ဗၟာ  ၊ အၚ်္ဂလိက် ၊  Font ၊  Converter

Breaking News
Home / သၟာန်သွဟ် / ဆဵုဂဗ သၟာန်သွဟ်လဝ်ကဵု သၟာဒယှေ်ဒွက်မန် “သပ္ပါယ်”

ဆဵုဂဗ သၟာန်သွဟ်လဝ်ကဵု သၟာဒယှေ်ဒွက်မန် “သပ္ပါယ်”

သၟာပရိုၚ်ချူ:

နူကဵုဌာန်ပရိုၚ်ဗၠးၜးမန် ပတိုန်ထ္ၜးလဝ် ဆဵုဂဗ သၟာန်သွဟ် သၟာဒယှေ်ဒွက်မန်ဒယှ် "သပ္ပါယ်"

သၟာန်။ ။ မ္ၚဵုရ ‘သပ္ပါယ်’ မိက်ဂွံသၟာန်စ ပရော ‘သပ္ပါယ်’ ဒယှေ်ကၠုၚ် ဒွက်ပ္ဍဲကဝးကီု လ္တူစၚ်ကီု ဂွံဟာ?

သွဟ်။ ။ ဂွံ၊ အတိုၚ်ပၟိက်စိုတ်သၟာန် မာန်မံၚ်။

ဗီု - ဌာန်ပရိုၚ်ဗၠးၜးမန်
ဗီု - ဌာန်ပရိုၚ်ဗၠးၜးမန်

သၟာန်။ ။ ပြဟ်ဟ်ဏံ မိက်ဂွံသၟာန် ကဝးဒွက်မြဟ်မံၚ်လၟုဟ် ”ယဝ်ဂွံပိုၚ်” ဂှ်ရ ကဝးဒွက်ဏံဂှ် မြဟ်မံၚ်တှေ် သွံတြးစ ပြေပြံၚ်ပိက်ဟာ?

သွဟ်။ ။ တော်ရံၚ်အာကဵု ကဝးညးတၞဟ်တှေ် သွံဟွံပရေံကွေံကွေံရ။ ၜိုတ်တမ်ဂှ် ဂွံတွဵုရ။ လၟိဟ်သွံဂွံကဝးဂှ် ယဝ်ဂွံသၠုဲဖအိုတ်တှေ် မံၚ်ဂွံတၟာဟလိုၚ်ဏောဝ်။ အကြာညးတၞဟ်ဆာဲပတောံ ကၠတ်သွံမံၚ်ဂှ်တှေ် ပိုဲသွံဂွံၜိုတ်ဏံဂှ် ခိုဟ်မံၚ်ရ။ ဗီုလဵုဒှ်ဒှ် ကောန်ဂကူမန်ပိုဲ ကလၚ်မံၚ်ကဝး ဒွက် မန်ပိုဲၜိုတ်ဏံဂှ် ပိုဲပြေမံၚ်စိုတ်ရ။

သၟာန်။ ။ သွံခိုဟ်ဟီုတှေ် သွံဂွံၜိုတ်မူစိကဝး လဴစဂွံဟာ?

သွဟ်။ ။ လၟိဟ်ကဝးဇကုသွံဂွံဂှ် ပ္ဍဲဍုၚ်ပိုဲဏံသၟး ၜိုတ်ပန်လ္ၚီမ ဂွံအကြာဍုၚ်သေံ မွဲလ္ၚီ၊ ၜါလ္ၚီမပၠန်တှေ် ဂွံၜိုတ်တမ် မံၚ်ဂွံအာကီု။

သၟာန်။ ။ ကဝးကမၠတ်ရော ၜိုတ်မွဲစိမ ပြးတိတ်အာ တီမာန်တှေ် လဴထ္ၜးကဵုညိ?

