မွဲဒမြိပ်ဂၠံၚ်ဇၞော်စၟတ် (၈) ပွိုၚ်ဍုၚ်ဇြပ်ဗုကဵု ရးတနၚ်သဳဂှ် ဂကောံဒပ်ပၠန်ဂတးဂမၠိုၚ်တအ်ကဵု ဒပ်ကံၚ်သဳပၞာန်တအ် ဗီုညးကဵုညး ဂစာန်ၜေတ်လုပ်ဖျေံသဇိုၚ်နွံကၠုၚ်ဂှ်တုဲ ညးဒေသတအ် ဒှ်ဂဝိၚ် ဂွိၚ်ဖေက်ပေါဲဗတိုက်က္တဵုဒှ်ကၠုၚ် သ္ဂးရ။

ကၠာသၞာံ (၂၀၂၅) ဟွံအိုတ်ဏံ သွက်ဂွံကၠောန်အာ ပေဲါရုဲမာဲမာန်ဂှ် နကဵုကံၚ်သဳပၞာန်တအ် ဟီုဓမံက်ပလေဝ်ပလေတ်ဒၟံၚ်ဂှ်တုဲ နကဵုဗော်ညဳသၟဟ်မန်ဝွံ စပ်ကဵုပေဲါရုဲမာဲဂှ် ဟွံဟီုဓမံက်ပ္တိတ်ဏီလေဝ် ကမ္မတဳကေၚ်ကာဇၞော်ဇၞော်လ္ၚဵု ဟီုကၠုၚ်နွံရ။

အပ္ဍဲကဵုမဟာၛာဲ ကၟိန်ဍုၚ်သေံဂှ် ဆေၚ်ဖျာဗၟာ (အာစီနန်းတော်) HAPPY BAR KTV & Club တအ် ဒဒုၚ်စၟဳစၟတ် ကဵုညးတာလျိုၚ်ဗၠာဲသၟိၚ်သေံတအ်တုဲ သီုကဵုရပ်သီဂွံလွဟ်ဂဥုဲၜူမာဲတအ်နွံကီုရောၚ် ဂွံပရိုၚ်ရ။

နူကဵုကောံဓရီုပရေၚ်ဂကူမန် (သၞာံ ၂၀၂၅) တုဲကၠုၚ်ဂိတုအေဗရဴ (၂-၅) ဂှ် ဗော်ဍုၚ်မန်တၟိ၊ ဗော်ညဳသၟဟ်မန်၊ ဗွိုၚ်ဂကောံမှာဇန် (၃) ဗွိုၚ် ပံၚ်ကောံတုဲ သွက်ဂွံဒက်ပ္တန်အာ ဂကောံပံၚ်ကောံဂကူမန်မွဲ လးဖျေံလဝ်နွံ ဂွံတီကေတ်ရ။

နူလ္ပာ်ဒပ်ကံၚ်သဳပၞာန်ဗၟာတအ် ဗ္တိုက်ပၞာန်သၠုၚ်ပ္တိုန်အဆံၚ်ပၞာန်ကျာတုဲ ထောံဖျေံဗမ်ဇၞော် ပ္ဍဲအကြာညးဍုၚ်ကွာန်တအ် ကတဵုဒှ်ဂၠိုၚ်ကၠုၚ်တုဲ ညးဍုၚ်ကွာန်ဂမၠိုၚ် ဒးဒုၚ်ဇီုကပိုက် ဘဲချိုတ်ဂျိုၚ်ဂၠိုၚ်ကၠုၚ်မံၚ်ရ။

ကြဴနူကံင်ဇြဳပၞာန်တအ် ပ္တိတ်လိက်လလောင်တြးဒေါံပန်ပှော် နဗ္ၜတ်အခိင်ကာလ အပ္ဍဲပွိုင် (၂၀) တ္ရဲဂှ် ပွဖံက်ပ္ကဝ်အခေါင်အရာမၞိဟ် ဟွံအောန်နူ (၁၀၇) အလန် က္လိလောန်ကၠုင်လဝ်နွံတုဲ လိက်လလောင်တြး ဒေါံပန်ပှော် ကံင်ဇြဳပၞာန်ဂှ် “ကွက်က္ဍိုပ်ဗ္ၜေံတုဲ သွံဖျုန်ကၠဵု” ရောင် ဗော်သွးကောန်ဂကူကရေင် KNU ဟီုဂးကၠုင်ရ။

ပ္ဍဲဒေသမန် ပေဲါဗ္တိုက်ညိၚ်ဝတ်တုဲ ပရေၚ်ဂစိုတ်မၞိဟ် ပၠံၚ်ၜးကေတ်ဏာကွဳလိုန်ဓာတ် က္တဵူဒှ်ကၠုၚ်နွံရောၚ် ဂွံပရိုၚ်ရ။

နူကဵုတိုက်ဩန်ဗေန်တံ ဗၞတ်ဗ္ၜတ်ကၠုၚ် ပရေၚ်ပ္တိတ်ဩန်ပၠန်တုဲ ရဲကမၠောန်ပြၚ်ပလံၚ်ဩန် ကေပေ Kpay ဂမၠိုၚ် ဒှ်ခက်ခုဲကဵု ပရေၚ်ကမၠောန်နွံရောၚ် နူကဵုဆေၚ်ပြၚ်ပလံၚ်ဩန်ဂမၠိုၚ် ဟီုထ္ၜးဂှ် ဂွံတီကေတ်ရ။

တွဵုရးဍုင်သေံ ဍုင်လာယှဵုဝွံ တုဲကၠုင်အေပရဴ (၂၂) ဂှ်စတုဲ နူကဵုဒပ်ကံင်သဳပၞာန်ဗၟာ ၜိုတ် (၂၀၀) ကွဳစက် နကဵုဇြ ဟတ်ဗၞတ် (၂၀၀၀၀) လုပ်ကၠုင်ဍုင်လာယှဵုတုဲ ကလေင်ပြေင်ဖျေံဒၞာဲဗီုပြင်ပရေင်အုပ်ဓုပ် ကောပ်ကာဲ အာဍုင်ပၠန် ဏောင် ဂွံဗှ်လ္ရတ်ကေတ် ပ္ဍဲမုက်လိက်ပရိုင်ဂမၠိုင်ရ။

ကောံဓရီုပရေင်ဂကူမန် သၞာံ ၂၀၂၅ မကၠောန်ဗဒှ် ပွိုင် (၄) တ္ၚဲ ပ္ဍဲဌာနဘာဓာတုမာလာ အရာပ်သေဂျိုဝ် ဍုင်မတ်မလီု တုဲဒှ်အာ ၜိုဟ်ဟ်သိုဟ်ဟ်ရ။ မၞိဟ်စၞးတိုန်စိုပ် အကြာ (၂၅၀) တၠနွံရောင် ဂွံတီကေတ်ရ။ ကောံဓရီုဂှ် ဗော်ဍုင်မန်တၟိ က္ဍိုက်ပ်တုဲ ကၠောန်လဝ်ရောင် နူကဵုလိက်လလောင်တြး ကောံဓရီုပတိတ်လဝ်လလောင်တြးရ။