ပရိုၚ်တိုန်ကၠုၚ်လတူမုက်လိက် မၞိဟ်ဂလိုၚ်သုၚ်စောဲဒၟံၚ် Social media (Facebook) တံ ဆဵုဂးပရိုၚ် သာ်ဏံတုဲ ထပ်တြး ပါ်ပရအ်ဏာ ကုညးမွဲကုညးမွဲ၊ တြးပတိတ်ဏာဂၠိုၚ်ကွေံကွေံရ။ လတူပရိုၚ်ဂှ် ဒှ်ဂုန်ဖဵုဟွံဆဵု စဵုတ္ၚဲဏံရ။

လတူ ပရိုၚ်ပတောံ၊ ပရိုၚ်ဗၠေတ်၊ ပရိုၚ်ကောလဟောလ တံဂှ် စွံသတိတုဲ ထပ်တြးပါ်ပရအ်ဏာမ္ၚးညိ၊ လတူတၚ်နၚ်ပရေၚ် ပရောတံဂှ် ဗှ်-လ္ၚတ်-ဂၠိုက်ဂၠာဲ ကၠးဖ္ဍးတုဲမှ ထပ်တြးထေက်-ဟွံထေက် သ္ပဂပ်ဂဝ်ရ။ မပတံသာ်ဏံ သွက်သ္ဂောံ သ္ၚဳဂၠိပ်ချပ်ဗစာဒးတုဲ တၚ်နၚ်သ္ဒးတီလဝ်ထေက်တံဂှ် ပါ်ပရအ်ဏာ ဗဟုသုတ သာ်ဝွံရ။

ခေတ်ကာလလၟုဟ်ဏံ မၞိဟ်တအ်သုၚ်စောဲကုၠၚ် Social Media ဂၠိုၚ်တိုန်ဂှ်တုဲ ကောလဟောလ၊ ပရိုၚ်ပ္တောံ၊ ပရိုၚ် ဗၠေတ်တ်တအ် မံက်ဂတဝ်တိုန်ကၠုၚ် သၠဲသၠဲလးလးရ၊ ပရိုၚ်ပ္တောံ၊ ပရိုၚ်ဗၠေတ်၊ ပရိုၚ်အယောၚ်အလာ ဗီုတအ်ဏံ တအ်ဂှ် နွံမံၚ်မူစိဂကူရော၊ ညံၚ်ဂွံဒှ်ဗဟုသုတဂှ် ပါ်ပရအ်ကဵုဏာရ။