သွဟ်။ ။ ချိုတ်တ်ပၠိုတ်တ်ဂှ် အဲဟွံတီ အဲခယျကေတ်တှေ် ၜါလ္ၚီလ္ပာ်လ္တူ ပိလ္ၚီမဒှ်ဏောၚ်။ မုဒှ်ရောဟီုတှေ် အခိၚ်ပိုဲသွံမံၚ်ကဝးဇုက်တေံဂှ် ကဝးဇုက်ပိလ္ၚီမ ပိုဲသွံဂွံမံၚ်။

သၟာန်။ ။ ဒွက် ‘သပ္ပါယ်’ လုပ်မံၚ်ပ္ဍဲ MP 3 ပ္ဍဲ (ဖုန်း) သေံတေံဂှ် ဂွံမံၚ်သြန်ကီုဟာ?

သွဟ်။ ။ ဟွံကေၚ်ဂွံမွဲလှေ်ဏီ။

သၟာန်။ ။ ဓါန်ဂတဏံရော အစဳအဇန်ပ္တိတ် ကဝး CD, VCD တံ နွံမံၚ်ဏီဟာ မၞိဟ်စဳဇန် ယဝ်တီ တှေ် လဴထ္ၜးကဵုညိ?

သွဟ်။ ။ နွံ CD ကီု VCD ကီု အစဳအဇန် သွက်ဂွံပ္တိတ်ဂှ် နွံရ။ ၜါဂှ် ပ္တိတ်တှေ် ပိုဲပ္တိတ်မွဲအတဲဓဝ် သီုၜါကဝး ကဝးတြေံဂှ် ပိုဲကၠောန် VCD တှေ် ကဝးတၟိဂှ် ပိုဲကၠောန် CD ရ။ မၞိဟ်စဳဇန်ဂှ်တှေ် မိဿ ဟာဲအဲရ။

သၟာန်။ ။ ယၟုက္ဍိုပ်ဒွက်ဂှ် လဴစဂွံဟာ မုစွံအဓိကကဵုပရေၚ်လဵုတုဲ ဆက်ပ္တိတ်အာရော?

သွဟ်။ ။ ယၟုက္ဍိုပ်ဒွက်ဂှ် ဟွံတီဏီ လဴထ္ၜးဟွံမာန်ဏီ တုဲကၠုၚ်တေံဂှ် ဒွက်ပရေၚ်ဆာန် သၟးတိတ်မံၚ် ဂတနူဏံ ဒွက်ပရေၚ်ဂကူကီု၊ ပရေၚ်ဘဝကီု အစဳအဇန် သွက်ဂွံဆတ်စုတ်နွံ ဆဂးဂှ် ပရေၚ်ဂကူဗီုလဵု၊ ပရေၚ်ဘဝဗီုလဵုဂှ် ပိုဲဟွံဂွံချပ်လဝ်ဏီရ။

သၟာန်။ ။ တၚ်ဂုဏ်ရ ‘သပ္ပါယ်’ ပရောကဝးသၟာန်တုဲ မိက်ဂွံသၟာန်စ ပရောဒယှေ်မံၚ်လ္တူစၚ်ညိ သၠးအခေါၚ်ညိ ပ္ဍဲကဵုဂဳတပံၚ်ကောံကဵု ဂကူတၞဟ် ဒှ်လ္တူဍုၚ်လမိုၚ် ညးတံဘိက်လဝ် သၟာ ဒယှေ်ဒွက်မန် ‘သပ္ပါယ်’ ပÌနူ ‘သပ္ပါယ်’ ညးဂှ် ပါကီုရော ပ္ဍဲဍုၚ်လမိုၚ် သ္ဘၚ်ကျာ်တုဲကၠုၚ်ဂှ် ပုရိသာတ်ကောန်ဂကူမန် ဒုၚ်တဲကဵု သၟာဒယှေ်ဒွက်မန်ပိုဲကွေံကွေံ ဒှ်ကွေံဟာ?

