Tag: ဌာန်ပရိုင်မန်

ဗီုပြင်ချူတိုန်လဝ် ပရိုင်ဂှ်တှေ် ကွဳစက်ကာၜါမဂှ် ဒဳဗက်ကၠုင်ကဵုအသိင်တုဲ က္ဍိုပ်ကာၜါမဂှ် ဇီုဒးလဝ်ညးသ္ကအ်ဂှ် ရဲချူပရိုင်ပတောံတအ် ကၠောန်ဖန်ပတောံလဝ် ညံင်ရဴ “ ကွဳစက်ကာစကိုပ်ဗျူဟာမွဲတၠ အဃောလုပ်ကၠုင်ဒၟံင် ဍုင်သဝ် ဂှ် ညးဒေသမွဲတၠ ဒုင်ဗဇီုထောံကဵုကားညးတုဲ ပ္ဍဲအခိင်ဇီုဒးညးသ္ကအ်ဂှ် သီုကဵုစကိုပ်ဗျူဟာဂှ်တှေ် မၞိဟ်ချိုတ်အာပန်တၠ’’ဂးတုဲ ထမံက်ထ္ၜးလဝ်ရ။

လွဟ်မြက်နူကဵုရမျာင် ၅ဆဂှ် ပၞာန်ဗမာတအ် စမ်ၜတ်လဝ်ဂးတုဲ postပရိုင်ပတောံမွဲပိုဒ် မံက်ကၠုင် လ္တူမုက်လိက် facebookရ။
ပရိုင်ဂှ်ကေတ်နၚ်လဝ် နူကဵုဌာနပရိုင် VOA Burmese News တအ်တုဲ ပရိုင်ဂှ် ကလေင် ပၠေဝ်တ်လဝ် တုဲ ‘’လွတ်မြက်နူမျာင် ၅ဆဂှ် ပၞာန်ဗမာတအ် စမ်ၜတ်လဝ်’’ဂးတုဲ ပ္ဍဲကဵုဂိတု နဝ်ဝေမ်ဗာ စၟတ်တ္ရဲ ၂ ဂှ် နူကဵုအကံက် ဥူအံင်ဇေယျ ပတိုန်ထ္ၜးလဝ်postဂှ် ဂွံဆဵုကေတ်ရ။

ပ္ဍဲခေတ်ကာလလၟုဟ်ဂွံ ဒှ်မံင်ခေတ်Social Mediaမွဲတုဲ ရဲသုင်စောဲ Social Mediaတအ်လေဝ် ဂၠိုင်မံင်ဂှ်ရ ပရိုင်ကောလဟာလ၊ ပရိုင်အလီ၊ ပရိုင်ဗၠေတ်တ်တအ်လေဝ် ဗွဲမသကာတ်မြဟ် မံက်ဂတဝ်တိတ်ကၠုင်မံင်ဂှ် ပိုဲတအ် ဂွံဆဵုကေတ်ရ။
ပရိုင်ကောလဟာလ၊ ပရိုင်ဗၠေတ်တ်တိတ်မံင်တအ်ဂှ် ညံင်ပိုဲဂွံတီကၠး၊ ပါဲပါ်မာန်ဂှ် ပိုဲစွံသတိ၊ ကၠောန်ရံင် နကဵု နဲကဲ(၅)တင်ဏံကၠာမ္ဂး ပိုဲတီကၠိုဟ်ကေတ် လ္တူပရိုင်ပတောံတအ်မာန်ရ။

ပ္ဍဲဂိတုနဝ်ဝေမ်ဗာ စၟတ်တ္ရဲ(၁၀) အခိင်နူဂယးဂှ် စကိုပ်ဝန်ဇၞော်လလောင်ပရိုင်တြေံ ဥုယျေဝ်ထောဋ် ဒးဒုင်ရပ်ထောံဂးတုဲ ရဲထံက်ဂလာန် လ္ပဂံင်ဇဳပၞာန်တအ် ပတိုန်လဝ်လ္တူမုက်လိက် Facebook ကဵု Telegram Channelဂှ်တုဲ ပရိုၚ်ကောလဟာလ ပြးတိတ်ကၠုၚ်ရ။

ပရိုၚ်ဂှ် အဃောသ္ကုတ်မြဟ်ဒၟံၚ် လ္တူSocial Mediaဂှ်ရ ပ္ဍဲကဵုဂိတုအံက်ဒဝ်ဗာ(၃၀)အခိၚ်နူဂယးဂှ် ကေတ်လဝ်ဗီုရုပ် ညးဒးလဝ်ဘဲပၞာန်တအ် ဆုတ်ပြံၚ်မံၚ်တအ်ဂှ်တုဲ ပ္တေံာလဝ်ဗီု ညံၚ်ကဵုညးဍုၚ်ကွာန်ဌာန်တလာန်တအ် ဒးလဝ်ဘဲပၞာန်တုဲ ဒးဆုဲပြံၚ်လဝ်ကီုစုတ်ပပ္တောံလဝ်ဗီုပတောံတုဲ နကဵုက္ဍိုပ်လိက်”ထန်တလန်မြို့ကို စွန့်ခွာနေကြရတဲ့ ကျတော်တို့ အသွေးအသားများ”ဂးတုဲ တြးပတိတ်ကၠုၚ်ပရိုၚ်ပတောံရ။