နူကဵုတိုက်ဩန်တအ် ဗပဵုကဵုအိက်ဩန်လေဝ် မၞိဟ်ပၠောပ်ဩန်ဂိုၚ်စွံပ္ဍဲတိုက်ဩန် အောန်စှ်ေကၠုၚ်မံၚ်ရောၚ် တၠကမၠောန်ဆေၚ်ဓမာတ်ထဝ် ပံက်လဝ်ရုၚ်ကမၠောန် လတူဍုၚ်မတ်မလီုမွဲတၠ ဟီုလဴထ္ၜးရ။

ပ္ဍဲကဵုပေါဲရုဲမာဲ နူကဵုဒပ်ပၞာန်ဗၟာသီအဝဵုတအ် မက္ဍိုက်ပ်ကၠောန်ဗဒှ်အာ ပ္ဍဲသၞာံ ၂၀၂၅ ဏအ်ဂှ် ညးစၞးကၠတ်ထဝ်ဗၞတ်ၜိုတ် ၁၀ တၠ ဂွံဒုင်ရုဲစှ်မာန်ရောင် ညးစၞးအလံင်မာတ်မန်လ္ရဵု တော်ခယျကေတ်လဝ် နွံရ။

ၚုဟ်ထဝ်ဂှ် ထပက်တိုန်မံၚ်သိုက်သိုက်တုဲ ၚုဟ်တိကၠအ်ဂအာၚ်သ္ၚိကီု၊ ၚုဟ်ကွဳစက်ကာကီု ဗက်တိုန်အာၚုဟ်ထဝ် ဖအိုတ်ရောၚ် ရဲသွံရာန်တအ် ဟီုရ။

အခိၚ်ကာစန်ဒက်မာဲဏံ ကာတ်ကောန်ဍုၚ်ဂှ် လီုကီုဒှ် ယဝ်ကၠောန်တၟိကီုဒှ် ဟွံဒးကဵုၚုဟ်မးမွဲသာ် အခေါၚ်ကၠောန်/ပဠေဝ် နွံပေၚ်ပေၚ်ရောၚ် အလံၚ်အမာတ်လ္ၚဵုတအ် ဟီုလဝ်ကီုလေဝ် နူရုၚ် (လဝက) တအ် ကေတ်မံၚ်ၚုဟ်အတိုၚ်တြေံရရောၚ် ညးအာကၠောန် ကာဒ်ကောန်ဍုၚ် နူသကုတ်သၠုၚ်ကျာ ပွိုၚ်ဍုၚ်မုဟ်ဍုၚ်မွဲတၠ ဟီုရ။

ရုၚ်စက်ဆုထ္ၜိုတ်တအ် ဟိုတ်နူဒးကဵုအကံက်ဂၠိုၚ်တုဲ ဆုထ္ၜိုတ်ဂှ် ၚုဟ်ယအ်စှ်ေအာ မွဲတာန် မွဲကိုဋ်ပြၚ်မံၚ်ရောၚ် ရဲကုတ်ထဗိုၚ်ဆုထ္ၜိုတ်တအ် ဟီုရ။

အလံၚ်အမာတ်လုပ်ပြိုၚ်ပေါဲရုဲမာဲ ပွိုၚ်ဍုၚ်ရေဝ်ဂမၠိုၚ်ဂှ် ဟိုတ်နူဒှ်ဂဝိၚ်ကဵု ပရေၚ်ဂီုကၠီုတုဲ ဒးစန်ဒက်မံၚ်မာဲ နူဌာန်ဇမ္ၚောဲရောၚ် ညးလုက်စုက်ကဵု အလံၚ်အမာတ်မန်မွဲတၠ ဟီုရ။