လှုဲရပ်စပ်သုင်စောဲမံင် ပ္ဍဲကၟိန်ဍုင်ဗၟာပိုဲတအ်ဏံဂှ် လှုဲအတာန်ၜါလက် ကဵုအတာန်မသုန်လက် တိတ်ကၠုၚ်ရောၚ်ဂးတုဲ ပရိုင်ကောလဟလ မံင်တိတ်ကၠုင်မံင် အကြာညးဍုင်ကွာန်တအ်ရ။ ဟိုတ်ဒှ်သာ်ဂှ်ရ ညးဍုင်ကွာန်လ္ရဵုတအ်လေဝ် ဒှ်ကၠုင်မံင်သံသယ လ္တူပရိုင်ကောလဟာလဂှ်ရ။

ပရိုင်”ပ္ဍဲလ္တူဍုင်လ္ဂုင် လ္ပာ်ဗၟံက်ဂှ် ဂကူစၟယဲတၟိ ကော်Omicrenဂှ် ကၠောံထၞာန်ဒးအာပ္ဍဲမၞိဟ်မွဲဂးတုဲ ပရိုင်ပတောံမံင်တိတ်ကၠုင်” ဂှ်ဒဒှ်ရပရိုၚ်ဗၠေတ်တ်မွဲဂှ် နူကဵုဌာနပရိုင် ညးစၟဳစၟတ်ပရိုၚ် ဒး၊ ဟွံဒးပိုဲတအ်လေဝ် ပရိုင်ဂှ် ဒးဒှ်ရပရိုင်ပတောံမွဲဂှ် မိက်ဂွံပတိုန်ထ္ၜးနကီုရ။ ပရိုင်ဂှ်မုဟိုတ် ဂွံစၟတ်သ္တီလဝ် ပရိုင်ပတောံမွဲဂှ်တှေ် ပရိုင်ဂှ်တိုန်ဂွံ ၜိုန်မွဲချိင်ခဏဓရ်ဟေင်ရ နူကဵုpageညးတအ် ကလေင်သောင်ကလးလဝ်နွံကီုရ။

ဗီုပြင်ချူတိုန်လဝ် ပရိုင်ဂှ်တှေ် ကွဳစက်ကာၜါမဂှ် ဒဳဗက်ကၠုင်ကဵုအသိင်တုဲ က္ဍိုပ်ကာၜါမဂှ် ဇီုဒးလဝ်ညးသ္ကအ်ဂှ် ရဲချူပရိုင်ပတောံတအ် ကၠောန်ဖန်ပတောံလဝ် ညံင်ရဴ “ ကွဳစက်ကာစကိုပ်ဗျူဟာမွဲတၠ အဃောလုပ်ကၠုင်ဒၟံင် ဍုင်သဝ် ဂှ် ညးဒေသမွဲတၠ ဒုင်ဗဇီုထောံကဵုကားညးတုဲ ပ္ဍဲအခိင်ဇီုဒးညးသ္ကအ်ဂှ် သီုကဵုစကိုပ်ဗျူဟာဂှ်တှေ် မၞိဟ်ချိုတ်အာပန်တၠ’’ဂးတုဲ ထမံက်ထ္ၜးလဝ်ရ။

ညးမင်မွဲ အန္တရာယ် ဒဝ်အံင်သာန်သုကျဳမွဲတၠ မၞုံယၟုချေဝ်ရီထိတ် ဝွံ ဒးဒုၚ်ရပ်စုတ်ထံင် ပွိုင်(၆)သၞာံဂးတုဲ ပရိုင်ပတောံတအ် ပြးတိတ်ကၠုင်မံင် လ္တူSocial Media ရ။ ပရိုင်ဂှ်ဒဒှ်ရ ပရိုၚ်ပတောံမွဲဂှ် နူကဵုဂကောံစၟဳစၟတ်ပရိုင်ဒး၊ ဟွံဒးပိုဲတအ်လေဝ်စၟဳစၟတ်လဝ်နွံကီုရ။

လွဟ်မြက်နူကဵုရမျာင် ၅ဆဂှ် ပၞာန်ဗမာတအ် စမ်ၜတ်လဝ်ဂးတုဲ postပရိုင်ပတောံမွဲပိုဒ် မံက်ကၠုင် လ္တူမုက်လိက် facebookရ။
ပရိုင်ဂှ်ကေတ်နၚ်လဝ် နူကဵုဌာနပရိုင် VOA Burmese News တအ်တုဲ ပရိုင်ဂှ် ကလေင် ပၠေဝ်တ်လဝ် တုဲ ‘’လွတ်မြက်နူမျာင် ၅ဆဂှ် ပၞာန်ဗမာတအ် စမ်ၜတ်လဝ်’’ဂးတုဲ ပ္ဍဲကဵုဂိတု နဝ်ဝေမ်ဗာ စၟတ်တ္ရဲ ၂ ဂှ် နူကဵုအကံက် ဥူအံင်ဇေယျ ပတိုန်ထ္ၜးလဝ်postဂှ် ဂွံဆဵုကေတ်ရ။

ပ္ဍဲခေတ်ကာလလၟုဟ်ဂွံ ဒှ်မံင်ခေတ်Social Mediaမွဲတုဲ ရဲသုင်စောဲ Social Mediaတအ်လေဝ် ဂၠိုင်မံင်ဂှ်ရ ပရိုင်ကောလဟာလ၊ ပရိုင်အလီ၊ ပရိုင်ဗၠေတ်တ်တအ်လေဝ် ဗွဲမသကာတ်မြဟ် မံက်ဂတဝ်တိတ်ကၠုင်မံင်ဂှ် ပိုဲတအ် ဂွံဆဵုကေတ်ရ။
ပရိုင်ကောလဟာလ၊ ပရိုင်ဗၠေတ်တ်တိတ်မံင်တအ်ဂှ် ညံင်ပိုဲဂွံတီကၠး၊ ပါဲပါ်မာန်ဂှ် ပိုဲစွံသတိ၊ ကၠောန်ရံင် နကဵု နဲကဲ(၅)တင်ဏံကၠာမ္ဂး ပိုဲတီကၠိုဟ်ကေတ် လ္တူပရိုင်ပတောံတအ်မာန်ရ။