သွဟ်။ ။ ပ္ဍဲဍုၚ်လမိုၚ် သ္ဘၚ်ကျာ်တုဲကၠုၚ် ပ္ဍဲဂဳတပံၚ်ကောံကဵုဂကူတၞဟ်ဂှ် သၟာဒယှေ်ဒွက်မန်ပိုဲ အဲမွဲတၠ၊ ‘ဗညာထဝ်’ မွဲတၠ ၜါတၠရ။ ဇြဟတ်ကောန်ဂကူ ကဵုဇြဟတ်ဂှ် တၟေၚ်လောန်ဗွဲတၟေၚ်ရ။ ဟိုတ်နူမၞိဟ်တိၚ်တိုက်ဂှ် ဒှ်မံၚ်မၞိဟ်လ္တူ ဍုၚ်လဂုၚ်တုဲ ဒယှေ်စဍေံဟွံပြေပြံၚ်စကွေံ ကွေံရ။

သၟာန်။ ။ ‘ဗညာထဝ်’ ရော?

သွဟ်။ ။ ‘ဗညာထဝ်’ ဂှ် ရဍေံတိတ်ဒယှေ်ဂှ် ဂၠိက်မန်ဂှ် ဍေံဟမိၚ်လဝ်က္ဍိုပ်တုဲ ဍေံဒယှေ်ရ။ ရမျာၚ်ပုရိသာတ်ဂှ် ခိုဟ်ဗွဲတၟေၚ်ရ ဂွံညာတ်ကေတ် ပုရိသာတ်မန်ပိုဲဗီုဏံဂှ် ပ္ဍဲစိုတ်တေံ ဒှ်တိုန် ညံၚ်နွံမံၚ်ကဵုဍုၚ်မွဲကရေက်ကီု၊ မိပ်သၠောၚ်ဒှ်တိုန် ညံၚ်နွံမံၚ် ဍုၚ်ဟံသာဝတဳတြေံကီုရ။

သၟာန်။ ။ ဗီုလဵုညးတံထံက်ပၚ် ‘သပ္ပါယ်’ တံရော?

သွဟ်။ ။ မွဲဗ္တံ မွဲကိုဋ်ဒကေဝ်။

သၟာန်။ ။ ဂွံမိၚ်ကေတ်ပရိုၚ် ကၠာဟွံဂွံပ္ဍဲသ္ဘၚ်ကျာ်လမိုၚ်ဏီဂှ် ‘သပ္ပါယ်’ စိုပ်အာဍုၚ်မ္ၚးမွဲအတဲ ဒှ်ကွေံဟာ အာဍုၚ်လဵုကီုရော။ ဇြဟတ်ပုရိသာတ်ဍုၚ် ဗီုလဵုနွံလေဝ် လဴစညိကီု?

သွဟ်။ ။ စိုပ်အာဍုၚ်သေံမွဲရ။ ဍုၚ်ဇြူရာတ်ဂှ်ၜါဝါ၊ ၜၚ်က္ဍဳမွဲဝါ၊ ကြၚ်ထပှ်မွဲဝါ ဆဂှ်ရ ဇြဟတ်ပုရိသာတ်တံ ခိုဟ်ကွေံကွေံရ ပြေပြံၚ်မံၚ်ရ။

သၟာန်။ ။ သၞာံ ၂၀၀၉ ဂှ် လုပ်ဒယှေ်မံၚ် ပ္ဍဲပေဲါဇာတ်မန် ၂၀၁၀ ဂှ် ကလေၚ်လုပ်ဒယှေ် ပ္ဍဲဂကောံဂဳတမန်ပၠန် ၂၀၁၁ ဏံ လုပ်ဒယှေ်ပ္ဍဲဂကောံလဵု ချပ်လဝ်နွံ ကီုရော?

သွဟ်။ ။ သၞာံဏံဂှ် ဂကောံလဵုလေဝ် အဲဟွံလုပ်ရ။ အာဒယှေ် နကဵုသလေတ် ရှေန် Slection မွဲဟေၚ်ရ။

သၟာန်။ ။ ပ္ဍဲဂကောံ ဂွံဒယှေ်ဗ္တံအောန်တုဲ ဒယှေ်နကဵုသလေတ်ရှေန်ဟာ?

