွံ ညးခါတ် အကာဲ ပရေင်ပၞာန်လ္ၚဵု ဟီုပ္တိတ်ကၠုင်နွံရ။

နူကဵုဒပ်မန် ၄ ဒပ်ဂှ် သ္ပကောံဓရီုသဳကၠဳတုဲ “ပံက်ပ္တိုန်အာ ကရောင်ပၞာန်ပံင်တောဲရာမည” ရောင် တုဲကၠုင်ဂိတုဂျာန်နဝါရဳ (၁၉) ဂှ် နူကဵုဒပ်မန် (၄) ဒပ်တံ ပတိတ်လိက်လလောင်တြးတုဲ ဇၟာပ်ဂကူမန်အလုံလိုက် ဒှ်ဇြဟတ်တုဲ ထံက်ဂလာန်ဒုင်တၠုင်အိုတ်ရ။

ကၠအ်ထၜိုတ် မၞုံဒၟံင်မွဲဒမြိပ်ဗွိုင်ဂၠံင်ကျာ်ပိ-ဇြပ်ဗု ဒေသကွာန်ယျေဝ်တဂေါန်ဂှ် ရဲခွါတ်ထၜိုတ်တံ ဖေက်ဘဲမခတိုဟ်တုဲ ဒဵုကဵုအခိင်တၞးပြဟ် ကၟာတ်ထၜိုတ်ဏံ ဟွံဂံင်အာကၠအ်ဏီရောင် တၠကၠအ်တံ ဟီုရ။

ၚုဟ်ထဝ်သွက်ဂွံတိုန်ဂှ် ဂၠံင်ဟွံမွဲ နူကဵုဥက္ကဌဂကောံတၠကမၠောန်ထဝ်လ္ဂုင် ဥူမျိုဝ်မျေအ် ဟီုကီုလေဝ် ၚုဟ်ထဝ် မ္ၚးဏံနတဲဍာံဍာံဂှ် တိုန်ဒှ်မံင် လျိုၚ်မွဲဒ္ကေဝ် စဵုကဵု ၆၀ ကိုဋ်ပြၚ်ရောင် ဂွံတီကေတ်ရ။

လက္ကရဴနူသၞာံ ၁၉၉၅ သွက်ဂွံတက်ကျာသဳကၠဳ ဒက်ပ္တန်အာဇြဟတ်ပရေင်ပညာ၊ ပရေင်ပိုန်ဒြပ်၊ ပရေင်ထတ်ယုက်တုဲ ဗော်ဍုၚ်မန်တၟိ ဒေါံကၠုင်ပန်ပှော်ကဵု တၠအဝဵုပၞာန်ဗမာတအ်ရ။ နူဗော်ဍုၚ်မန်တၟိ ဒေါံကၠုၚ်ပန်ပှော်တုဲဗက် စပ္တံနူရုင်ဆက်ဆောံဗော်ဍုၚ်မန်တၟိ၊ ရုင်ပိုန်ဒြပ်ဗော်ဍုၚ်မန်တၟိကီု အာစိုပ်ဖျေံကၠုင် လ္တူဍုင်ဇၞော်ဗီုကဵုဍုင် လ္ဂုၚ်၊ မတ်မလီုတအ်တုဲ နူဂှ်မွဲအဆံၚ် ကၠောန်ကၠုင်ပေါဲဆဵုဂဗ သောင်ကလး ကုညးဍုင်ကွာန် လ္တူဂၠံင်တရဴဗော်တအ်ရ။ ဟီုဍန်ဍန်မ္ဂး စနူတ္ၚဲဝွံတုဲ အခေါၚ်အရာဂကူမန် ၜိုတ်ကေတ်ဂွံ ၜိုတ်ကၠောန်ဂွံဂှ် ကၠောန်အာကေတ်အာရောင် ပ္တဝ်ကၠုၚ်က္ဍိုပ်ရ။