ဗၟာ  ၊ အၚ်္ဂလိက် ၊  Font ၊  Converter

Breaking News
Home / ပရိုၚ် / ဌာနပရေၚ်ပညာဗဟဵုပတိတ်ကဵုအ္စာဘာမန် မွဲဂိတု ၂ ဠက်ဒကေဝ်

ဌာနပရေၚ်ပညာဗဟဵုပတိတ်ကဵုအ္စာဘာမန် မွဲဂိတု ၂ ဠက်ဒကေဝ်

သၟာပရိုၚ်ချူ: >
ဗီုပတိတ်ကဵုသြန်ဂိတု အစာဘာမန်ပွိုၚ်ဍုၚ်ဇြပ်ဗု(GS)
ဗီုပတိတ်ကဵုသြန်ဂိတု အစာဘာမန်ပွိုၚ်ဍုၚ်ဇြပ်ဗု(GS)
နာဲမာန် – တုဲကၠုၚ်ဂိတုအဝ်ဂေတ်ပထမသတ္တဟဂှ် နူကဵု ဌာနပရေၚ်ပညာဗဟဵု ပ္တိတ်ကဵုစရိတ်ဂိတု အ္စာဘာကောန်ဂကူမန် မွဲဂိတု ၂ လက်ဒကေဝ်ရ သာ်ဝွံညးတာလျိုၚ်ပွိုၚ်ဍုၚ်တအ် လဴကဵုရ။

နူကဵုဌာနပညာဗဟဵုဂှ် ပါ်ပရအ်ပ္တိတ်ကဵု ပွိုၚ်ဍုၚ်ကုညးကဵုညးတုဲ နူကဵုပွိုၚ်ဍုၚ်မွဲကဆံၚ် ထပ်ပါ်ပ္တိတ်ကဵုဒၟံၚ် သြန်ထံက်ပၚ်အ္စာဘာကောန်ဂကူမန် ပံက်လဝ်ပ္ဍဲကဵုကွာန်ဂမၠိုၚ်တအ်ဂှ်ရ။

သြန်ထံက်ပၚ်အ္စာဘာတအ်ဂှ် ကိုန်စဳဇန်သၞာံဗ္တောန်ပညာ ၂၀၁၄-၂၀၁၅ လက္ကရဴအိုတ် သွက်ဂိတု ဂျောန် ကဵု ဂျူလာၚ် ၂ ဂိတုဂှ် နူကဵုဌာန တအ်ပ္တိတ်ကဵုသြန်ဂိတုအ္စာဘာတအ် အခိၚ်ပံက်ဘာဏံ အလန်ကၠာ အိုတ်ပွိုၚ် ၂ ဂိတုရ။

‘သၞာံဏံလေဝ် နူကဵုတၠဒါန်တအ် ညးတအ်ထပ်ကဵုအတိုၚ်တြေံတေံပေၚ်ၚ်ပၠန်၊ အ္စာဘာမွဲတၠတှေ်မွဲဂိတု ၂ လက်ဒကေဝ်ပၠန်’ သာ်ဏံ ဥက္ကဌဂကောံအ္စာဘာကောန်ဂကူမန် ပွိုၚ်ဍုၚ်ဇြပ်ဗု မိသိုက်ပိုန် ကလေၚ်ကၠုၚ် နူကောံဓရီု ပညာဗဟဵုဂှ်တုဲ ဟီုထ်ၜးရ။

နူကဵုဌာနပညာဂှ် ပ္တိတ်ကဵုစရိတ်ထံက်ပၚ် ၂ လက်တုဲ သွက်ဂွံဗပေၚ်ကဵု ၅ လက်ဂှ် နူကဵုဂကောံ ကွာန် ပံက်လဝ်ဘာဂမၠိုၚ်ဂှ် ပံက်လဝ်ကမ္မတဳဂၠာဲသြန်ဂအုံတုဲ နူကဵုကမ္မတဳကွာန်တအ်ထပ်ဂၠာဲဗပေၚ်ကဵု ၃ လက်ဒ ကေဝ်ပၠန်ရောၚ် ဂးရ။

