ပ္ဍဲတိဍာ်ပယျဵုအကြာအိန္ဒယကဵုကၟိန်ဍုၚ်ဗၟာဂှ် အာစာၝောံနူဘာသၟဝ်တဲ NUGနူကဵုဍုၚ်တမူ(တမူးမြို့)မွဲတၠ မၞုံယၟုဒဝ်မိုဝ်မိုဝ်ဨဂှ် ဟိုတ်နူကဵုညးဒဒုၚ်ပလီုပလာ်ထောံဂှ်ရ ဇကုညး ညးဂွကဵုညးတၞဟ်တုဲ ညးစဳရေၚ်ဂစိုတ်ထောံဇကုညးဂးတုဲ ပရိုၚ်ပတောံမွဲပိုဒ်ဂှ် ဗွဲမဒှ်လၞီအောန်စိုတ် မံက်ပြးတိတ်ကၠုၚ်ဒၟံၚ် အကြာညးသုၚ်စောဲ Social Media တအ်ရ။
စုတ်လဝ်ကပေါတ်ဗက်ဒၞာဲဇိုၚ်ကဵုဂြိုဟ်ပတောံ(ဂြိုလ်တု)ဂှ် ပ္ဍဲလကြဴစးဂစေံအနၚ်မွဲဂှ်တုဲ ဒဒှ်ရ ပ္ဍဲပွိုၚ် ၂၀ သၞာံဏံ တရဴဂစေံဂှ်ပဝ်အာလဝ်တအ်ဂှ် နူကဵဵုဂြိုဟ်ပတောံဂှ်မွဲကဆံၚ် သမ္တီပတိတ်ဂွံနၚ်လဝ်ဗီုတိ(မြေပုံ) တရဴဂစေံဂှ် ပဝ်အာကၠုၚ်လဝ်တအ်ဂှ်ဂးတုဲ post ပတောံမွဲပိုဒ်ဂှ် မံက်ပြးတိတ်ကၠုၚ်မံၚ် အကြာညးသုၚ်စောဲ social media တအ်ရ။ ပ္ဍဲကဵဵုပရိုၚ်ဂှ်တှေ် သွက်ညးဗှ်လိက်ပရိုၚ်တအ် ညံၚ်ဂွံထေၚ်ဗၠေတ်အာမာန်ဂှ် တၚ်နၚ်ဗၠေတ်တ်တအ် ပါလုပ်မံၚ်ဂှ် ဂွံတီကေတ်ရ။
ဒဝ်အံၚ်သုဂျဳဗၠးတိတ်ကၠုၚ်ဂးတုဲ နကဵုအကံက်ဘာသာခမာ “ផ្កាយ” မွဲအကံက်ဂှ်တုဲ ပတိုန်ထ္ၜးလဝ်ပရိုၚ်ပတောံဂှ် အကြာညးသုၚ်စောဲမုက်လိက် “facebook”တအ်ရ။ ပရိုၚ်ဏံဂှ် ဒှ်မံၚ်ပရိုၚ်ပတောံမွဲဟေၚ် မိက်ဂွံကဵဵုဏာသတီကီုရ။
“ပ္ဍဲဂိတုအဝ်ဂါတ် စၟတ်တ္ရဲ ၈ အခိၚ်ၜိုတ် ၁၂း ၁၇ မိနေတ်ဂှ် ဒဒန်လၟေၚ်(၂) ပ္ဍဲဍုၚ် ဖာသီ (ပုသိမ်)ဂှ် ပိုတ်စှေ်တုဲ မၞိဟ်ဒးဘဲတအ်ကဵုမၞိဟ်ချိုတ်ဂၠိုၚ်မံၚ်ဂှ်ရ နွံပၟိက်မံၚ်ကဵုဂကောံညးရီုဗၚ်မၞိဟ်တအ်ဗွဲဓမြက်ယျ” ဂးတုဲ ပရိုၚ်ပတောံမွဲပိုဒ်ဂှ် မံက်ပြးတိတ်ကၠုၚ်မံၚ် အကြာညးသုၚ်စောဲ မုက်လိက် facebook တအ်ရ။
ကပေါတ်ကညောတ် သွက်ပလံၚ်ဗစိုပ်အရေၚ်ပူဂဵဵုတအ်ကဵုဒှ်၊ ကပေါတ်နာနာသာ်တအ်ကဵုဒှ် ယဝ်ခါရတၠကပေါတ်ဂှ်ဟွံပါအာမွဲသာ် ကပေါတ်တၠဟွံပါအာ အဖဝ်ကာ(Express)တအ်ဂှ် နူကဵုဌာန်ကာExpress (အောၚ်မဂလာကဵု သၠက်ကာအံၚ်သာန်)တအ် ညးတအ်ဒေါံအာရောၚ်ဂးတုဲ postဂှ် ပြးတိတ်ကၠုၚ်မံၚ် အကြာညးသုၚ်စောဲ social media တအ်ရ။ ပရိုၚ်ဏံဂှ် ဒှ်မံၚ်ပရိုၚ် သွက်ဂွံထေၚ်ဗၠေတ်ညးသ္ကအ်ဏောၚ်ဂှ် မိက်ဂွံပတိုန်ထ္ၜးဏာကီုရ။
ကေတ်လဝ်တဆိပ် logo တုပ်ကဵုကမ္မဏဳ “Hyundai” ဂှ်တုဲ နကဵုစၟတ်သ္တီကမ္ပနဳညးတအ်ပေၚ်(၅၀)သၞာံဏံ ပံက်ဏာကဵုမာဲကာစှ်ဖ္ဍိုက် နွံမံၚ်ဏောၚ်ဂးတုဲ ပရိုၚ်မုက်လိက်ပတောံမွဲပိုဒ်ဂှ် မံက်ပြတိတ်ကၠုၚ်အကြာညးသုၚ်စောဲ social mediaတအ် ဗွဲမဂတာပ်အခိၚ်ကီုရ။
