ရန်တၟံကဵု နူကဵု “City Mart Supermarket”ဂှ် ပေၚ်၂၆ သၞာံတုဲ ကၠာဟွံဂွံစိုပ် ဂိတုဂျူလာဲ၊ စၟတ်တ္ရဲ ၃ ဂှ်မ္ဂးရဲပါ်ပရအ်(share)ကဵုမုက်လိက်ဏံသီုဖအိုတ်ဂှ် နူကဵု “City Mart”ဂှ် ကဵုနပရၚ်တဲတၟေၚ်ထိုၚ်မွဲမရောၚ်ဂးတုဲ ပရိုၚ်ဂှ် မံက်ပြးတိတ်ကၠုၚ် အာအကြာညးသုၚ်စောဲ social mediaတအ်ပၠန်ရ။

ပ္ဍဲဂိတုဂျောန် စၟတ်တ္ရဲ၂၇ဂှ် စပ်ကဵုပရေၚ်ပေါဲဗတိုက် ပ္ဍဲပွိုၚ်ဍုၚ်သဓီု ပ္ဍဲကွာန်(ထုံးဘိုလေး) ဒပ်ပၞာန်ဗၟာ+BGFကရေၚ်ကဵု ဒပ်ကရေၚ်KNUတအ် ဒှ်လဝ်ပေါဲဗတိုက်တုဲ စံၚ်ပလီုထောံ သ္ၚိညးကွာန် ၁၅၀ သ္ၚိပြၚ်ဂှ်တုဲ နူကဵုညးတာလျိုၚ်ဒပ်ပၞာန်ကရေၚ်KNUမွဲတၠဂှ် ဒဒှ်ရ ဒပ်ပၞာန်ဗော်ဍုၚ်မန်တၟိလေဝ် ပါလုပ်ကၠုၚ် အဖဝ်ကရောံပၞာန်ဗၟာ+BGFကရေၚ်တအ်ကီုဂးတုဲ ဌာနပရိုၚ်RFAတအ် ပတိုန်ထ္ၜးလဝ်ဏံဂှ် ဒှ်ပရိုၚ်ဟွံဍာံ မွဲရ။

ညးမပ္တိတ်မံၚ် ကွဳစက်ကာဓါတ်လလဳပွမ ကွတ်ပညာသၠုၚ် သေဌဳသိုက်ဘိုက်ကဵု ပြကောဋိကိုတ် (Millionaire) အဳလောန်မာတ် (Elon Musk) ဂှ် ဖန်ဗဒှ်ထောံ ဖုၚ်ပွမထိၚ်ဒဝ်ကဵုစိုတ် (Tesla Pi Smartphone) ယျရောၚ်ဂးတုဲ နူကဵု facebook account “Tin Nyein Oo” ပ္တိုန်ထ္ၜးလဝ် ပ္ဍဲကဵုဂိတုဂျောန်၊ စၟတ်တ္ၚဲ ၉၊ ၂၀၂၂ ဂှ် ပရိုၚ်ကောလဟလမွဲ ပြတိတ်ကၠုၚ် ဗွဲမေဇၞာ်ကဵုဇြဟာတ်ရ။

ပ္ဍဲကဵုဂိတု ဂျောန်၊ စၟတ်တ္ၚဲ ၂၂၊ ၂၀၂၂ ဂှ် နူကဵုမုက်လိက် “Special Underground Movement Forces – Mawlamyine” တအ်ပ္တိုန်လဝ် “ဂကောံဗော်ဍုၚ်မန်တၟိတအ် ဂၠာဲဗက်ဒၟံၚ် အကံက်အခေါန် အကြာပွိုၚ်ဍုၚ်ရေဝ် ကေုာံ လမိုၚ်ရောၚ်” ဂးတုဲ ပရိုၚ်ကောလဟာလမွဲ မံက်တိတ်ကၠုၚ်ရ။

ပတောံလဝ်ညံၚ်ကဵုpage KBZ Payတအ်တုဲ ရဲလီစသြန်လ္တူလပှ်ကျာတအ် လီစမံၚ်သြန်အကြာသုၚ်စောဲKBZ Pay Applicationတအ်ဗွဲမဂၠိုၚ်ဂှ် ပ္ဍဲအခိၚ်ကာလလၟုဟ်ဝွံ ပရိုၚ်ဇဂှ်မံက်ပြးတိတ်ကၠုၚ်မံၚ် အကြာညးသုင်စောဲမုက်လိက်facebookတအ်ဂှ်ပၠန်ရ။