သွက်ဂွံဗပေၚ်ကဵုမွဲဂိတု ၅ လက်ဂှ် ကွာန်လ္ၚဵုပြေပြံၚ်နွံ၊ ကွာန်လ္ၚဵုဟွံပြေပြံၚ်လေဝ်နွံရ၊ ဟိုတ်နူဂှ်တုဲ ပွိုၚ်ဍုၚ် လ္ၚဵုဒှ်အာခတှ် သွက်ဂွံဗပေၚ်ကဵုစရိတ်ထံက်ပၚ်အ္စာဘာတအ် ဒဵုအခိၚ်ဏံနွံရ။

ဘာပရေၚ်ပညာကောန်ဂကူမန်ဂှ် ဟိုတ်နူဒှ်အခက်အခုဲကဵုသြန်ထံက်ပၚ်အ္စာဘာဂမၠိုၚ်တအ်ဂှ်တုဲ ဂၠာဲအ္စာ ဝါတ်ကၠုၚ်၊ ကွးဘာယျအ်စှေ်ကၠုၚ် နာနာသာ်ဒှ်မံၚ်အခက်အခုဲနွံရ။

‘ပ္ဍဲပွိုၚ်ဍုၚ်မုဟ်ဍုၚ်ပိုဲဂှ် လၟုဟ်ပြေပြံၚ်မံၚ် သေဌဳလ္ၚဵု ကဵု ဂကောံခမဳသၚ်တအ် ညးတအ်ဂၠာဲပကောံကဵုသြန် ထံက်ပၚ်တအ်ဂှ်တုဲတှေ် ပိုဲဗပေၚ်ကဵုဒၟံၚ် ဍေံပြေပြံၚ်မံၚ်ဏီ ဆဂး ဗီုဏံအာဂွံဆလအ်လဵုဂှ် ဟီုဟွံမာန်ဏီ’ သာ်ဏံ ဥက္ကဌဂကောံအ္စာဘာပွိုၚ်ဍုၚ်မုဟ်ဍုၚ် အ္စာဗြဴမိကျေဝ်ရတ် ဟီုရ။

ဘာကောန်ဂကူမန်သွက်ဂွံဆက်တန်တဴဍာ်ဇမၠိၚ်မာန်ဂှ် နူကဵုကမ္မတဳသြန်ဂအုံပညာဗဟဵုတအ် ပံက်လဝ် သွာၚ်ဂၠာဲသြန်ဂအုံ သွာၚ်ညးကုညးနွံတုဲ ဒုၚ်ဒၟံၚ်ဒါန်သွက်သြန်ဂအုံထံက်ပၚ်ပရေၚ်ပညာကောန်ဂကူမန် နွံရ။

တုဲကၠုၚ်ဟွံလအ်မွဲသာ်ဂှ် ကျာ်ဇၞော်အ္စာဘဒ္ဒန္တ ကေတုမာလာ(ဘာကအ်ပလိုၚ်)ကဵု ကျာ်ဇၞော်အ္စာဘဒ္ဒန္တ သဳလဝန္တ(ဘာဟံသာထဝ်)ၜါဇကုဂှ် တိတ်တရဴဍုၚ်သေံတုဲ တွံဓရ်သွက်ဂွံထံက်ပၚ်ပညာမန်ရ၊ ဂတဟွံ လအ်ဏံလေဝ် သွက်ဂွံတိတ်တရဴတွံဓရ်ထံက်ပၚ်ပညာ ပ္ဍဲဍုၚ်မလေယှာ ကဵု ဍုၚ်သေၚ်္ဂပေါဝ်နွံပၠန်ရောၚ်ဂွံတီရ။

ဗှ်မာန်မံၚ်

ဝါဒဍုၚ်အေန်ဒဳယစၟဳသ္ၚဳရံၚ်ဗၟံက် Act East Policy ကေုာံ ဒေသမဏိပူရ ဟွံၜိုဟ်လလမ်

ဝါဒဍုၚ်အေန်ဒဳယစၟဳသ္ၚဳရံၚ်ဗၟံက် Act East Policy ဟိုတ်နူဂွံအခေါၚ်တိုန်စိုပ် ပ္ဍဲပေဲါသဳကၠဳ အ္စာလိက်ပရိုၚ်ဍုၚ်ဗၟာ-အေန်ဒဳယ နကဵုအစဳဇန် ဂတးဂတန်ရေၚ်တၠုၚ်မဳဒဳယာ ကေုာံ အပ္ဍဲဒေသ အကြာဍုၚ်ဗၟာကဵု Related

Leave a Reply

%d bloggers like this: