လတူပရိုၚ်တြးဇးဒၟံၚ်လတူ Social Media တံကီု၊ ပ္ဍဲ သေပ်သာ် website တံကီု ဒဒှ်ပရိုၚ်ဏံ ဍာံပြဂလိုၚ်လဵု၊ လုပ် သၞောဝ်ဗီုပြၚ်လဵု၊ ပရိုၚ်ဍာံဍာံရဟာ၊ ပရိုၚ်ပတောံဟာ၊ ပရိုၚ်တြးဝါ- ပရိုၚ်ဖျေံဂုန်သိက္ခာညးသ္ကံဟာ ဂွံလ္ၚတ်ဂၠိုက်ဂၠာဲဒး တုဲ ပတိုန်ထ္ၜးကဵု နဲကဲဂွံလ္ၚတ်ဂၠိုက်ဂၠာဲ ၅ တၚ်ရ။

ပ္ဍဲကဵုပရိုၚ်ဂှ် “ဒပ်ပၞာန်တအ် ဒက်ပတန်လဝ် အလဵုအသဳမၚ်သ္ၚိ (အိမ်စောၚ့်အစိုးရ) ယျဏောၚ်” သာ်ဝွံ ချူပတိုန် လဝ်ရ။ ပရိုၚ်ဝွံ ဒဒှ်ရ ဒပ်ပၞာန် (အလဵုအသဳ) တံ ဒပတန်လဝ် အလဵုအသဳမၚ်သ္ၚိ ဟီုဂှ် ပ္ဍဲကဵုမုက်လိက် ဒပ်ပၞာန်ဂှ် လေဝ် ဟီုဂးလဝ်ဟွံမွဲရောၚ်၊ အကံက် “သီရိ” ဏံဂှ် ဒှ်ဒၟံၚ်အကံက်ယၟုဒမၠုက် (ဓလုက်) ပ္တောံမွဲတုဲ ဗက်ချူပ္တိုန်ဒၟံၚ် ပရိုၚ်ပ္တောံကီု၊ ပရိုၚ်ပရူပရာဒပ်ပၞာန်ပရေံကီုဂှ် နူကဵုကဏ္ဍ “ဒး – ဟွံဒး တုဲ ချပ်” ပိုယ်တအ် ဂၠိုက်ဂၠဲါ စၟဳစၟတ်လဝ်ရ။

ပ္ဍဲကဵုပရိုၚ်ပ္တောံဂှ်တှ်ေ “ နူကမ္မယှေန်ပေဲါရုဲမာဲ UEC ဂှ် ဒပ်ပၞာန်တအ် ရာန်လဝ်လွဟ်လက်နက် သုၚ်စောဲလဝ် (ဘက်ဂျက်) တအ်ဂှ် ယဝ်ခါရ ဂွံအခေါၚ်စၟဳစၟတ်စရၚ်သြန်ဏောၚ်တှ်ေ လိက်စရၚ်ပေဲါရုဲမာဲတအ်ဂှ်လေဝ် လးထ္ၜးကီုဏောၚ်” သာ်ဏံ အရေဝ်ဏံဂှ် နူကမ္မယှေန်ပေဲါရုဲတအ် ဟီုဂးလဝ်ရောၚ်ဂှ် နူကဵုအကံက် “DM Uym Dkn” ဏံတုဲ ပရိ်ုၚ်ဏံဂှ် ပရိုၚ်ပ္တောံဏောၚ်ဂှ် နူကဵုကဏ္ဍ “ဒး – ဟွံဒး တုဲ ချပ်” ပိုယ်တအ် ဂၠိုက်ဂၠဲါ စၟဳစၟတ်လဝ်ရ။