သွဟ်။ ။ ဟွံသေၚ်ပုဟ် နူအဲတိတ် နူပေဲါဇာတ်တုဲ အဲချပ်လဝ်ဟဂှ်ရ မိက်ဂွံမံၚ်သောၚ်ၚ် ညးတၞဟ်ကော်တှေ် အဲအာဒယှေ်ရ။ ပရေၚ်ခက်ခုဲ ပ္ဍဲအဲဟွံမွဲပုဟ်တှေ် သ္ၚိထ္ပိုဲပယျၚ်၊ မ္ၚဵုထပ်တဲ အဲဟွံရုဲ အဲအာ ဒယှေ်ဖၟိုတ်ရ။ ၚုဟ်မးလေဝ် အဲဟွံခုတ်ပုဟ်၊ မုဒှ်ရောဟီုတှေ် ဂွံဒှ်အာပရေၚ်ပိုန် ဂြပ်ဂှ် ဍေံဟွံဒှ်၊ မံၚ်ဂွံအာ ၜိုတ်ဂှ်ရ။

သၟာန်။ ။ ဂဳတကောန်ဂကူမန်ပိုဲဏံ သီုဂွံဒှ်အာ ဂယိုၚ်လမျီုကီု ဂွံအာဍာ်ဇမၠိၚ်မာန် ဗီုလဵု ‘သပ္ပါယ်’ ညာတ်လဝ်နွံ ကီုရော?

သွဟ်။ ။ ညဳသၟဟ်ဒှ်မွဲ ဝဳၜံၚ်သၟတ် တိၚ်တက်ဂကူဇကုကဵုဇကု ဝဳၜံၚ်မာန်တှေ် ဂဳတကောန်ဂကူမန်ပိုဲ ကၠေံအာဟွံမာန်တုဲ ဍေံဇၞော်မောဝ်တဴတက်ဏေါၚ်။

သၟာန်။ ။ မုမိက်ဂွံဗကန်ကဵု ပုရိသာတ် ကောန်ဂကူမန်ပိုဲ နွံရော?

သွဟ်။ ။ သၞာံဏံဂှ် အဲဒယှေ် နကဵုသလေတ်ရှေန်ဏောၚ်တှေ် ညးတၞဟ်ဂွံတီကၠုၚ်အဲဂှ် ဟိုတ်နူကဵုအစောန်စရာဲ ဂကောံဂဳတမန်ရ။ ဟိုတ်ဂှ်ရ ကောန်ဂကောံဂဳတမန်တံဂှ်ကီု သီုကဵုညးအာက္ဍိုပ် တၠပညာတံ သီုဖၟိုတ် ဝိုတ်ထောံဟွံမာန် ဂိုၚ်စွံလဝ် ပ္ဍဲဂၠမ်±သိဟ်အဲ လၟိုန်ရ။

မိက်ဂွံဗကန်ဏာကဵု ပုရိသာတ် ညးဆာန်ဂဳတ သုခုမမန်တံ ညးဂမၠိုၚ်ဂှ် ဒၞာဲလဵုစိုပ်ပ် ဒၞာဲလဵုနွံနွံ ကဵုဂွံဒှ်မံၚ်ဇြဟတ် ကဵု ဂကောံဂဳတ ဂကူပိုဲမန်အိုတ်ညိဂှ် မိက်ဂွံဟီုဗကန်ဏာရ။

 

 

ဗှ်မာန်မံၚ်

ကမၠောန်ၜဵုတွဵုရးမန် ဗီုလဵုဂွံကလေၚ်ယာဍိုပ်မာန် ဆဵုဂဗသၟာန်သှ်

သယံဇာတတွဵုရးမန် ပရေၚ်ပိုန်ဒြပ်ကမၠောန်ၜဵုယအ်သဝ်စှေ်ကၠုၚ်မံၚ်တံဂှ် ထမံက်ကမၠောန် SME ကဵု ပရေၚ်ဂၠေံသြန်ဗါန် Bank ကီု သၞောဝ်လ္ၚဵုလပါ်အလဵုအသဳတံပလေဝ်ကဵုမာန်မ္ဂး ကလေၚ်ခိုဟ်တိုန်မာန်ရောၚ် အေဝ်ဒဳတာ ဗညာအံၚ် ဆဵုဂဗသၟာန်သှ်လဝ် တၠဖဴၜဵု ကောန်ဂကောံ …

Leave a Reply

%d bloggers like this: