ပ္ဍဲကဵုအကာဲအရာပရေင်ဍုင်ကွာန်ကာလတ္ရဲဏအ်ဝွံ သွက်ဂွံဂွံအခေါင်အရာ ပရေင်ပူဂဵုတုဲ မၞိဟ်လ္ၚဵုလုပ်ပံင်ဗ္ဒဗ္ဒာဲ ကဵုကမ္မယှေန်ပၞာန်ဂၠိုင်ကၠုင်မံင်ရောင် ဂကောံဒပ်မင်ကင်ကွာန် နူတွဵုရးဍုင်မန်မွဲတၠ ဟီုထ္ၜးရ။

နူကဵုညးတာလျိုင်ကမ္မတဳပရေင်ပညာကောန်ဂကူမန်မွဲတၠ ဟီုဓမံက်ကၠုင် တၠဒါန်တအ် သွက်ဂွံထပိုတ်ဖျေံ ဩန်ဒါန်က ဝက်ဒှ်မံင်ဂးတုဲ အစာဂမၠိုင် ဒှ်မံင်ဂဝိင်ကဵု ဩန်ထံက်ပင်အောန်စှ်ေနူဏံဂှ်ဏီရောင် ကေင်ကာဂကောံအစာဘာ ဗွိုင် ပ္ဍဲဍုင်မွဲတၠ ဟီုရ။

ကွးဘာနူဘာကောန်ဂကူမန် ၁၂ တန်ဂမၠိုင် ဘာတန်သၠုင်ညဳသာ၊ တန်သၠုင်အင်ဒင်၊ တန်သၠုင်ဝင်သ္ပဝ်၊ တန်သၠုင်ဇြပ်ဗု လုပ်သွဟ်လဝ် ပ္ဍဲဘာအလဵုအသဳ လၟိဟ် ၁၂၇ တၠဂှ် အံင်တိတ်ကၠုင် လၟိဟ်ကွးဘာ ၆ တၠဓဝ်ဝွံ ညးတာလျိုင်ဌာနပရေင်ပညာ ကမ္မတဳပရေင်ပညာတအ် ထေက်ကဵုဒးသ္ၚဳဂၠိပ်တုဲ ဒးဖျေံပရေင်ကမၠောန်တၟိ ထေက်ရ။

ပ္ဍဲကဵုရုင်ပွိုင်ဍုင် (ရုင်အာမ်ဖေ) သင်ခႅဠဗူရဳ (ဝင်က) မၞုံခရိုၚ်ကမ္မရဳ ကၟိန်ဍုၚ်သေံဂှ်ဝွံ သၞာံဏအ် စနူဂိတုဂျောန်မံက် ဓမံက်ရုပ်ရဴ ကၠောန်သၠုင်ပတိုန်အဆံင်ၝာတ် ကဵု ညးဍုင်ကွာန်တံတုဲ စဵုကဵုသၞာံဏံအိုတ် ကၠောန်ကဵုညံင်ဂွံတုဲဒှ်အာရောင် ဂွံတီကေတ် နူသၞာဲဒဴကၠောန်ဒၟံင်ကမၠောန် (ပ္ဍဲရုင်အာမ်ဖေ) မွဲတၠဂှ် ဟီုရ။

နူကဵုဂကောံညဳသၟဟ်မန်ယူရောပ် က္ဍိုက်ပ်တုဲ သွက်သၞာံ ၂၀၂၅ ဏအ် ကၠောန်ဗဒှ်လဝ်သဘင်ဥတုကညင် မရနုက်ကဵု ၄ ဝါ ပ္ဍဲကဵုဍုင်နေဝ်တာလာန် တုဲဒှ်အာရ။

နူကဵုဂကောံရပ်လွဟ်ဒဳကေဗဳအေ ကေုာံ ဗော်ကေအေန်ယူ မထိၚ်ဒဝ်လဝ် ပ္ဍဲဍုၚ်ကျာ်ပိတအ်ဂှ် စနူဂိတုဂျူလာၚ် စၟတ်တ္ၚဲ (၂၅) ဂှ်တုဲ ကၟာတ်ကၠေံလဝ်အခေါင် သွံရာန် ဍာ်တၞးၝာဲကထီု ကော်ဂး ဍာ်တၞးဘိင်ဂမၠိုင်ရောင် ဂွံတီကေတ်ရ။

သၞောဝ်ဥပဒေညးဍုင်ကွာန် ဒးယိုက်ဂၠေင်သ္ပပၞာန်ဗၟာဂှ် ဒှ်ဒၟံင်ဂုန်ဖဵုသွက်ကံင်သဳပၞာန်ဗၟာတံ ဇၞော်ဇၞော်မွဲတုဲ ကာလလဵုဟွံရုဲ လမျီုသၞောဝ်ဥပဒေဏံ ညံင်ဂွံဂျိုင်အာမာန်၊ ညံင်ဂွံဖန်ဇန်ဓမံက်အာရုပ်ရဴလၟိုန်မာန်ဂှ် ကံင်သဳပၞာန်တံ ဖန်ဇန်မံင်ရ။

ဗြဲဇၞော်ဂူဆက်ဒၟံင်တုဲ ဝါဗ္ၚတိဂၠိုန်(တိသဝ်သဝ်)လ္ၚဵုဂှ် ဍာ်ဗၠိုက်လအ်လတုဲ ဒးဂွိင်ကဵုတၞံသြောံချိုတ်ရောင် တၠဝါလ္ၚဵု ဒှ်ဂဝိင်ရ။

ဂကောံအ္စာကၞေဟ်မန်ဝွံ ရန်ကဵုသ္ဂောံသ္ပစၟတ်သမ္တီအာ စရာဲဍာ်ဒကေဝ်အ္စာကၞေဟ်မန်တအ်ဂမၠိုၚ်တုဲ ပ္ဍဲတ္ရဲအ္စာကဝိမန် မရနုက်ကဵု(၁၀)ဝါဏံမ္ဂး ဆက်အပ်ပြာပ်ဇိုန်နှၚ်အာ လာဘ်လိက်ပတ်မန်  (၂၀၂၄၊၂၀၂၅) ကုအ္စာကၞေဟ်မန်တအ်ရောင် ဂွံတီကေတ်ရ။