ဇေတ်ဇေတ်ဍေံတေံသၞောဝ်ဓဝ်ဂှ် ဍေံနွံမံၚ်ရ လ္တူရဲဒးဒုၚ်ဇီုပိုက်လဝ်ဂှ် ဗီုဟီုလဝ်နူကလၚ်တေံဂှ်ရ ဒးကေတ်အရေဝ်သၞောဝ်ဓဝ်လေဝ် ဒးကေတ်ထေက်လေဝ် ဠဂှ်မှဍေံဂွံအောန်စှ်ေ၊ဍေံဂွံ ကၠေံကၠက်အာမာန်ဂှ်ကၞောတ်ဍေံအိုတ်ဂှ်တှ်ေ ဍေံဒးအာကဵုသၞောဝ်ဓဝ်လေဝ်၊ ကၠာဍေံဟွံစိုပ်သၞောဝ်ဓဝ်တှ်ေ ဗွဲမဓဝ်ကၠိုဟ်ခၠၚ်မွဲကဵုမွဲတှ်ေသဟ်ခၠေဝ်ညးသကအ်မွဲကဆံၚ် ဠဍေံကြံၚ်တိုန်နူဂှ်ဏောၚ်တှ်ေ ဒးအာကဵုသၞောဝ်ဓဝ်တှ်ေ ဒးအာဏောၚ် ။

ပ္ဍဲကဵုရုၚ်မာဲ စၟတ်(၁) ဂှ် မၞိဟ်ဂွံအခေါၚ်ကဵုမာဲဂှ် နွံလၟုဟ်မၞိဟ် (၈၇၂)တၠဂှ် ပ္ဍဲကဵု ကၠတ်ထဝ်ကောန်ဂကူဂှ် မၞိဟ်ကၠုၚ်စုတ်မာဲ နွံ (၈၇၇) တုဲ ပ္ဍဲကဵုကၠတ်ထဝ်ညးဍုၚ်ကွာန်ဂှ် မၞိဟ်ကၠုၚ်စုတ်မာဲ နွံ (၈၇၇)တုဲ အပံၚ်(၂)ဂှ်တှ်ေ မမာဲပဵုမံၚ် (၁၀)မ ရောၚ်ဂှ် ”
သာ်ဏံ ဟီုဓမံက်လဝ် ပ္ဍဲကဵုအကံက် “အမှန်တရား” ဏံတုဲ ပရိ်ုၚ်ဏံဂှ် ပရိုၚ်ပ္တောံဏောၚ်ဂှ် နူကဵုကဏ္ဍ “ဒး ဟွံဒး တုဲ ချပ် ပိုယ်တအ် ဂၠိုက်ဂၠဲါ စၟဳစၟတ်လဝ်ရ။

နူကဵုဂကောံ ပေဲါရုဲမာဲကၟိန်ဍုၚ် UEC ဏံ ကၠာဟွံဂွံပေၚ် ၄၅ တ္ၚဲဂှ် ပတိုန်လဝ်လိက် နုက်တိတ်နွံမံၚ်ရောၚ်ဂှ်” ညးတေံ ချူပတိုန်လဝ် လ္တူမုက်လိက် Facebook ညးတေံတုဲ ပြးတိတ်မံၚ် ၂၇၂ တၠတုဲ မၞိဟ်ကဵုလဝ် comment ဂှ် နွံ ၄၉ တၠနွံရ။ အကံက်ဏံဂှ် ဒှ်မံၚ်အကံက် ချူပတိုန်လဝ် ပရိုၚ်ပ္ဍဲကၟိန်ဍုၚ်ပိုယ်တအ် ဆေၚ်စပ်ကဵု ပရူပရာ NLD ပရေံကီု၊ ပရူဒပ်ပၞာန်ပရေံကီု၊ လက္ကရဴဏံတှ်ေ ချူပတိုန်ကၠုၚ်လဝ် ပရူပရာ UEC တအ် ဗွဲမဂၠိုၚ်ဂှ်လေဝ် ဂွံဆဵုကေတ်ရ။ တုဲပၠန် ပရိုၚ်နူကဵုအကံက်ဏံဗွဲမဂၠိုၚ်ဂှ်လေဝ် ချူပတိုန်လဝ် ဗီုပြၚ်ပရိုၚ်ဇေတ်တ်မွဲပိုဒ်ဂှ်လေဝ် နွံမံၚ်ရ။