ပ္ဍဲကဵုအခိၚ်ကာလ ယဲ Covid-19 ကတဵုဒှ်မံၚ်ဏံ သွက်ညးအဝဲဟွံခံၚ် ဒိုက်ဝါတ်မံၚ်တံဂှ်...

ပ္ဍဲကဵုတွဵုရးဍုၚ်မန် ဟဒမ်ပါ်ဓာတ်ယဲ Covid-19 ဍုၚ်မတ်မလီု စမ်ၜတ်လဝ်ပ္ဍဲဂိတုဂျောန် ၁၀ ကဵု ၁၁ ပွိုၚ် (၂) တ္ၚဲဂှ် ဂွံမၞိဟ်ယဲ ၂၅၅ တၠတုဲ ညးမွဲလေဝ် စၟယဲဟွံမွဲရောၚ် ဌာနက္ဍိုက်ပ်ပရေၚ်ထတ်ယုက်တွဵုရး လလောၚ်တြးလဝ်ရ။
ပ္ဍဲကဵုဟဒမ်ပါ်ဓာတ်စၟယဲကိုဝ်ဗေတ်ဍုၚ်မတ်မလီုဂှ် ၜိုတ်သၟဟ်အစော စၟဳစၟတ်ကဵုတုဲ လၟိဟ်ဂၠိုၚ်လောန်အာမ္ဂး ပလံၚ်ဏာကဵုဌာနပါ်ဓာတ်အဆံၚ်ကောန်ဂကူ (ဍုၚ်လ္ဂုၚ်) တေံရောၚ် နူကဵုဌာနက္ဍိုက်ပ်ပရေၚ်ထတ်ယုက်တွဵုရး ဒံက်တာတာန်လွေန်အံၚ် ဂးရ။
“ပ္ဍဲဍုၚ်မတ်မလီုပိုဲလေဝ် စမ်ၜတ်ပါ်ဓာတ်မံၚ်ရ။ လၟိဟ်မၞိဟ်ဂၠိုၚ်လောန်အာ အရၚ်ဂွံစမ်ၜတ်ကေတ်ဟွံဂတာပ်တှေ် ပလံၚ်ပစိုပ်ဏာ ဍုၚ်လ္ဂုၚ်ရ” သာ်ဝွံ ညးဟီုရ။

“ပြဟ်ပြဟ်ဏံတှေ် စၟဳစၟတ်လဝ်ပ္ဍဲဘာတအ်ဂှ် ဂိတုဂျောန် စၟတ်တ္ၚဲ ၁၃ ဏံ ပတိတ်ဏာစရၚ်အံၚ်ဏောၚ်။ ဂတဂှ် မွဲအလန်ပၠန်တှေ် တန်စတုထ္တ၊ တန်အဋ္ဌမ စၟဳစၟတ်လဝ်ကဆံၚ်ခရိုၚ် ပတိတ်အာစရၚ်အံၚ်ပၠန်ဏောၚ်” သာ်ဝွံ ဒံက်တာချိုဝ်ချိုဝ်မျာတ်အံၚ် ဟီုရ။
ဟိုတ်နူကဵုယဲကဝ်ဗေတ်ဏံ ကိစ္စရေၚ်တၠုၚ်ပရေၚ်ပညာတံ လဇုဲလဇကၠုၚ်တုဲ ဂိတုဂျောန် ၅ဂှ်မှ ဂွံစၟဳစၟတ်ဒၟံၚ်တၞးသွဟ် ကွးဘာ (၁၀) တန်၂၀၁၉ – ၂၀၂၀ တအ်ဂှ်ရ စရၚ်အံၚ်ဂှ် ဟွံဂွံတိတ်ဏီ ဒံက်တာချိုဝ်ချိုဝ်မျာတ်အံၚ် ဟီုကလးလဝ်ရ။
အခိၚ်ဒှ်မံၚ်ယဲ ကိုဝ်ဗေတ်ဏံ စရၚ်အံၚ်ဘာတန်သၠုၚ် ဟွံတိတ်ကီုလေဝ် ဂိတုဂျူလာၚ် ၂၁ ဂှ် စပံက်အာဘာတန်သၠုၚ်သဇိုၚ်ရောၚ်ဂှ် နူကဵုဌာနဝန်ဇၞော်ပရေၚ်ပညာတအ် လလောၚ်းတြလဝ်ရ။

ပ္ဍဲကဵုတွဵုရးဍုၚ်မန် ဒဵုကဵုဂိတုဂျောန် ရ ဂှ် မၞိဟ်ယဲသံသယကိုဝ်ဗေတ်ဂှ် ချိုတ်အာ ၄၁ တၠတုဲ မၞိဟ်ယဲဒးမၚ်ရံၚ် (Patient Under Investigation-PUI) နွံကၠုၚ် ၁၉၀ တၠရောၚ် နူကဵုဌာနဍိုက်က္ဍိုပ်ပရေၚ်ထက်ယုက် တွဵုရးဍုၚ်မန် ဒံက်တာတာန်လွေန်အံၚ် ဟီုကၠုၚ်လဝ်ရ။

“မၞိဟ်ယဲချိုတ်အာဂှ် ဟွံဆဵုစၟယဲ ကိုဝ်ဗေတ် ပုဟ်။ ညးတံချိုတ်အာကဵု ယဲတမ်မူလညးတံရ” သာ်ဝွံ ဒံက်တာတာန်လွေန်အံၚ် ဟီုလဝ်ရ။

ပြဟ်ဟ်ဏံ ပ္ဍဲကဵုရုၚ်ဂဥုဲဂှ် မၞိဟ်ဒးမၚ်ရံၚ်ယဲ PUI နွံမံၚ် ၁၄ တၠဏီကီု မၞိဟ်ယဲချိုတ်အာဂှ် ကေတ်လဝ်နမူနာ ပလံၚ်လဝ် ဌာနပါ်ဓာတ်အဆံၚ်ကောန်ဂကူ (ဍုၚ်လ္ဂုၚ်) NHL တုဲ စမ်ၜတ်လဝ်ကီုလေဝ် ဟွံဆဵုစၟယဲကိုဝ်ဗေတ် ရောၚ် ညးဟီုလဝ်ရ။

“အသုတ္ဒုတိယဏံဂွ္ ပေလဝ္ပေလတ္လဝ္ဘာ ၐိုတ္ ၃၀၀၊ ၄၀၀ ရ။ ဆဂး သုင္ေစာဲလဝ္ဘာဂွ္ ၁၀ ဘာေလဝ္ ဟြံေပင္ပုဟ္၊ ပြိဳင္ဍဳင္မုဟ္ဍဳင္ဂွ္ သုင္ေစာဲလဝ္ ၐိုတ္ ၂ ဘာ၊ ပြိဳင္ဍဳင္ေရဝ္ဂွ္ ၐိုတ္ ၂ ဘာ၊ ပြိဳင္ဍဳင္ျဇပ္ဗုဂွ္ ၐိုတ္ ၃ ဘာ ရ။ ဂိတု ေဂ်ာန္ ၅ ဂွ္ ကေလင္ပအပ္လဝ္ကုႝ ဘာသုီဖအုိတ္ရ” သာ္ဏံ ဒံက္တာ ခ်ိဳဝ္ခ်ိဳဝ္မ်ာတ္အံင္ ဂးရ။